1 तीमुथियुस 1:15 - बुक्सा

¹⁵ जौ बात सच्‍ची है और हर तरै सै बिसवास के लायक है कै ईसु मसी जा दुनिया मै पापी लोगौ कै बचानै के ताँई आओ, और उन पापी लोगौ मै सबई सै बड़ो पापी मैं हौं।

1 तीमुथियुस 1:15 Iomraidhean Croise

मत्‍ती 1:21

बौ एक लौंड़ा कै जलम देगी और तू बाको नाम ईसु रखिए कैसेकै बौ अपने लोगौं को उनके पापौं सै छुटकारो करैगो।”

मत्‍ती 18:10

“चौकस रैहऔ, इन छोटौ मै सै एक कै बी बेकार ना समजौ, मैं तुमसै कैरओ हौं, उनके दूत सुरग मै लगातार मेरे सुरग के अब्बा के दरसन करैं हैं।

मत्‍ती 18:11

जो खो गओ हो उसई कै बचानै के ताँई आदमी को लौंड़ा आओ है।

मत्‍ती 20:28

कैसेकै आदमी को लौंड़ा बी अपनी सेवा करानै ना पर सेवा कन्‍नै और भौतौं की मुक्‍ति के ताँई अपने पिरान दैनै आओ है।”

मत्‍ती 9:13

तुम जाऔ और सीक लो कै इसको अरथ का है कै, ‘मैं बलि ना पर दया चाँहौ हौं।’ कैसेकै मैं धरमिऔं कै ना पर पापिऔं कै बुलानै आओ हौं।”

मरकुस 2:17

जौ सुनकै ईसु नै उनसै कैई, “भले चंगौ कै बैद की जरूरत ना, पर बेमारौं कै है। मैं धरमिऔं कै ना, पर पापिऔं कै बचानै आओ हौं।”

लूका 15:2

तौ फरीसी और यहूदी सास्तरी बड़बड़ाते भए कैललगे, “कै जौ आदमी तौ पापिऔं सै मिलै है और उनके संग रोटी बी खावै है।”

लूका 19:10

और याद रक्‍खौ कै ‘मैं’ आदमी को लौंड़ा, इनके जैसे खोए भएऔं कै ढूंड़नै और उनको छुटकारो कन्‍नै आऔं हौं।”

लूका 5:32

मैं धरमिऔं कै ना, पर पापिऔं के मनौ कै परमेसर की ओर मोड़नै के ताँई आओ हौं।”

यहून्‍ना 1:12

पर जितनौ नै बाकै अपनाओ, और जो लोग बाके नाम मै बिसवास करैं हैं, उन सबकै बानै परमेसर की औलाद होनै को हक दओ।

यहून्‍ना 1:29

दूसरे दिन यहून्‍ना नै ईसु कै अपनी ओर आते देख कैई, “देखौ परमेसर को मैमना जो दुनिया के पाप उठा ले जावै है।

यहून्‍ना 12:47

अगर कोई मेरी बात सुनकै बाकै ना मानै तौ मैं बाकै दोसी ना ठैराबौ हौं, कैसेकै मैं दुनिया कै दोसी ठैरानै ना, पर दुनिया कै मुक्‍ति दैनै आओ हौं।

यहून्‍ना 3:36

जो लौंड़ा मै बिसवास करै है, हमेसा की जिन्‍दगी बाई की है, पर बौ जो लौंड़ा की ना मानै है बाकै जिन्‍दगी ना मिलैगी, और परमेसर को घुस्सा बाके ऊपर बनो रैहगो।

चेलौ के काम 11:1

भेजे भए चेलौ नै और उन बिसवासी भाई लोगौ नै जो यहूदिया मै हे जौ बात सुनी कै गैर यहूदी लोगौ नै बी परमेसर के बचन कै मान लओ है।

चेलौ के काम 11:18

जौ बात सुनकै बे चुप हो गए, और परमेसर की बड़ाई करल लगे और उन्‍नै कैई कै, “परमेसर नै गैर यहूदी लोगौ कै बी गलत काम सै मन फिरानै को मौको दओ है जो जिन्‍दगी की ओर ले जावै है।”

चेलौ के काम 3:26

परमेसर नै जब अपने लौंड़ा ईसु कै मरे भएऔं मै सै जिन्‍दो करो तौ सब सै पैले तुमरे धौंरे भेजो जिस्सै कै तुमरे बुरे कामौ सै छुटाकै तुमकै आसीस दे।”

रोमियो 11:14

ताकि किसी तरै सै मैं अपने लोगौ मै जरन पैदा करबाकै उनमै सै कईऔ कै मुक्‍ति दौं।

रोमियो 5:6

कैसेकै हम जब कमजोर हे, तौ सई टैम मै हम अधरमी लोगौं के ताँई मसी नै अपनी जान दई।

1 कुरन्‍थियों 15:9

कैसेकै मैं भेजे भए चेलौ मै सबई सै छोटो हौं, पर भेजो भओ चेला बन्‍नै के लायक ना हौं, कैसेकै मैंनै परमेसर के बिसवासिऔ की मंडली के लोगौ कै सताओ हो।

इफिसिऔ 3:8

मैं परमेसर के सबई पबित्‍तर लोगौ मै छोटे सै बी छोटो हौं, तब्बी मैंकै जौ बरदान मिलो कै मैं गैर यहूदी लोगौ कै कबी खतम ना होनै बारे मसी की बरकत की अच्‍छी खबर सुनाऔ।

1 तीमुथियुस 1:13

मैं पैले मसी के खिलाप बुराई कन्‍नै बारो और सतानै बारो और अनियाय कन्‍नै बारो हो, पर तौबी मेरे ऊपर दया करी, कैसेकै मैं जे काम बिना सोचे समजे और बिना बिसवास सै करै हो।

1 तीमुथियुस 1:19

ईसु मसी के बिसवास मै अग्गे बढ़ और अपने भीतर के मन कै साप रख। कैसेकै कुछ लोग अपने भीतर के मन मै धियान ना देवै हैं, और अपने बिसवास कै खो कै नास कर देवै हैं।

1 तीमुथियुस 3:1

जौ बात सच्‍ची है कै जो कोई बिसवासी लोगौ को अगुबा बननो चाँहै है, तौ बौ नेक काम कन्‍नै की इच्‍छा रखतो होए।

1 तीमुथियुस 4:9

जौ बात हर तरै सै बिसवास बारी और सच्‍ची है।

1 तीमुथियुस 6:13

मैं तुमकै जिन्‍दगी दैनै बारे परमेसर के सामने और ईसु मसी जिसनै पिन्‍तुस पीलातुस के सामने अच्‍छी गभाई दई, जौ हुकम देवौ हौं कै,

2 तीमुथियुस 2:11

जौ बात सच्‍ची है कै, “अगर हम बाके संग मर गए हैं तौ हम बाके संग जिन्‍दे बी हौंगे।

तीतुस 3:8

जौ बात सच है, और मैं चाँहौ हौं कै, तू इन बातौं के बारे मै हिम्मत सै बोलै, इसताँई कै जिनौनै परमेसर मै बिसवास करो है, बे भले भले कामौ मै लगे रैहनै को धियान रक्‍खैं। जे बात भली और आदमिऔ के काम की हैं।

इबरानिओ 7:25

इस बजै सै ईसु उनकै पूरी मुक्‍ति दे सकै है, जो लोग बाके दुआरा परमेसर के धौंरे आवै हैं। कैसेकै बौ उनके ताँई पिराथना कन्‍नै के ताँई हमेसा जिन्‍दो है।

1 यहून्‍ना 3:5

तुम जानौ हौ कै मसी पापौं कै दूर कन्‍नै के ताँई परकट भओ है, और मसी मै कोई पाप ना है।

1 यहून्‍ना 3:8

जो पाप करतोई रैहबै है, बौ दुसट की ओर सै है, कैसेकै दुसट सुरू सैई पाप करतो आओ है। पर परमेसर को लौंड़ा इसताँई आओ है, कै दुसट के कामौ कै नास करै।

1 यहून्‍ना 5:11

और बौ गभाई जौ है कै, परमेसर नै अपने लौंड़ा के दुआरा हमकै हमेसा की जिन्‍दगी दई है और जौ जिन्‍दगी बाके लौंड़ा मै है।

परकासन 21:5

तब जो सिंगासन मै बैठो हो, उसनै कैई, “देख, मैं सब कुछ नओ बना देवौ हौं।” उसनै फिर कैई, “इसकै लिख ले कैसेकै जे बचन बिसवास कन्‍नै बारे और सच्‍चे हैं।”

परकासन 22:6

फिर सुरगदूत नै मैंसै कैई “जे बात बिसवास बारी और सच्‍ची हैं, और परभु नै, जो नबिऔ के आत्‍माऔ को परमेसर है, और बानै अपने सुरगदूत कै इसताँई भेजो, कै बौ अपने दासौं कै बे बात दिखा दे जिनको जल्दी जल्दी पूरो होनो जरूरी है।”

परकासन 5:9

बे जौ नओ गीत गाल लगे, “तू इस किताब कै लैनै और इसकी मौहर खोलनै के लायक है, कैसेकै तैनै बलि होकै अपने खून सै हर एक गोत और भासा और लोग और जाति मै सै परमेसर के ताँई लोग मोल लए हैं।