1 तीमुथियुस 1:12 - बुक्सा

¹² मैं अपने परभु ईसु मसी को धन्‍नबाद देवौ हौं, जिसनै मैंकै सकति देई और बिसवासजोग समजकै अपनी सेवा के काम के ताँई चुनो है।

1 तीमुथियुस 1:12 Iomraidhean Croise

मत्‍ती 20:4

तब उसनै उनसै कैई, ‘तुम बी मेरे अंगूर के बगीचा मै जाऔ, मैं तुमकै ठीक ठाक डिहाड़ी दे दंगो’ और बे बहाँ काम कन्‍नै चले गए।

यहून्‍ना 5:23

कै जैसे सब आदमी अब्बा को आदर करैं हैं, बैसेई लौंड़ा को बी आदर करंगे। जो लौंड़ा को आदर ना करै, बौ अब्बा को जिसनै बौ भेजो है, आदर ना करै है।

चेलौ के काम 16:15

बानै अपने पूरे टब्बर के संग जल संस्कार लओ और तबई बानै हम सै बिनती करकै कैई, “अगर तुम मैंकै परभु की भक्‍तन मानौ हौ, तौ मेरे घर चलौ और बहाँ रुकिओ।” तब हमकै बानै अपने घर मै लेजानै के ताँई राजी कर लओ।

चेलौ के काम 9:15

पर परभु नै बासै कैई कै, “तू जा, कैसेकै जौ आदमी गैर यहूदिऔं और उनके राजाऔं और ईसराइली लोगौ के सामने मेरे बारे मै बोलनै के ताँई चुनर खाओ है।

चेलौ के काम 9:22

पर साऊल और बी मजबूती के संग परचार करल लगो और दमिसक मै रैहनै बारे यहूदी लोगौ कै जौ सबूत दे देकै उनको मौह बन्‍द करै हो कै ईसुई मसी है।

1 कुरन्‍थियों 15:10

पर मैं जो कुछ बी हौं, बौ परमेसर की किरपा सै हौं। बाकी किरपा जो मेरे ऊपर भई, बौ बेकार ना गई। पर मैंनै सबई सै जादा मैहनत करी, तौबी जौ मेरी ओर सै ना पर परमेसर की किरपा सै भओ, जो मेरे ऊपर ही।

1 कुरन्‍थियों 3:5

तौ फिर बताऔ अपोलुस का है और पौलुस का है? सिरप हम तौ परमेसर के सेवक हैं। जिसके दुआरा तुमनै बिसवास करो, जैसो परभु नै हम सबई कै काम कन्‍नै को मौको दओ है।

1 कुरन्‍थियों 7:25

कुँआरी लौंड़िऔ और राँड़ौ के बारे मै परभु की ओर सै मैंकै कोई आगियाँ ना मिली है, पर परभु की दया सै बिसवास के जोग होनै के नाते मैं अपनी सला देरओ हौं।

2 कुरन्‍थियों 4:1

कैसेकै परमेसर की दया सै जौ सेवा हमकै मिली है, जिसके ताँई हम हिम्मत ना हारै हैं।

गलातिऔ 3:26

मसी ईसु मै बिसवास कन्‍नै के दुआरा तुम सिगरे परमेसर की औलाद हौ।

गलातिऔ 3:28

तौ अब किसी मै कुछ फरक ना है, ना तौ कोई यहूदी और ना गैर यहूदी, ना गुलाम, ना कोई आजाद, ना कोई आदमी, ना कोई बईयर, तुम सबई मसी ईसु मै एक हौ।

फिलिप्‍पीऔ 2:11

और पिता परमेसर की महिमा के ताँई सब आदमी जौ मान लंगे कै ईसु मसी ई परभु है।

फिलिप्‍पीऔ 4:13

मसी जो मैंकै तागत देवै है, मैं बाकी सायता सै सब कुछ कर सकौ हौं।

कुलुसिऔं 1:25

परमेसर तुमरे फाएदा के ताँई जो बी हुकम मैंकै देवै है, बाके बजै सै मैं बिसवासी लोगौ के बीच एक सेवक बनो हौं, जिस्सै कै मैं परमेसर के बचन को पूरो पूरो परचार करौं,

1 तीमुथियुस 1:1

जौ चिट्‌ठी पौलुस की ओर सै तीमुथियुस के ताँई है, जो बिसवास मै मेरो सच्‍चो बालक है। मैंकै ईसु मसी को भेजो भओ चेला बन्‍नै को हुकम, हमकै मुक्‍ति दैनै बारे परमेसर की ओर सै और परभु ईसु मसी की ओर सै मिलो है, जिसके ऊपर हम आस रक्‍खै हैं। हमरे परम पिता परमेसर और परभु ईसु मसी की ओर सै तुमकै आसीस, दया और सान्‍ति मिलै।

1 तीमुथियुस 1:11

जौ सिक्‍छा धन्‍न परमेसर की बा महिमा के ताँई उस अच्‍छी खबर के हिसाब सै है, जो मैंकै सौंपी गई है।

1 तीमुथियुस 6:13

मैं तुमकै जिन्‍दगी दैनै बारे परमेसर के सामने और ईसु मसी जिसनै पिन्‍तुस पीलातुस के सामने अच्‍छी गभाई दई, जौ हुकम देवौ हौं कै,

2 तीमुथियुस 2:2

और जिन बातौं कै तैनै भौस्से गभाऔ के सामने मैंसै सुनो है, उनकै ऐंसे लोगौ कै सौंपीए जो बिसवास बारे हौं और दूसरौं कै सिकानै बारे बी हौं।

2 तीमुथियुस 4:17

पर परभु मेरे संग हो और बानै मैंकै हिम्मत दई और मैंकै जौ मौको दओ कै मैं बिना डरे जा पूरी खबर कै गैर यहूदी लोगौ कै सुना सकौं और तैनै मैंकै मौत के मौह सै बी बचाओ है।

तीतुस 1:4

मैं अपने सच्‍चे लौंड़ा तीतुस कै बा बिसवास के संग लिख रओ हौं जो हम्मै एक जैसो है। पिता परमेसर और हमरे मुक्‍तिदाता ईसु मसी की ओर सै तेकै किरपा और सान्‍ति मिलती रैह।

फिलेमौन 1:9

फिर बी उस पियार के कारन मैं तुमसै बिनती कन्‍नो ठीक समजौ हौं। मैं पौलुस, जो अब बुड्‍ढो हो गओ हौं और मसी ईसु के ताँई अब कैदी बी बन चुको हौं।