1 तीमुथियुस 1:13 - बुक्सा

¹³ मैं पैले मसी के खिलाप बुराई कन्‍नै बारो और सतानै बारो और अनियाय कन्‍नै बारो हो, पर तौबी मेरे ऊपर दया करी, कैसेकै मैं जे काम बिना सोचे समजे और बिना बिसवास सै करै हो।

1 तीमुथियुस 1:13 Iomraidhean Croise

लूका 12:47

“और बौ नौकर जो अपने मालिक की मरजी जानते भए तईयार ना रैहओ और ना बाकी मरजी के हिसाब सै चलो, बौ नौकर भौत मार खागो।

लूका 23:34

तब ईसु नै कैई, “हे पिता, इनकै माफ कर, कैसेकै जे ना जानै हैं कै, का कर रए हैं।” तब उनौनै परची डारकै ईसु के लत्‍ता आपस मै बाँट लए

चेलौ के काम 22:4

ईसु कै माननै बारे लोगौ कै मैंनै ऐंसो सताओ कै का आदमी और का बईयरैं दौनौ कै जेल मै डार दओ और कुछ कै मरवा दओ।

चेलौ के काम 3:17

“हे भईयौ, अब मैं जानौ हौं कै जौ काम तुमनै मूरखता सै करो है, बैसेई तुमरे नेताऔं नै बी करो।

चेलौ के काम 8:3

साऊल बिसवासिऔ की मंडली के लोगौ कै मारल लगो और बौ घर घर जाकै आदमी और बईयरौं कै खचेड़ खचेड़ कै जेल मै डारल लगो।

चेलौ के काम 9:1

साऊल अब्बी परभु के चेलौ कै मारनै की धमकी देवै हो, और बौ बड़े पुजारी के धौंरे गओ।

चेलौ के काम 9:13

पर हननियाह नै जबाब दओ, “हे परभु, जा आदमी के बारे मै मैंनै भतेरे लोगौ सै जौ बात सुनी है कै जानै ऐरूसलेम मै तेरे पबित्‍तर लोगौ के संग बेसानी बुरो करो है।

चेलौ के काम 9:5

साऊल नै पूँछी, “हे परभु, तू कौन है?” बानै कैई, “मैं ईसु हौं, जिसकै तू सताबै है।

1 कुरन्‍थियों 15:9

कैसेकै मैं भेजे भए चेलौ मै सबई सै छोटो हौं, पर भेजो भओ चेला बन्‍नै के लायक ना हौं, कैसेकै मैंनै परमेसर के बिसवासिऔ की मंडली के लोगौ कै सताओ हो।

1 कुरन्‍थियों 7:25

कुँआरी लौंड़िऔ और राँड़ौ के बारे मै परभु की ओर सै मैंकै कोई आगियाँ ना मिली है, पर परभु की दया सै बिसवास के जोग होनै के नाते मैं अपनी सला देरओ हौं।

गलातिऔ 1:13

तुमनै जौ बात बी सुनी होगी कै जब मैं यहूदी रीती रिबाज के हिसाब सै जिन्‍दगी जीवै हो तौ मेरो चाल-चलन कैसो हो। मैंनै परमेसर के बिसवासिऔ की मंडली के लोगौ कै भौत सताओ और उनकै नास कन्‍नै की कोसिस करी।

फिलिप्‍पीऔ 3:6

मेरे भीतर इत्‍तो जादा हौसला हो कै मैं बिसवासिऔ की मंडली के लोगौ कै सताबै हो, और धारमिकता के बारे मै सबई नियम, और रीती रिबाजौ कै ऐंसे मानै हो कै मेरे ऊपर कोई दोस ना लगा सकै हो।

1 तीमुथियुस 1:16

पर मुज जैसे सबई सै बड़े पापी के ऊपर ईसु मसी नै दया करकै अपनो सबर इसताँई दिखाओ कै, मैंकै एक उदाहरन के रूप मै उन लोगौ कै दिखाऐ जो आदमी मसी के ऊपर बिसवास करै है बौ हमेसा की जिन्‍दगी पांऐ।

इबरानिओ 4:16

इसताँई आऔ, हम बी बा किरपा के सिंगासन की ओर चलैं, जिस्सै कै हमकै जरूरत के बखत सायता कन्‍नै के ताँई दया मिलै।

1 पतरस 2:10

एक बखत ऐंसो हो कै तुम परमेसर के लोग ना हे पर अब बाके लोग हौ, पैले तुमरे ऊपर दया ना ही, पर अब परमेसर की दया भई है।