1 तीमुथियुस 1:4 - बुक्सा

⁴ उनसै कैऔ कै खानदान की बातौं और बेकार की मन सै बनाई भई कस्ताऔ मै धियान ना देओ, और अपनो बखत बेकार की बातौं मै ना खराब करौ, जो लड़ाई कै बढ़ाबो देवै हैं। इन बातौं सै परमेसर के बा बचन को गियान ना मिलै है, जो बिसवास मै टिको है।

1 तीमुथियुस 1:4 Iomraidhean Croise

2 कुरन्‍थियों 1:12

हमकै घमंड है, कै हम जौ बात कै साप मन सै बोल सकै हैं, हमनै जा दुनिया के संग और खास करकै जैसो परमेसर नै चाँहो बैसोई हमनै तुम लोगौ के संग ईमानदारी और सच्‍चाई के संग बरताब करो है। जे बात परमेसर की किरपा सै मिलै हैं ना कै दुनिया की मन की समज सै।

इफिसिऔ 3:2

तुम लोगौ नै परमेसर की बा किरपा के बारे मै जरूर सुनो होगो जिसकै बानै तुम लोगौ के भलाई के ताँई मैंकै सौंपो है।

1 तीमुथियुस 3:16

और जा बात मै कोई सक ना है कै जो अच्‍छी खबर हमकै मिली ही, बौ सबसै बड़ी है। मसी आदमी के सरीर के रूप मै जलम लेकै परकट भओ, और परमेसर के आत्‍मा नै बाकै धरमी ठैराओ, सुरगदूतौं नै बाकै देखो, दूसरे देस के लोगौ मै बाको परचार भओ। दुनिया के लोगौ नै बाके ऊपर बिसवास करो, और महिमा के संग बाकै ऊपर उठा लओ गओ।

1 तीमुथियुस 4:7

पर झूँटी और पुरानी कथाऔ कै ना मानिओ पर भक्‍ति के संग जिन्‍दगी बितानै की कोसिस करौ।

1 तीमुथियुस 6:11

पर ओ परमेसर के लोगौ तुम इन बातौं सै दूर भाजौ और धरम के काम, भक्‍ति, बिसवास, पियार, सबर, और नमर बातौं के पिच्‍छे लगे रौह।

1 तीमुथियुस 6:20

हे तीमुथियुस जो तेकै देर खाई है, तू बाकी देखभाल कर। और जो बात आत्‍मिक ना हैं, बेकार की बकबास सै और दुसमनौ की बिरोद की बातौं के तीरौं सै जो झूँटो गियान कैलाबै है बासै दूर रैहईए।

2 तीमुथियुस 2:14

उनकै इन बातौं की याद दिब्बातो रैहईए और परमेसर के सामने चितौनी देईए कै छोटी छोटी बातौं मै बैहैस बाजी कन्‍नै सै कोई फाएदा ना है, पर जो इनकै सुनै है, बे बी नास हो जावै हैं।

2 तीमुथियुस 2:22

जबानी की गलत इच्‍छा सै दूर भाज; और धारमिक जिन्‍दगी, बिसवास, पियार और सान्‍ति और उनके पिच्‍छे लगो रैह जो सुद्‍द मन सै परभु को नाम लेबै हैं।

2 तीमुथियुस 2:23

मूरख और बेकार बेफजूल की बैहैस सै दूर रैहईओ, कैसेकै तुम जौ जानौ हौ कै इनकी बजै सै लड़ाई होवै हैं।

2 तीमुथियुस 4:4

बे सच्‍चाई की बातौं कै सुन्‍नै के ताँई अपने कानौ कै बन्‍द करंगे और मौह सै बनाई भई झूँटी कस्ताऔ मै धियान दंगे।

तीतुस 1:1

पौलुस की ओर सै जो परमेसर को दास और ईसु मसी को भेजो भओ चेला है। मैंकै परमेसर के चुने भए लोगौ कै बिसवास मै बढ़ानै और सच्‍चाई कै जान्‍नै के ताँई भेजो गओ है जिस्सै बे पबित्‍तर जिन्‍दगी जीऐं।

तीतुस 1:14

और यहूदिऔं की मन गड़ंत कस्ताऔ और उन आदमिऔ की आगियाँऔ मै मन ना लगाऐ, जो सच्‍चाई सै भटक जावै हैं।

तीतुस 3:9

पर मूरखता के झगड़ौं, और बंसाबलिऔ, और बैर बिरोद, और उन लड़ाईऔं सै जो नियम के बारे मै हौं, बचो रैह, कैसेकै बे बेकार हैं और उनसै कोई फाएदा ना है।

इबरानिओ 13:9

तुम तरै-तरै की सिक्‍छा के बैहकाबे मै ना अईओ। तुमरे दिल के ताँई जौ अच्‍छो है कै बौ परमेसर की किरपा के दुआरा मजबूत करो जाय। पर खानै पीनै के नियम के ताँई ना, कैसेकै जो खानै पीनै के नियम कै मानै है उनकै कुछ फाएदा ना मिलै है।

2 पतरस 1:16

जब हमनै तुमकै हमरे परभु ईसु मसी की सकति और आनै की अच्‍छी खबर सुनाई ही, तौ हमनै चालाँकी सै बनाई भई कस्ता को साहारो ना लओ हो, पर हम खुद बाकी बड़ी सकतिऔं कै देक्‍कै बाकी गभाई देवै हैं।