2 तीमुथियुस 2:26 - बुक्सा

²⁶ और सैतान के बा फंदा सै बचकै लिकर सकै, जिसमै सैतान नै लोगौ कै अपने कबजा मै रखर खाओ है।

2 तीमुथियुस 2:26 Iomraidhean Croise

लूका 11:21

“जब एक तागतबर आदमी पूरी तरै सै हतियार बांधकै अपने घर की रखबारी करै है तौ बाकी दौलत बची रैहबै है।

लूका 15:17

फिर जब उसके होस ठीकाने आए तौ बौ बोलो, ‘मेरे अब्बा के धौंरे भौत से ऐंसे नौकर हैं जिनके धौंरे खानै के बाद बी बचो रैहबै है, और मैं हिंया भूँको मर रओ हौं।

लूका 5:10

जौई हालत जबदी के लौंड़ा याकूब और यहून्‍ना की बी भई, जो समौन के साजेदार हे, ईसु नै समौन सै कैई, “डर मत, अब सै तू आदमिऔ कै बटोरै करैगो।”

यहून्‍ना 13:2

और खानै के टैम मै जब सैतान पैलेई सै समौन के लौंड़ा यहूदा इसकरोती के मन मै जौ बात डार चुको हो कै बौ बाकै धोके सै पकड़बागो,

यहून्‍ना 13:27

और टुकड़ा लेतेई सैतान बामै बर गओ। इसताँई ईसु नै बासै कैई, “तेकै जो कन्‍नो है, जल्दी कर।”

चेलौ के काम 26:18

कै तू उनकी आँखौ कै खोलै जिस्सै कै बे लोग इन्धेरे सै उज्‍जेरे की ओर आँय और जो सैतान के फंदा मै फसे पड़े हैं, उनकै तू परमेसर के राज मै लेकै आय जिस्सै कै उनके पाप माफ हौं, और परमेसर के छाँटे भए बिसवासी लोगौ मै बे अपनी जघै बनाऐ।’

चेलौ के काम 5:3

जा बात के ऊपर पतरस नै बासै कैई, “हे हननियाह, सैतान नै तेरे मन मै जौ बात काए डारी कै तू पबित्‍तर आत्‍मा सै झूँट बोलै, और खेत के पैसा मै सै कुछ बचाकै रख लै?

1 कुरन्‍थियों 15:34

होस मै आकै सई तरीका सै सोचौ, और पाप कन्‍नो छोड़ौ। कैसेकै तुम्मै सै कुछ ऐंसे हैं, जो परमेसर के बारे मै कुछ बी ना जानै हैं। मैं जौ सबई इसताँई कैरओ हौं कै तुमकै सरम आय।

2 कुरन्‍थियों 2:11

जिस्सै कै सैतान हमरे ऊपर धोके सै कोई चाल ना चलै। कैसेकै हम बाकी चालाँकी कै जानै हैं।

इफिसिऔ 5:14

कैसेकै जोती आई है, जो सबई कुछ कै परकट करै है। इसताँई ऐंसो कैओ गओ है कै, “ओ सोनै बारे जगौ, और मरे भएऔं मै सै जिन्‍दे हो जाऔ, और मसी को उज्‍जेरो तुमरे ऊपर चमकैगो।”

कुलुसिऔं 1:13

परमेसर हमकै इन्धेरे के राज सै लिकारकै अपने पियारे लौंड़ा के राज मै लेकै आओ है।

1 तीमुथियुस 1:20

और इनमै हिमुनियुस और सिकन्‍दर बी हैं। मैंनै उनकै सैतान के हात मै दे दओ, जिस्सै कै उनकै परमेसर के खिलाप मौह सै बुराई ना कन्‍नै को सबक सिकाओ जाय।

1 तीमुथियुस 3:7

और जो लोग बिसवासी ना हैं उनके बीच मै बी बाको अच्‍छो नाम होए, पर ऐंसो ना होए कै बौ किसी गलत बातौं मैं पड़कै सैतान के फंदा मै फस जाय।

परकासन 12:9

और उस बड़े से अजगर कै जो पुरानो साँप है, जिसकै सबसै बड़ी दुसट आत्‍मा और सैतान कैबै हैं। जो सिगरी दुनिया कै भटकावै है उसकै और उसके दूतौ कै धरती मै फैंक दओ गओ।