2 तीमुथियुस 1:14 - बुक्सा

¹⁴ हमरे भीतर रैहनै बारी पबित्‍तर आत्‍मा की बजै सै जो आत्‍मिक खजानो तुमकै देर खाओ है बाकी अच्‍छे सै रखबारी करौ।

2 तीमुथियुस 1:14 Iomraidhean Croise

लूका 16:11

अगर तुम दुनियादारी की धन-दौलत समारने मै ईमानदार ना रैहए तौ परमेसर तुमकै उस सच्‍चे धन कै कैसे सौंपैगो?

यहून्‍ना 14:17

यानी सच की आत्‍मा जिसकै दुनिया ना मानै है, कैसेकै बौ बाकै ना तौ देखै है और ना जानै है, पर तुम बाकै जानौ हौ, कैसेकै बौ तुमरे संग रैहबै और तुम्मै होगो।

रोमियो 3:2

हर तरै सै भौत फाएदा है। पैले तौ जौ कै परमेसर के बचन उनकै सौंपे गए हैं।

रोमियो 8:11

और बौ आत्‍मा जिसनै ईसु कै मरे भएऔं मै सै जिन्‍दो करो हो, अगर तुमरे भीतर रैहबै है, तौ बौ परमेसर जिसनै मसी कै मरे भएऔं मै सै जिन्‍दो करो हो, बौ तुमरे मरे भए सरीरौं कै बी अपनी आत्‍मा सै जो तुमरे भीतर रैहबै है, जिन्‍दो करैगो।

रोमियो 8:13

कैसेकै अगर तुम सरीर के अनुसार दिन काटौगे, तौ मरौगे। और अगर आत्‍मा सै सरीर के बुरे कामौ कै मारौगे, तौ जिन्‍दे रैहओगे।

रोमियो 8:9

अगर सच्‍ची मै परमेसर को आत्‍मा तुम्मै बसै है, तौ तुम सरीर के ना हौ, पर आत्‍मा के हौ। पर अगर किसी मै मसी को आत्‍मा ना हो, तौ बौ मसी को ना है।

1 कुरन्‍थियों 3:16

का तुम जौ बात ना जानौ हौ कै तुम परमेसर के मन्‍दर हौ और परमेसर को आत्‍मा तुम्मै रैहबै है?

1 कुरन्‍थियों 6:19

का तुम जौ ना जानौ हौ कै तुमरो सरीर पबित्‍तर आत्‍मा को मन्‍दर है? जो तुम्मै रैहबै है, और तुमकै परमेसर की ओर सै मिलो है, और अब तुम खुद के ना हौ।

1 कुरन्‍थियों 9:17

अगर मैं जौ काम खुद की मरजी सै करौ हौं, तौ डिहाड़ी मैंकै मिलै है, पर अगर मैं खुद की मरजी सै ना करौ हौं। तौबी बौ काम तौ मैंकैई सौंपो गओ है।

2 कुरन्‍थियों 5:16

पर अब सै हम किसी बी आदमी कै जा दुनिया की नजरौ के हिसाब सै ना देखंगे। पर एक बखत हो जब हम मसी कै जा दुनिया के लोगौ की नजरौ के हिसाब सै देखै हे पर अब ऐंसे ना देखै हैं।

गलातिऔ 2:7

पर उन लोगौ नै जौ मान लओ कै जिस तरीका सै परमेसर नै पतरस कै यहूदी लोगौ के बीच मै अच्‍छी खबर सुनानै को काम सौंपो हो, बैसेई परमेसर नै मैंकै गैर यहूदी लोगौ के बीच मै अच्‍छी खबर सुनानै को काम सौंपो है।

इफिसिऔ 2:22

और पबित्‍तर आत्‍मा के दुआरा तुम लोग बी जा घर मै जुड़ते जाबौ हौ जिस्सै कै तुम परमेसर के ताँई एक आत्‍मिक रैहनै की जघै बन सकौ।

इफिसिऔ 5:18

और सराप पीकै नसेड़ी मत बनौ, कैसेकै इस्सै लुच्‍चे काम की इच्‍छा जगै है। बलकन तुम पबित्‍तर आत्‍मा सै भरते जाऔ।

कुलुसिऔं 4:11

और ईसु जिसकै यूसतुस बी कैबै हैं, बौ तुमकै नमस्कार कैबै है; और यहूदी बिसवासी लोगौ मै सै परमेसर के राज कै बढ़नै के ताँई बस जेई लोग मेरे संग काम कर रए हैं और इनई की बजै सै मैंकै सान्‍ति मिली है।

1 थिसलुनीकियौ 5:19

पबित्‍तर आत्‍मा के कामौ कै मत दबाऔ।

1 तीमुथियुस 1:11

जौ सिक्‍छा धन्‍न परमेसर की बा महिमा के ताँई उस अच्‍छी खबर के हिसाब सै है, जो मैंकै सौंपी गई है।

1 तीमुथियुस 6:20

हे तीमुथियुस जो तेकै देर खाई है, तू बाकी देखभाल कर। और जो बात आत्‍मिक ना हैं, बेकार की बकबास सै और दुसमनौ की बिरोद की बातौं के तीरौं सै जो झूँटो गियान कैलाबै है बासै दूर रैहईए।

2 तीमुथियुस 1:12

इसताँई मैं जे दुख बी उठा रओ हौं, फिर बी मैं सरमाबौ ना हौं कैसेकै मैं जौ बात जानौ हौं कै मैंनै किस मै बिसवास करो है। मैंकै पक्‍को भरोसो है कै जो मैंकै चीज सौंपी हैं बाकी रखबारी बौ कर सकै है, जब तक कै बौ नियाय को दिन ना आय।

2 तीमुथियुस 2:2

और जिन बातौं कै तैनै भौस्से गभाऔ के सामने मैंसै सुनो है, उनकै ऐंसे लोगौ कै सौंपीए जो बिसवास बारे हौं और दूसरौं कै सिकानै बारे बी हौं।

1 पतरस 1:22

अब देखौ जब तुमनै सच्‍चाई की बातौं कै मानो है और अपनी आत्‍मा कै पबित्‍तर करो है तौ तुम सच्‍चे दिल सै एक दूसरे सै पियार रक्‍खौ, और आनै बारे बखत मै बी पूरे दिल सै पियार करौ।