1 थिसलुनीकियौ 3:4 - बुक्सा

⁴ कैसेकै पैले बी जब हम तुमरे हिंया हे तौ तुमसै कैबै हे कै हमकै दुख झेलने पड़ंगे, और बैसोई भओ। तुमकै जा बात को पतो बी है।

1 थिसलुनीकियौ 3:4 Iomraidhean Croise

1 थिसलुनीकियौ 2:14

इसताँई ओ मेरे भईयौ और बहनौ, तुमरे संग बी बैसोई होओ जैसो यहूदिया देस के बिसवासिऔ की मंडलिऔ के लोगौ के संग होओ, जो मसी ईसु मै हे। कैसेकै तुमनै बी अपने लोगौ सै दुख पाओ, जैसो उनौनै यहूदी लोगौ सै पाओ हो।

1 थिसलुनीकियौ 2:2

और तुम जौ बात बी जानौ हौ कै तुमरे धौंरे आनै सै पैले फिलिप्‍पी मै हमकै दुख झेलनो और बुरो बरताब सैहनो पड़ो। पर फिर बी हमनै परमेसर की सायता सै बड़े बिरोद को सामनो करते भए, बिना डरे तुम लोगौ के बीच मै परमेसर की अच्‍छी खबर कै सुनाओ है।

चेलौ के काम 17:13

पर जब थिसलुनीके के यहूदी लोगौ कै जौ बात पतो लगो कै पौलुस बिरिया मै बी परमेसर के बचन को परचार कर रओ है तौ तबई बे बहाँ बी आकै लोगौ कै उकसाल लगे और भड़काल लगे।

चेलौ के काम 20:24

पर मेरे नजरौ मै मेरी जान की कोई कीमत ना है, कैसेकै मैं अपनी दौड़ पूरी कन्‍नै की सोचौ हौं और परमेसर के किरपा की अच्‍छी खबर कै सुनानै के काम कै पूरो कन्‍नो चाँहौ हौं जिसके ताँई मैंकै परभु नै चुनो है।

चेलौ के काम 17:1

तबई बे अफिपुलिस और अपुलोनिया सैहर सै होते भए थिसलुनीके मै पौंचे और बहाँ यहूदी लोगौ को पिराथना घर हो।

मत्‍ती 24:25

देखौ, मैंनै पैलेसैई तुमकै बता दओ है।

2 थिसलुनीकियौ 2:5

का तुमकै याद ना है कै जब मैं तुमरे संग हो तौ तुमसै जे सिगरी बात कैए करै हो?

2 थिसलुनीकियौ 3:10

कैसेकै जब्बी हम तुमरे धौंरे हे तौ तब्बी हम तुमकै जौ हुकम देवै हे कै, “अगर कोई काम ना करै है तौ बाकै खानै को बी हक ना है।”