1 तीमुथियुस 1:3 - बुक्सा

³ जैसो मैंनै मकिदुनिया मुलक मै जाते दफै तुम लोगौ सै इफिसुस सैहर मै रैहनै की बिनती इसताँई करी कै जो लोग इफिसुस मै गलत सिक्‍छा दे रए हैं, उनकै समजाऔ कै बे ऐंसो ना करैं।

1 तीमुथियुस 1:3 Iomraidhean Croise

चेलौ के काम 18:19

जब बे इफिसुस मै पौंचे तौ पौलुस नै अकुला और बाकी बईयर पिरसीला कै बहीं छोड़कै खुद यहूदी पिराथना घर मै जाकै यहूदी लोगौ सै बैहैस बाजी करल लगो।

चेलौ के काम 18:21

पर बानै ऐंसे कैई कै अगर परमेसर चाँहैगो तौ मैं फिर तुमरे धौंरे आंगो और बौ इफिसुस सै पानी के जिहाज सै चले गओ।

रोमियो 15:26

कैसेकै मकिदुनिया और अखाया जघै मै रैहनै बारौ नै खुसी सै ऐरूसलेम के पबित्‍तर लोगौं के बीच मै जो कंगाल हैं उनके ताँई दान देओ।

रोमियो 16:17

ओ भईयौ और बहनौ, मैं तुम लोगौ सै बिनती करौ हौं कै जो सिक्‍छा तुमकै मिली है उस सिक्‍छा के बिरोद मै जो फूट डारै हैं, और ठोकर खबानै को काम करै है उन लोगौ सै दूर रौह।

2 कुरन्‍थियों 11:4

कैसेकै अगर कोई आदमी आकै तुमकै ईसु मसी के परचार के अलाबा किसी और ईसु के बारे मै सिकाऐ या तुमकै कोई और आत्‍मा मिलै है, जो पैले ना मिली ही, तुमरे दुआरा अपनाई गई अच्‍छी खबर सै बी अगल अच्‍छी खबर सुनाऐ, तौ तुम बड़े अच्‍छे सै बा आदमी को सुआगत करौ हौ।

इफिसिऔ 4:14

जिस्सै कै हम ऐंसे बालक ना बनै जो हर किसी आदमी की गलत सिक्‍छा, ठग बिद्‍दिया और चालाँकी की आँधी मै पड़कै उनकी धोके की बातौं मै बहक जाँय।

फिलिप्‍पीऔ 2:24

और मैंकै बिसवास है कै परभु की सायता सै मैं बी जल्दीई आंगो।

1 तीमुथियुस 4:11

इनई बातौं को हुकम दो और सिकाते रौह।

1 तीमुथियुस 4:6

अगर तू बिसवासी लोगौ कै इन बातौं कै याद दिब्बातो रैहगो, तौ तू ईसु मसी को अच्‍छो सेवक बनो रैहगो। और बिसवास और बा सई उपदेस की बातौं कै जिनकै तू सच्‍चे दिल सै मानते भओ आओ है।

1 तीमुथियुस 5:7

इन बातौं को बी हुकम देते रैहऔ जिस्सै कै कोई बी उनकी बुराई ना कर पाऐ।

1 तीमुथियुस 6:10

कैसेकै पैसा को लालच हर तरै की बुराई की जड़ है, और कुछ लोग सेट बन्‍नै के लालच मै आकै बिसवास सै भटक गए और बे भौत दुख झेलै हैं।

1 तीमुथियुस 6:17

जा दुनिया के लोगौ कै जौ हुकम दो कै बे घमंड ना करैं और खतम होनै बारी धन-दौलत के ऊपर ना, पर परमेसर मै आस रक्‍खैं जो हमरे सुख के ताँई जरूरत सै बी जादा देवै है।

1 तीमुथियुस 6:3

अगर कोई उनके हाँई सिक्‍छा देवै है और हमरे परभु ईसु मसी की सच्‍ची बातौं कै और हमरी धरम की सिक्‍छा कै ना मानै है,

2 तीमुथियुस 1:18

परभु करै कै बाकै नियाय के दिन परमेसर की दया मिलै, कैसेकै तुमकै जौ पतो है कै इफिसुस मै बानै कई तरै सै मेरी सेवा करी ही।

2 यहून्‍ना 1:7

दुनिया मै भौस्से ऐंसे बैहकानै बारे आए हैं, जो जौ ना मानै हैं कै जा धरती मै आदमी बनकै ईसु मसी आओ, ऐंसे लोग बैहकानै बारे और मसी बिरोदी हैं।

परकासन 2:14

“पर मैंकै तेरे खिलाप कुछ कैनो है, कैसेकै तेरे हिंया कुछ ऐंसे आदमी हैं, जो बिलाम की सिक्‍छा कै मानै हैं, जो राजा बालाक कै सिकाबै हो कै ईसराइलिऔ कै ठोकर खवाय, कै बे मूरतिऔं मै चढ़ाई गई चीज खाँय और बईयरौं सै गलत काम करैं।

परकासन 2:20

पर मैंकै तेरे खिलाप जौ कैनो है, कै तू उस बईयर इजबेल की बातौं कै सैह रओ है, जो अपने आपकै परमेसर की नबी कैबै है, और मेरे सेवकौ कै दूसरी बईयरौं सै गलत काम कन्‍नै, और मूरतिऔं के अग्गे चढ़ाई भई चीज खानै के ताँई सिक्छा देकै बैहकाबै है।