1 तीमुथियुस 3:2 - बुक्सा

² पर जो अगुबा है, बामै कोई गलती ना होनी चँईऐ और बाकी एकई बईयर होए, और अपने ऊपर काबू रखनै बारो होनो चँईऐ, और समजदारी सै रैहनै बारो और इज्जतदार होए और पौंहनेऔ की इज्‍जत कन्‍नै बारो, और लोगौ कै अच्‍छे सै सिकानै बारो होए।

1 तीमुथियुस 3:2 Iomraidhean Croise

लूका 1:6

बे दौनौई धरमी हे। बे पूरे मन सै परभु की आगियाँऔ और नियमौ को पालन करै हे।

लूका 2:36

बहीं हन्‍ना नाम की एक भबिसबानी कन्‍नै बारी बईयर ही। बौ आसेर गोत के फनुअल की लौंड़िया ही। बौ भौत बुड्‍ढी ही और बिहा होनै के बाद सात साल तकई अपने लोग के संग रैह सकी ही।

रोमियो 12:13

परमेसर के लोगौ की जो बी जरूरत हैं, उनमै तुम उनकी सायता करौ। और पौंहनेऔ की खातरदारी मै लगे रैहऔ।

फिलिप्‍पीऔ 2:15

ताकि तुम निरदोस और पबित्‍तर होकै टेड़े लोग और बुरे रस्ता मै लेजानै बारौं के बीच मै परमेसर की निरदोस औलाद बन जाऔ और आसमान के तारौं के हाँई चमकते रौहौ।

1 तीमुथियुस 3:12

सेवा कन्‍नै बारे की एकई बईयर होनी चँईऐ, और बौ अपने बालकौ और टब्बर की देखभाल कन्‍नै बारो होए।

1 तीमुथियुस 3:8

इसताँई बिसवासिऔ की मंडली के लोगौ की सेवा कन्‍नै बारो, इज्जतदार होए, दोगलो आदमी ना होए, दारू पीनै बारो ना होए, बुरी कमाई को लालची ना होए।

1 तीमुथियुस 4:3

ऐंसे लोग बिहा कन्‍नै के ताँई मनैह करै हैं और खानै पीनै बारी चीजौ कै बी मनैह करै हैं। जिनकै परमेसर नै बनार खाओ है। पर जिन बिसवासी लोगौ कै सच्‍चाई को पतो है, तौ बे बा खानै कै धन्‍नबाद देकै खाँय।

1 तीमुथियुस 5:10

और जो अपने भले कामौ की बजै सै जानी जाय, और जो अपने बालकौ को अच्‍छे ढंग सै खयाल रक्‍खै, और पौंहनेऔ की अच्‍छे सै सेवा करै और परमेसर के लोगौ के पाँऐ धोए और परेसान लोगौ की सायता करै और हर तरै के अच्‍छे कामौ मै मन लगाऐ।

1 तीमुथियुस 5:22

बिना सोचे समजे किसी बी बिसवासी आदमी के मूड़ मै हात रखकै बाकै परभु के काम के ताँई ना भेजौ, और दूसरौं के पापौं मै साजेदार ना बनौ और खुद कै पबित्‍तर बनाऐ रक्‍खौ।

1 तीमुथियुस 5:9

सायता की परची मै बाई राँड़ बईयर को नाम लिखो जाय जो साठ साल सै कम की ना होए और बौ एकई लोग की बईयर रैह चुकी हो।

2 तीमुथियुस 2:24

परभु के सेवक कै लड़ाई कन्‍नै बारो ना पर बौ सबई के ऊपर दया कन्‍नै बारो, सिक्‍छा दैनै बारो, और सबर रखनै बारो होनो चँईऐ।

तीतुस 2:2

मतलब बुड्‍ढे आदमी, चौकस और गम्‍भीर और संयमी हौं, और उनको बिसवास, पियार और उनकी सैनसीलता पक्‍की होनी चँईऐ।

इबरानिओ 13:2

पौंहनेऔ की खातरदारी कन्‍नी ना भूलिओ, कैसेकै ऐंसो कन्‍नै के दुआरा कुछ लोगौ नै अनजाने मै सुरगदूतौं की खातरदारी करी है।

इबरानिओ 3:14

जो बिसवास हमनै सुरू सैई रखर खाओ है बामै अगर हम आखरी बखत तक पक्‍के रैहबै हैं तौ हम मसी के साजेदार बनंगे।

1 पतरस 4:7

बौ बखत आनै बारौ है जब सबई कुछ नास हो जागो, इसताँई तुम सबई चौकस और खुद के ऊपर काबू रक्‍खौ ताकि तुम पिराथना कर सकौ।

1 पतरस 4:9

एक दूसरे की खातरदारी खुसी के संग करौ।

1 पतरस 5:8

होसिआर रौह और जगते रौह, कैसेकै तुमरो दुसमन सैतान एक दहाड़ते भए सेर के हाँई इतै-उतै घूमतो भओ जा मौके मै रैहबै है कै किसकै फाड़ खांऔ।