2 तीमुथियुस 1:10 - बुक्सा

¹⁰ पर अब हमरे मुक्‍ति दैनै बारे ईसु मसी के परकट होनै के दुआरा जौ बात सामने आई है कै बानै मौत को नास कर दओ है, और अच्‍छी खबर सै जिन्‍दगी कै और जो जिन्‍दगी कबी खतम ना होवै है, बाकी उमीद दिखाई है।

2 तीमुथियुस 1:10 Iomraidhean Croise

लूका 11:36

अगर तुमरो सैरो सरीर उज्‍जेरे सै भरो भओ है और उसको कोई बी अंग इन्धेरे मै ना है तौ बौ पूरी तरै ऐंसे चमकैगो मानौ कोई दिया अपनी चमक सै तेकै उज्‍जेरो देवै है।”

लूका 13:7

तब बानै बगीचा के माली सै कैई, ‘देख, तीन साल सै मैं इस अंजीर के पेड़ मै फल ढूंड़नै आ रओ हौं, पर इसमै मैंकै एक बी फल ना मिलो, इसकै काट दे, कै जौ जमीन कै बी ना घेरे रैह?’

लूका 2:11

कै आज दाऊद के सैहर मै तुमरे ताँई एक मुक्‍तिदाता जलमो है और जौई मसी परभु है।

यहून्‍ना 1:9

बचन बौ सच्‍ची जोती हो जो सब आदमिऔ कै उज्‍जेरो देवै है, बौ दुनिया मै आ रओ हो।

यहून्‍ना 14:6

ईसु नै बासै कैई, “रस्ता, सच्‍चाई और जिन्‍दगी मैंई हौं। बिना मेरे दुआरा कोई अब्बा के धौंरे ना जा सकै है।

यहून्‍ना 20:31

पर जे इसताँई लिखे गए हैं कै तुम बिसवास करौ, कै ईसुई परमेसर को लौंड़ा मसी है, और बिसवास करकै बाके नाम सै जिन्‍दगी पाऔ।

यहून्‍ना 4:42

उनौनै उस बईयर सै कैई, अब हम तेरे कैनै सैई बिसवास ना करै हैं, पर हमनै खुदई सुन लओ, और जान लओ है कै जौई सचमुच मै दुनिया कै मुक्‍ति दैनै बारो है।

यहून्‍ना 5:40

फिर बी तुम जिन्‍दगी पानै के ताँई, मेरे धौंरे आनो ना चाँहौ हौ।

चेलौ के काम 13:23

परमेसर नै अपनो बादो पूरो कन्‍नै के ताँई ईसराइल मै मुक्‍ति दैनै बारे ईसु कै जाई दाऊद के खानदान मै पैदा करो।

चेलौ के काम 5:31

और बाई कै परमेसर नै परभु और मुक्‍ति दैनै बारो ठैराओ और अपने दाँय हात की ओर बिठाओ, जिस्सै कै बौ सिगरे ईसराइली लोगौ कै उनके गलत कामौ सै मन फिरबाऐ और उनकै माफ करै।

रोमियो 16:26

अनन्‍त परमेसर नै अब अपनी आगियाँ के दुआरा नबिऔ की किताबौ मै सैरी जातिऔं कै उस लुके भए राज कै परकट करो है जिस्सै कै बे सब बिसवास करैं और उसकै मानै।

रोमियो 2:7

जो लोग धीरज के संग भलाई करते भए महिमा और आदर और अमर जिन्‍दगी की खोज मै हैं, उनकै बौ हमेसा की जिन्‍दगी देगो।

रोमियो 3:31

तौ का हम बिसवास के दुआरा परमेसर के नियम कै तोड़ै हैं? बिलकुल ना! बलकन हम तौ नियम कै और बी जादा अच्‍छे सै मानै हैं।

रोमियो 6:6

हमकै कबी जौ ना भूलनो चँईऐ कै हमरो पुरानो सौभाब ईसु के संग कुरूस मै चढ़ा दओ गओ है, जिस्सै पाप को सरीर मर जाऐ और हम फिर सै पाप के दास ना बन पांऐ।

1 कुरन्‍थियों 15:26

सबसै आखरी दुसमन जिसको नास करो जागो, बौ मौत है।

1 कुरन्‍थियों 4:5

इसताँई ठैराए भए बखत सै पैलेई, परभु के आनै तक कोई किसी को नियाय ना करै, कैसेकै बौई तौ इन्‍धेरे मै छिपी भई बातौं कै सामने लागो, और जो बात आदमी के मन मै है। बाकै बी बौ परकट कर देगो। तब सिगरे लोगौ की बड़ाई परमेसर की ओर सै होगी।

2 कुरन्‍थियों 5:4

सच्‍ची मै हम जब तक जा दुनिया के घर यानी सरीर मै रैहंगे, तौ बोज की बजै सै कैंखते रैहंगे, कैसेकै हम अपने जा सरीर कै छोड़नै के ताँई ना सोचै हैं। पर जामै सुरग के सरीर कै पैहरनो चाँहै हैं, जिस्सै जौ नास होनै बारो सरीर जिन्‍दगी मै बदल जाय।

गलातिऔ 5:4

अगर तुम जौ सोचौ हौ कै हम नियम की लिखी भई बातौं कै मानकै धरमी बन जांगे, तौ तुम अपनो रिस्ता मसी सै तोड़ौ हौ और परमेसर के किरपा के लायक बी ना रैहओगे।

इफिसिऔ 1:18

मेरी जौ बी पिराथना है कै तुमरे मन की आँख खुल जाँय और तुम जौ जान सकौ कै बाके बुलानै सै तुमकै कितनी बड़ी आस मिली है, और जिस बिरासत कै बौ अपने पबित्‍तर लोगौ कै देगो बौ कितनो महान और महिमा सै भरी भई है।

इफिसिऔ 1:9

अपनी इच्‍छा को भेद हमकै बानै अपने भले मकसद के अनुसार परकट करो, बा योजना कै मसी मै पूरो कन्‍नै के ताँई पैलेई फैसला करो हो।

2 थिसलुनीकियौ 2:8

तबई बौ दुसट आदमी परकट होगो। पर जब परभु ईसु फिर सै आगो तौ बौ बाकै अपनी मौह की फूँक सै मार देगो और अपनी जोती की चमक सै बाकै भसम कर देगो।

2 तीमुथियुस 1:1

जौ चिट्‌ठी पौलुस की ओर सै है जो परमेसर की मरजी सै परभु ईसु मसी को भेजो भओ चेला हो और जिसकै ईसु मसी मै जिन्‍दगी पानै बारे बादे के परचार कन्‍नै के ताँई भेजो हो।

2 तीमुथियुस 1:8

इसताँई ना तौ तू हमरे परभु की गभाई दैनै सै और ना मैंसै जो बाको कैदी है, सरमईओ। पर बा सकति के दुआरा अच्‍छी खबर कै सुनानै के ताँई मेरे संग दुख उठाऔ जो परमेसर की ओर सै मिलै है।

2 तीमुथियुस 4:1

परमेसर और ईसु मसी कै गभा मानकै, जो जिन्‍देऔं और मरे भएऔं दौनौ को नियाय करै है, और बाके राज के फिर सै आनै के बारे मै याद दिब्बाते भए मैं तुमकै हुकम देवौ हौं।

2 तीमुथियुस 4:8

अब सुरग मै मेरे ताँई धारमिकता को मुकट तईयार करकै रखर खाओ है और परभु जो सच्‍चो नियाय कन्‍नै बारो है। मैंकै बा दिन देगो और मैंकैई ना पर उन सबई लोगौ कै बी देगो जो पियार के संग बाको फिर सै आनै को पैंड़ो देख रए हैं।

तीतुस 2:11

कैसेकै परमेसर की किरपा सब आदमिऔ के मुक्‍ति के ताँई परकट भई है।

तीतुस 2:13

और उस धन्‍न उमीद की मतलब अपने महान परमेसर और मुक्‍तिदाता ईसु मसी की महिमा के परकट होनै को पैंड़ो देखते रैंह।

तीतुस 3:4

पर जब हमरे मुक्‍तिदाता परमेसर की किरपा और लोगौं मै उसको पियार परकट भओ,

इबरानिओ 10:32

अपने बे पुराने दिन याद करौ जब तुमरे ऊपर परमेसर को उज्‍जेरो चमको हो तब दुख और परेसानिऔ कै सैहते भए कैसे तुम टिके रैहए।

2 पतरस 1:1

मैं समौन पतरस जो ईसु मसी को सेवक और भेजो भओ चेला हौं, जौ चिट्‌ठी मैं उन लोगौ के नाम लिख रओ हौं जो हमरे हाँई हमरे परमेसर और मुक्‍ति दैनै बारे ईसु मसी की धारमिकता के दुआरा सै बिसवास पावै हैं।

2 पतरस 1:11

और इसई तरै सै हमरे मुक्‍ति दैनै बारे परभु ईसु मसी के हमेसा के राज मै बड़ी इज्‍जत के संग तुमरो सुआगत करो जागो।

2 पतरस 1:3

परमेसर की सुरग की सकति नै हमकै बौ सब कुछ दओ है जो जिन्‍दगी और भक्‍ति के ताँई जरूरी है; और जौ सब हमनै बाके गियान पानै की बजै सै पाओ है, जिसनै हमकै अपनी बड़ाई और भलाई मै सामिल होनै के ताँई बुलाओ है।

2 पतरस 2:20

अगर बे हमरे परभु और मुक्‍ति दैनै बारे ईसु मसी कै जानकै दुनिया की बुरी बातौं सै बच गए हैं; और बे फिर पाप मै फसकै हार जावै हैं, तौ उनकी अबी की जिन्‍दगी पैले सै बी बुरी हो गई है।

2 पतरस 3:18

पर हमरे परभु और मुक्‍ति दैनै बारे ईसु मसी के किरपा और गियान मै बढ़ते जाऔ; और बाकी बड़ाई अब्बी हो और युगौं-युगौं तक होती रैह। ऐंसोई होए।

2 पतरस 3:2

तुम उन बातौं कै जो पबित्‍तर नबिऔ नै पैलेई सै कैंई हीं; उनकै याद करौ और परभु और मुक्‍ति दैनै बारे की आगियाँ कै, जो भेजे भए चेलौ के दुआरा तुमकै दई हैं याद करौ।

1 यहून्‍ना 1:2

जौ जिन्‍दगी परकट भई, और हमनै बौ देखो, और हम बाकी गभाई देवै हैं और अब हम तुमकै हमेसा की जिन्‍दगी की खबर बताबै हैं, जो अब्बा के संग हो और हमरे ऊपर परकट भओ।

1 यहून्‍ना 4:14

हमनै जौ देखो है और हम इसकी गभाई बी देवै हैं, कै परम पिता नै अपने लौंड़ा कै दुनिया के मुक्‍तिदाता के रूप मै भेजो।

परकासन 18:1

इसके बाद मैंनै एक सुरगदूत कै सुरग सै नीचे उतरते देखो, जिसकै बड़ो अधकार मिलो भओ हो, और उसकी चमक सै धरती मै उज्‍जेरो हो गओ।

परकासन 2:7

“जिसके कान हौं बौ सुन ले कै आत्‍मा बिसवासिऔ की मंडलिऔ सै का कैबै है। जो जै पाऐ, मैं बाकै उस जिन्‍दगी के पेड़ मै सै फल खानै कै दंगो जो परमेसर के बगीचा मै है।

परकासन 20:14

इसके बाद मौत कै और अधलोक कै आग की झील मै डारो गओ। जौ आग की झील की दूसरी मौत है।

परकासन 22:14

धन्‍न हैं बे, जो अपने लत्‍ता धो लेबै हैं, कैसेकै उनकै जिन्‍दगी के पेड़ के धौंरे आनै को अधकार मिलैगो, और बे मौहड़े सै होकै सैहर मै भीतर आंगे।

परकासन 22:17

आत्‍मा और दुलहैन दौनौ कैबै हैं, “आ!” और सुन्‍नै बारो बी कैए, कै “आ!” और जो पियासो होए, बौ आए और जो कोई चाँहै बौ जिन्‍दगी को जल मुफत मै पी ले।