2 तीमुथियुस 2:25 - बुक्सा

²⁵ जो बिरोद करै उनकै पियार सै समजाऔ, का पतो, परमेसर बाकै बाके पाप सै मन फिरानै को मन देए, जिस्सै कै बे बी सच्‍चाई कै पैचान सकैं,

2 तीमुथियुस 2:25 Iomraidhean Croise

मत्‍ती 11:29

मेरो जुआ अपने ऊपर उठा लो, और मैंसै सीकौ, मैं सौभाब सै नमर और दीन हौं, और तुम अपने मन मै सान्‍ति पाऔगे।

मत्‍ती 21:32

यहून्‍ना तुमकै जिन्‍दगी की सई रस्ता दिखानै आओ और तुमनै उसके ऊपर बिसवास ना करो, पर चुंगी लैनै बारौं और रंडिऔ नै बिसवास करो। तुमनै जौ सब देखो तौबी बाद मै मन ना बदलो और नाई उसमै बिसवास करो।

मरकुस 1:15

और कैललगो, “बखत पूरो हो चुको है, परमेसर को राज धौंरे आ गओ है और गलत कामौ सै मन फिराऔ और अच्‍छी खबर मै बिसवास करौ।”

यहून्‍ना 5:34

पर मैं अपने बारे मै आदमी की गभाई ना चाँहबौ हौं, तौबी मैं जे बात इसताँई कैबौ हौं कै तुमकै मुक्‍ति मिलै।

चेलौ के काम 11:18

जौ बात सुनकै बे चुप हो गए, और परमेसर की बड़ाई करल लगे और उन्‍नै कैई कै, “परमेसर नै गैर यहूदी लोगौ कै बी गलत काम सै मन फिरानै को मौको दओ है जो जिन्‍दगी की ओर ले जावै है।”

चेलौ के काम 2:38

तबई पतरस नै उनसै कैई, “गलत काम सै मन फिराऔ और अपने पापौं की माफी के ताँई ईसु मसी के नाम मै जल संस्कार लो, तौ तुम पबित्‍तर आत्‍मा को दान पा सकौगे।

चेलौ के काम 20:21

मैं यहूदी और यूनानी लोगौ सै बिनती करतो रैहओ कै परमेसर की ओर बढ़ौ और हमरे परभु ईसु मसी मै बिसवास करौ।

चेलौ के काम 5:21

जौ बात सुनकै बे सकारे पड़े मन्‍दर मै जाकै लोगौ कै उन बातौं कै सिकाल लगे। बड़ो पुजारी और बाके सातिऔं नै आकै यहूदी और ईसराइल के लोगौ कै इखट्‍टो करो, और जेल मै भेजे भए चेलौ कै लैनै के ताँई आदमी भेजे।

चेलौ के काम 5:31

और बाई कै परमेसर नै परभु और मुक्‍ति दैनै बारो ठैराओ और अपने दाँय हात की ओर बिठाओ, जिस्सै कै बौ सिगरे ईसराइली लोगौ कै उनके गलत कामौ सै मन फिरबाऐ और उनकै माफ करै।

चेलौ के काम 8:22

इसताँई गलत काम सै अपनो मन फिरा और परभु सै पिराथना कर कै जो तेरे मन मै गलत बात है बाके ताँई तेकै माफी मिलै।

गलातिऔ 6:1

पियारे भईयौ, अगर तुम्मै सै कोई आदमी गलत काम करतो भओ पकड़ो जाय तौ तुम्मै सै जो आत्‍मिक होए बौ बाकै पियार सै समजाऐ, और तुम खुद बी चौकस रौह कै तुम बी किसी लालच मै ना पड़ौ।

1 तीमुथियुस 2:4

परमेसर ऐंसो चाँहै है कै सिगरे लोग बच जाँय और बे सच्‍चाई कै अच्‍छे सै जानै।

1 तीमुथियुस 6:11

पर ओ परमेसर के लोगौ तुम इन बातौं सै दूर भाजौ और धरम के काम, भक्‍ति, बिसवास, पियार, सबर, और नमर बातौं के पिच्‍छे लगे रौह।

2 तीमुथियुस 3:7

ऐंसी बईयरैं सिकनै की कोसिस तौ हमेसा करै हैं, पर पूरी सच्‍चाई के गियान तक पौंच ना पावै हैं।

तीतुस 1:1

पौलुस की ओर सै जो परमेसर को दास और ईसु मसी को भेजो भओ चेला है। मैंकै परमेसर के चुने भए लोगौ कै बिसवास मै बढ़ानै और सच्‍चाई कै जान्‍नै के ताँई भेजो गओ है जिस्सै बे पबित्‍तर जिन्‍दगी जीऐं।

तीतुस 3:2

किसी की बदनामी ना करैं, झगड़ो कन्‍नै बारे ना हौं, पर सान्‍त सौभाब के हौं, और सब लोगौं के संग अच्‍छो बरताब करैं।

याकूब 1:17

कैसेकै सबई अच्‍छे और पक्‍के बरदान ऊपर सै हैं, और जे सबई उज्‍जेरे के अब्बा की ओर सै नीचे आबै हैं, और छाँई तौ बदल जावै है पर बौ कबी ना बदलै है।

1 पतरस 3:15

पर मसी कै अपनी जिन्‍दगी मै सच्‍चे मन सै परभु मानकै पबित्‍तर समजौ, और जो उमीद तुमरी मसी मै है अगर बाके बारे मै कोई पूँछै तौ बाकै जबाब दैनै के ताँई तईयार रौह, पर पियार और आदर के संग।

1 यहून्‍ना 5:16

अगर कोई अपने भईया कै ऐंसो पाप करतो देखै जिसको फल मौत ना है, तौ बौ बाके ताँई पिराथना करै और परमेसर बाकै जिन्‍दगी देगो, जिनौनै ऐंसो पाप करो हो जिसको फल मौत ना है। ऐंसो पाप बी है जिसको फल मौत है; मैं बाके बारे मै पिराथना कन्‍नै के ताँई ना कैबै हौं।