1 तीमुथियुस 6:4 - बुक्सा

⁴ तौ मैं समजौ हौं कै बाकै घमंड नै अन्धो बना दओ है और कुछ ना समजै है। पर बाकै बैहैस कन्‍नै की और छोटी छोटी बातौं मै लड़ाई कन्‍नै की बेमारी हो गई है, जिनसै जरन, और लड़ाई, और बेजती की बात, और बुरे-बुरे सक कन्‍नै।

1 तीमुथियुस 6:4 Iomraidhean Croise

चेलौ के काम 15:2

इन बातौं कै लेकै पौलुस और बरनबास की उनके संग बैहैस बाजी हो गई और जा बात के निपटारे के ताँई पौलुस, बरनबास और कुछ लोगौ कै ऐरूसलेम मै भेजे भए चेलौ और बिसवासिऔ की मंडली के मुखियौं के धौंरे भेजो।

चेलौ के काम 18:15

पर जौ लड़ाई बातौं, नामौं और तुमरे नियम के बारे मै है तौ तुमई निपटौ। मैं ऐंसी बातौं को नियाय कन्‍नै बारो ना बन्‍नो चाँहौ हौं।”

चेलौ के काम 8:9

बहाँ एक समौन नाम को आदमी हो, जो कई बखत सै सामरिया के लोगौ कै अपने जादू सै चौंका रओ हो और खुद कै एक बड़ो आदमी बताबै हो।

रोमियो 12:16

आपस मै मेल-जोल रक्‍खौ, घमंडी ना बनौ, बलकन कमजोर लोगौ के संग रैहऔ। अपने आपकै होसिआर ना समजौ।

रोमियो 13:13

हम बैसेई रैहऐ जैसे दिन के टैम मै रैहबैं हैं। और दाबतौं मै खाकै पीकै धुत्‍त ना होओ, बईयरौं के संग गलत काम ना करौ, भोग-विलास मै ना पड़ौ, लड़ाई, और ना किसी सै जरन रक्‍खौ।

रोमियो 14:1

अगर कोई बिसवास मै कमजोर है, तौ उसकै अपने संग-संग लेकै चलौ मगर उनसै बैहैस ना करौ।

रोमियो 2:8

और जो लोग मतलबी हैं, सच्‍चाई कै ना मानै हैं पर बुराई मै चलै हैं, इनके ऊपर परमेसर की घुस्सा और कोप पड़ैगो।

1 कुरन्‍थियों 11:16

अगर कोई बैहैस कन्‍नी चाँहै है तौ बौ जौ जान ले कै ना तौ हमरे हिंया जाके अलाबा ऐंसो कोई रिबाज है और नाई परमेसर के बिसवासिऔ की मंडलिऔ मै।

1 कुरन्‍थियों 11:18

सबसै पैले मैंनै जौ सुनो हो कै जब तुम बिसवासिऔ की मंडली मै इखट्‍टे होबौ हौ, तब्बी तुमरे बीच मै फूट पड़ी रैहबै है, और मैं जा बात के ऊपर थोड़ो भौत बिसवास बी करौ हौं।

1 कुरन्‍थियों 3:18

कोई बी खुद कै धोको ना दै, अगर तुम्मै सै कोई बी जा दुनिया मै खुद कै गियानी समजै है, तौ बौ खुद कै मूरख बनालै, कै बौ गियानी बन जाय।

1 कुरन्‍थियों 3:3

कैसेकै तुम अबी बी दुनिया के लोगौ के हाँई हौ, और तुमरे बीच मै लड़ाई और जरन दिखाई देवै है। इस्सै जौ पतो लगै है कै तुम दुनिया के लोगौ के हाँई चाल चलौ हौ।

2 कुरन्‍थियों 11:20

कैसेकै जब तुमकै कोई अपनो दास बनाऐ, या तुमरो फाएदा उठाऐ, या तुमकै कुछ बात मै फसा देवै, या खुद कै तुमसै बड़ो समजै, या तुमरे मौह मै चाँट मारै तौबी तुम बाकै सैह लो।

गलातिऔ 5:15

पर अगर तुम आपस मै जंगली जनाबरौ के हाँई काठौ और एक दूसरे कै फाड़ौ तौ चौकस रौह, कहीं ऐंसो ना होए कै तुम आपस मै खतम हो कै नास हो जाऔ।

गलातिऔ 5:26

ना हम घमंडी बनैं और ना एक दूसरे कै चिड़ाऐ और नाई आपस मै जरन रक्‍खैं।

गलातिऔ 6:3

कैसेकै अगर कोई आदमी खुद कै बड़ो समजै है और बौ बड़ो ना है, तौ बौ खुद कै धोको देरओ है।

फिलिप्‍पीऔ 1:15

कुछ तौ जरन और दुसमनी के बजै सै मसी को परचार करै हैं, और कुछ भली इच्‍छा सै।

फिलिप्‍पीऔ 2:14

सबई काम बिना कुड़कुड़ाए और बिना बैहैस के करे करौ,

फिलिप्‍पीऔ 2:3

मतलबी और बेकार के घमंड से कुछ काम ना करौ पर दीनता सै एक दूसरे कै अपने सै अच्‍छो समजौ।

कुलुसिऔं 2:18

कोई बी आदमी अपनी झूँटी दीनता सै या सुरगदूतौं की पूजा करबाकै तुमरे ईनाम कै ना लूट सकै है, ऐंसो आदमी देखी भई बातौं के पिच्‍छे लगो रैहबै है और अपने पाप बारी सोच के ऊपर बिना बजै के घमंड करै है।

2 थिसलुनीकियौ 2:4

बौ देबताऔ और सिगरी पूजनै की चीजौ को बिरोद करैगो और खुद कै बड़ो ठैरागो और बौ परमेसर के मन्‍दर मै बैठकै खुद कै परमेसर कैगो।

1 तीमुथियुस 1:4

उनसै कैऔ कै खानदान की बातौं और बेकार की मन सै बनाई भई कस्ताऔ मै धियान ना देओ, और अपनो बखत बेकार की बातौं मै ना खराब करौ, जो लड़ाई कै बढ़ाबो देवै हैं। इन बातौं सै परमेसर के बा बचन को गियान ना मिलै है, जो बिसवास मै टिको है।

1 तीमुथियुस 1:7

ऐंसे लोग परमेसर के नियम कै सिकानै बारे तौ बन्‍नो चाँहै हैं। पर बे जो बात बोलै हैं और जिन बातौं के ऊपर जादा जोर डारै हैं, बे खुद बी उनको मतलब ना जानै हैं।

1 तीमुथियुस 3:6

बौ एक नओ बिसवासी ना होनो चँईऐ कै बाकै घमंड हो जाय और बौ सैतान के हाँई सजा पाय।

2 तीमुथियुस 2:14

उनकै इन बातौं की याद दिब्बातो रैहईए और परमेसर के सामने चितौनी देईए कै छोटी छोटी बातौं मै बैहैस बाजी कन्‍नै सै कोई फाएदा ना है, पर जो इनकै सुनै है, बे बी नास हो जावै हैं।

2 तीमुथियुस 2:23

मूरख और बेकार बेफजूल की बैहैस सै दूर रैहईओ, कैसेकै तुम जौ जानौ हौ कै इनकी बजै सै लड़ाई होवै हैं।

2 तीमुथियुस 3:4

धोकेबाज, लापरवा, घमंडी हैं, ऐंसे लोग परमेसर कै चाँहनै बारे ना पर जिन्‍दगी के मजे लैनै बारे हैं।

तीतुस 3:9

पर मूरखता के झगड़ौं, और बंसाबलिऔ, और बैर बिरोद, और उन लड़ाईऔं सै जो नियम के बारे मै हौं, बचो रैह, कैसेकै बे बेकार हैं और उनसै कोई फाएदा ना है।

याकूब 1:19

हे मेरे पियारे भईयौ, जौ बात कै तुम जानलो कै हर एक आदमी सुन्‍नै के ताँई तईयार रैह और बोलनै मै जल्दबाजी ना करै, और नाई जल्दी सै घुस्सा करै।

2 पतरस 2:12

पर ऐंसे लोग नासमज जंगली जनाबरौ के हाँई हैं, जो पकड़े जानै और मारनै के ताँई पैदा भए हैं। बे उन बातौं के बारे मै बुरो बोलै हैं जिनकै बे ना तौ जानै हैं, बे जनाबरौ के हाँई नास हो जांगे।

2 पतरस 2:18

जे बेकार की घमंड की बात करकै और सरीर की बुरी इच्‍छा और लुचपन की बातौं मै उनकै अपनी ओर खैंच लेबै हैं, जो गलत सिक्‍छा मै हैं उन लोगौ सै अबी-अबी बचकै लिकरे हैं।

यहूदा 1:10

पर जे लोग जिन बातौं कै ना समजै हैं, उन बातौं के बारे मै बुरो कैबै हैं, और ना समज जनाबरौ के हाँई जिन बातौं कै बे सीदे सादे तरीका सै जानै हैं, बेई इनकी नास की बजै बनै हैं।

यहूदा 1:16

ऐंसे लोग चुगली कन्‍नै बारे और दूसरौं मै गलती ढूंड़नै बारे हैं, और जे अपनी बुरी इच्‍छा के पीछे चलै हैं और अपने मौह सै घमंड बारी बात बोलै हैं, और अपने फाएदा के ताँई जे दूसरौं की झूँटी बड़ाई करै हैं।

परकासन 3:17

तू कैबै है कै मैं सेट हौं और मालामाल हो गओ हौं और मैंकै किसी चीज की कमी ना है, पर तू ना जानै है कै तू अभागो, लाचार, कंगाल, अन्धो और नंगो है।