1 तीमुथियुस 2:7 - बुक्सा

⁷ जाई बजै सै मैंकै परचार कन्‍नै के ताँई भेजो भओ चेला बनाओ है। मैं सच कैरओ हौं, झूँट ना बोल रओ हौं। मैंकै गैर यहूदी लोगौ के बिसवास और सच्‍चाई कै सिकानै के ताँई गुरूजी बनाओ गओ।

1 तीमुथियुस 2:7 Iomraidhean Croise

यहून्‍ना 7:35

तब यहूदिऔं नै आपस मै कैई, “जौ आदमी कहाँ जानो चाँहै है कै हम बाकै ना ढूंड़ सकैं? का बौ उन यहूदी लोगौ के धौंरे जागो, जो यूनानी लोगौ के बीच मै इतै-उतै होकै बसे पड़े हैं, और का बौ यूनानी लोगौ कै बी सिक्‍छा देगो?

चेलौ के काम 14:27

बे जब बहाँ पौंचे तौ उन्‍नै बिसवासिऔ की मंडली के लोगौ कै इखट्‍टो करो, और परमेसर नै जो कुछ उनके संग करो, बे बात उन लोगौ कै बताँई और जौ बात बी बताई कै गैर यहूदी लोगौ के ताँई बी परमेसर नै बिसवास को मौहड़ो खोल दओ है।

चेलौ के काम 22:21

“परभु नै मैंसै कैई कै, ‘तू जा, कैसेकै मैं तेकै गैर यहूदी लोगौ के धौंरे दूर-दूर तक भेजंगो।’ ”

चेलौ के काम 26:20

और पैले दमिसक मै फिर ऐरूसलेम और फिर यहूदिया मुलक के लोगौ कै और गैर यहूदी लोगौ कै समजातो रैहओ कै अपने गलत कामौ सै मन फिराऔ और परमेसर की ओर मुड़ौ और ऐंसे काम करौ जिस्सै जौ पतो लगै कै हमरो मन बदल गओ है।

चेलौ के काम 9:15

पर परभु नै बासै कैई कै, “तू जा, कैसेकै जौ आदमी गैर यहूदिऔं और उनके राजाऔं और ईसराइली लोगौ के सामने मेरे बारे मै बोलनै के ताँई चुनर खाओ है।

रोमियो 1:9

परमेसर जिसकी सेवा मैं पूरे मन सै करौ हौं और जिसके लौंड़ा की अच्‍छी खबर मैं देवौ हौं, बौई मेरो गभा है कै मैं कैसे कैसे तुमकै हमेसा याद करौ हौं।

रोमियो 10:14

मगर बे जो उसके ऊपर बिसवास ना करै हैं, तौ उसको नाम कैसे ले सकैं हैं? और बे जिनौनै उसके बारे मै कबी सुनोई ना है, उसके ऊपर कैसे बिसवास कर सकैं हैं? और अगर अच्‍छी खबर कै सुनानै बारोई ना है, तौ बे उसके बारे मै कैसे सुन सकै हैं?

रोमियो 11:13

मैं तुम गैर यहूदिऔं के ताँई भेजो भओ चेला हौं, और जौ सेवा मेरे ताँई गर्ब की बात है।

रोमियो 15:16

यानी मैं गैर यहूदिऔं के ताँई ईसु मसी को सेवक बनकै परमेसर की अच्‍छी खबर के ताँई एक पुजारी के हाँई परचार करौं जिस्सै कै गैर यहूदी लोग पबित्‍तर आत्‍मा के दुआरा पबित्‍तर करे जाने के बाद, परमेसर के ताँई गिरैहन जोग भेंट बन सकंगे।

रोमियो 9:1

मैं मसी मै सच कैबौ हौं, झूँट ना बोलौ हौं और मेरे भीतर की आत्‍मा बी पबित्‍तर आत्‍मा मै गभाई देवै है।

1 कुरन्‍थियों 9:1

का मैं आजाद ना हौं? का मैं भेजो भओ चेला ना हौं? का मैंनै ईसु मसी कै देखो ना है, जो हमरो परभु है? का तुम मेरी मैहनत की बजै सै परभु मै ना आए हौ?

2 कुरन्‍थियों 11:31

परभु ईसु को परम पिता परमेसर युगौं-युगौं तक धन्‍न है, बौ जानै है कै मैं झूँट ना बोल रओ हौं।

गलातिऔ 1:16

और अपने लौंड़ा कै मैं मै परकट करो जिस्सै कै मैं गैर यहूदी लोगौ के बीच मै बाके लौंड़ा की अच्‍छी खबर को परचार करौं, तौ मैंनै तुरन्‍त जाकै किसी आदमी की सला ना लई।

गलातिऔ 1:20

परमेसर मेरो गभा है कै मैंनै तुमकै जो कुछ बात लिखी हैं बे सच्‍ची हैं।

गलातिऔ 2:16

पर हम जौ बात जानै हैं कै आदमी नियम के काम सैई धरमी ना ठैरै है, पर ईसु मसी मै बिसवास कन्‍नै के दुआराई धरमी ठैरै है। इसताँई हम मसी ईसु मै बिसवास करै हैं, और बिसवास कन्‍नै की बजै सै मसी हमकै धरमी ठैरागो, ना कै नियम के काम की बजै सै। कैसेकै कोई बी आदमी नियम के काम कन्‍नै की बजै सै धरमी ना ठैराओ जा सकै है।

गलातिऔ 2:9

याकूब, पतरस और यहून्‍ना बिसवासी लोगौ के बीच मै जानेमाने नेता हे। जो किरपा मैंकै परमेसर सै मिली ही जब उन्‍नै बाकै जान लओ तबई मैंकै और बरनबास कै अपनो साती मानो। और बे जा बात मै राजी हो गए कै हम गैर यहूदी लोगौ के धौंरे जांऐ और बे यहूदी लोगौ के धौंरे जांगे।

गलातिऔ 3:9

इसताँई जो लोग बिसवास करै हैं, बे बिसवास कन्‍नै बारे इब्राहिम के संग आसीस पावै हैं।

2 तीमुथियुस 1:11

परमेसर नै मैंकै भेजो भओ चेला और परचार कन्‍नै बारो और गुरू इसताँई बनाओ कै मैं अच्‍छी खबर कै फैला सकौं।

2 पतरस 2:5

धारमिकता की अच्‍छी खबर सुनानै बारो नूह और बाके टब्बर के सात लोगौ कै परमेसर नै बचाओ, पर जो अधरमी लोग हे और उनकी जो पुरानी दुनिया ही बाकै बाड़ सै नास करो।