2 पतरस 2:3 - बुक्सा

³ अपने फाएदा के ताँई झूँटे सिकानै बारे अपनी बनाई भई बातौं सै तुमसै पैसा कमांगे। उनकी सजा पैलेई सै ठैराई जा चुकी है और उनको नास होनैई बारो है।

2 पतरस 2:3 Iomraidhean Croise

मत्‍ती 23:14

लूका 18:8

मैं तुमसै कैरओ हौं; परमेसर तुरन्‍त उनको फैसला करैगो; तौबी जब आदमी को लौंड़ा बापस आगो, तौ का धरती के ऊपर भौत लोगौ कै बिसवास करते देखैगो?”

लूका 20:20

इसताँई बे उसकी ताख मै लगे और जासूस बी भेजे, कै धरमी को भेस धरकै ईसु की कोई ना कोई बात पकड़ैं, और उसकै किसी बात मै फसाकै रोमी राजपाल के हात मै सौंप दैं।

लूका 22:47

जब ईसु बात करई रओ हो तौ देखौ, एक भीड़ आ पौंची और बारैह चेलौ मै सै एक जो यहूदा कैलाबै हो, भीड़ के अग्गे-अग्गे चलो आ रओ हो, बौ ईसु कै चूमनै के ताँई उसके धौंरे आओ।

यहून्‍ना 2:16

और कबूतर बेचनै बारौं सै कैई, “इनकै हिंया सै ले जाऔ, मेरे अब्बा के घर कै बजार मत बनाऔ।”

रोमियो 16:18

कैसेकै जे लोग हमरे परभु मसी की ना पर अपने पेट की सेवा करै हैं, और अपनी चिकनी चुपड़ी बातौं सै सीदे सादे मन के लोगौ कै बहका देवै हैं।

2 कुरन्‍थियों 2:17

हम उन भौस्से लोगौ के हाँई ना हैं, जो परमेसर के बचनौ कै खुद के फाएदा के ताँई मिलाबट करै हैं। पर हम तौ परमेसर के बचनौ को परचार सच्‍चाई और ईसु मसी के हक सै और परमेसर की नजरौ के सामने करै हैं।

1 थिसलुनीकियौ 2:5

कैसेकै परमेसर हमरो गभा है। तुम जौ बी जानौ हौ कै हम ना तौ कबी चुगली की बात करै हैं, और नाई कबी लालच के ताँई कोई बहानो बनाबै हैं।

1 थिसलुनीकियौ 5:3

जब लोग जौ कैंगे कै, “अब तौ चैन और किसी बात को डर ना है” तौ तबई एकदम बिनास आगो और ऐंसो कै जैसे एक गरबबती बईयर के बालक जननै के बखत जो दरद अचानक सै आवै है बैसेई आगो और बा बिनास सै कोई बी बच ना पागो।

1 तीमुथियुस 3:3

बौ ना तौ दारू पीनै बारो और ना लड़ाई कन्‍नै बारो होए पर सरीप होनो चँईऐ, और बौ नाई बैहैस कन्‍नै बारो और ना लालच कन्‍नै बारो होए।

1 तीमुथियुस 3:8

इसताँई बिसवासिऔ की मंडली के लोगौ की सेवा कन्‍नै बारो, इज्जतदार होए, दोगलो आदमी ना होए, दारू पीनै बारो ना होए, बुरी कमाई को लालची ना होए।

1 तीमुथियुस 6:5

और उन लोगौ के बीच मै बेकार की लड़ाई होवै हैं। उनकी बुद्‍धि बेकार हो गई है और सच्‍चाई सै दूर भाजै हैं। बे ऐंसो समजै हैं कै भक्‍ति कमाई को जरिया है।

तीतुस 1:11

इनको मौह बन्‍द कन्‍नो चँईऐ। जे लोग नीच कमाई के ताँई जो बात ना सिकानी चँईऐ उन बातौं कै बी सिकाकै घर के घर बिगाड़ देवै हैं।

तीतुस 1:7

कैसेकै अगुबा कै परमेसर को काम सौंपो गओ है, इस बजै सै उसकै निरदोस होनो चँईऐ, ना हटी, ना घुस्सा कन्‍नै बारो, ना पियक्‍कड़, ना मारपीट कन्‍नै बारो, और ना नीच कमाई को लालची हो,

1 पतरस 2:8

और जौ बौई पत्‍थर है जिस्सै लोगौ कै ठोकर लगैगी और जौ एक चट्‍टान है जिस्सै लोग गिर जावै हैं; कैसेकै बे तौ बचन कै ना माननै की बजै सै ठोकर खावै हैं और उनकै इसई के ताँई बनाओ बी गओ है।

1 पतरस 5:2

जो तुमरे बीच मै परमेसर के लोग हैं उनकी रखबारी करौ; पर जौ दबाब सै ना और नाई बुरी कमाई के ताँई बलकन जौ परमेसर की इच्‍छा सै और अपनी खुसी सै करौ।

2 पतरस 1:16

जब हमनै तुमकै हमरे परभु ईसु मसी की सकति और आनै की अच्‍छी खबर सुनाई ही, तौ हमनै चालाँकी सै बनाई भई कस्ता को साहारो ना लओ हो, पर हम खुद बाकी बड़ी सकतिऔं कै देक्‍कै बाकी गभाई देवै हैं।

2 पतरस 2:1

और जैसे उनके बीच मै झूँटे भबिसबानी कन्‍नै बारे हे, बैसेई तुमरे बीच मै झूँटे सिकानै बारे बी हौंगे, जो चुपके चुपके नास कन्‍नै बारी झूँटी सिक्‍छा कै सिकाबै हैं, और बे बा मालिक को इनकार करै हैं जिसनै उनकै मोल लओ हो, ऐंसो करकै बे अपने ऊपर नास कै जल्दी बुलाबै हैं।

2 पतरस 2:9

और परभु जानै है कै अपने लोगौं कै मुसीबतौं सै कैसे बचानो है और अधरमिऔं कै नियाय के दिन तक सजा के ताँई कैसे रखनो है।

यहूदा 1:11

ऐंसे लोगौ के ऊपर हाय, जिनको चाल-चलन कैन के हाँई है; और जो बिलाम के हाँई गलत कमाई के ताँई भटक गए हैं; और जो कोरा के हाँई बिरोद करकै नास भए।

यहूदा 1:15

और परमेसर सबको नियाय करैगो।” दुसट लोगौ कै उनके बुरे काम के ताँई और जो उनौनै अपनी बुराई की बजै सै करर खाए हैं और उन दुसट पापी लोगौ कै जिनौनै बाके खिलाप बुरे बचन बोले हैं, उनकै परमेसर दोसी ठैरागो।

यहूदा 1:16

ऐंसे लोग चुगली कन्‍नै बारे और दूसरौं मै गलती ढूंड़नै बारे हैं, और जे अपनी बुरी इच्‍छा के पीछे चलै हैं और अपने मौह सै घमंड बारी बात बोलै हैं, और अपने फाएदा के ताँई जे दूसरौं की झूँटी बड़ाई करै हैं।

यहूदा 1:4

कैसेकै हमरे बीच मै कुछ बुरे लोग चोरी सै घुसे हैं, और बे परमेसर की किरपा को फाएदा गलत कामौ कै कन्‍नै के ताँई कर रए हैं, और जो हमरो एकई मालिक और परभु ईसु मसी है, बाकै ना मानै हैं। पबित्‍तर सास्तर मै पैलेई ऐंसे लोगौ के ताँई सजा के बारे मै लिखो भओ है।

यहूदा 1:7

जिस तरै सदोम, अमोरा और बाके अड़ोस-पड़ोस के इलाके के लोग जो बैबिचार करल लगे हे और हर तरै की सरीर की बुरी इच्‍छा मै पड़े। तबई परमेसर नै इन इलाकेऔ कै कबी ना बुतनै बारी आग मै जरानै की सजा दई, और हमरे ताँई जौ एक उदाहरन है।