1 यहून्‍ना 1:3 - बुक्सा

³ हमनै जो देखो और सुनो है, बौई हम तुमकै बताबै हैं, जिस्सै तुम हमरे संग अब्बा और बाके लौंड़ा ईसु मसी के साती बनौ।

1 यहून्‍ना 1:3 Iomraidhean Croise

यहून्‍ना 17:11

“अब मैं इस दुनिया मै ना रैहंगो। पर बे तौ इस दुनिया मै हैं और मैं तेरे धौंरे आबौ हौं। हे पबित्‍तर अब्बा, अपनो बौ नाम जो तैनै मैंकै दओ है इनकी रक्छा कर कै जैसे हम एक हैं, बे बी एक हो सकैं।

यहून्‍ना 17:21

कै बे सब एक हौं। जैसे, अब्बा, तू मैं मैई है और मैं तैमैई हौं, और बैसेई बे बी हम्मै हौं, जिस्सै कै दुनिया बिसवास करै कै तैनैई मैं भेजो हौं।

यहून्‍ना 17:25

हे धरमी अब्बा, दुनिया नै तू ना जानो, फिर बी मैंनै तू जानो, और इन चेलौ नै बी जानो है कै तैनैई मैं भेजो हौं,

यहून्‍ना 17:3

और हमेसा की जिन्‍दगी जौ है कै बे तेकै जो एकमातर सच्‍चो परमेसर और ईसु मसी कै, जिसकै तैनै भेजो है, जानै।

यहून्‍ना 19:35

जिसनै जौ देखो है बानै जाकी गभाई दई है, और बाकी गभाई सच्‍ची है, और बौ जानै है कै बौ सच कैरओ है, जिस्सै कै तुम बी बिसवास कर सकौ।

चेलौ के काम 13:32

हम तुमरे सामने बौ अच्‍छी खबर सुनावै हैं जिसको बादो परमेसर नै हमरे बापदादौं सै करर खाओ हो।

चेलौ के काम 13:41

“‘ओ परमेसर की मजाक बनानै बारे लोगौ चौकस रौह, कैसेकै मैं तुमरे दिनौ मै ऐंसो एक काम कन्‍नै जा रओ हौं, जिनकी जो कोई बी तुमरे बीच मै बाकी बात करैगो, तब्बी तुम कबी बिसवास ना करौगे।’”

चेलौ के काम 2:42

जो नए बिसवासी लोग हे बे भेजे भए चेलौ सै सिक्‍छा पानै और संगत कन्‍नै, एक संग मिलकै रोटी कै खानै और पूरे मन सै पिराथना करल लगे।

चेलौ के काम 20:27

कैसेकै परमेसर की सिगरी इच्‍छा कै मैं बतानै के ताँई कबी बी हिचकिचाओ ना।

चेलौ के काम 4:20

कैसेकै जौ तौ होई ना सकै है, कै जो हमनै देखो और सुनो है बाकै किसी और कै ना बताऐ।”

रोमियो 15:27

उनकै ऐंसो कन्‍नो अच्‍छो लगै है, और बे यहूदिऔं के करजदार हैं। कैसेकै अगर गैर यहूदी लोग यहूदिऔं के आत्‍मिक आसीसौ मै सामिल भए हैं तौ गैर यहूदिऔं कै बी यहूदिऔं की जरूरतमन्द चीजौ मै मदत कन्‍नी चँईऐ।

1 कुरन्‍थियों 1:30

परमेसर की बजै सै तुम लोग ईसु मसी के अंग बन गए हौ, और परमेसर की ओर सै ईसु मसी हमरे ताँई बुद्‍धि ठैरो। मसी की बजै सै हम परमेसर मै सई ठैराए गए और बाके पबित्‍तर लोग बन गए और हमकै पाप सै छुटकारो मिलो।

1 कुरन्‍थियों 1:9

परमेसर बिसवासजोग है। जिसनै तुमकै अपने बेटा और हमरे परभु ईसु मसी के संग रैहनै के ताँई बुलाओ।

1 कुरन्‍थियों 15:1

भईयौ और बहनौ, मैं तुमकै याद दिब्बानो चाँहौ हौं कै जो अच्‍छी खबर मैंनै तुमरे बीच मै पैले सुनाई ही। जिसकै तुम मानौ हौ और जिसमै तुम चलौ हौ।

2 कुरन्‍थियों 13:14

परभु ईसु मसी की किरपा और परमेसर को पियार और पबित्‍तर आत्‍मा को सात तुम सबई जनी के संग बनो रैह।

इफिसिऔ 3:6

बौ भेद की बात जौ है कै ईसु मसी मै अच्‍छी खबर के दुआरा यहूदी लोगौ के संग गैर यहूदी लोग बी बारिस बने और एकई सरीर के अंग बने और बादे मै बी बे सामिल हैं।

फिलिप्‍पीऔ 1:7

तुम सबके बारे मै ऐंसो सोचनो मेरे ताँई ठीकई है, कैसेकै तुम मेरे दिल मै बसे भए हौ, चाँहै मैं जेल मै हौं, या मैं अच्‍छी खबर की सच्‍चाई कै बचाबौ हौं या पक्‍को दाबो करौ हौं, और उन सबई बखतौ मै तुम सबई परमेसर के जा किरपा मै मेरे साती हौ।

फिलिप्‍पीऔ 2:1

कैसेकै तुमकै मसी के संग एक होनै मै अगर हिम्मत मिलै है, और बाके पियार सै आराम, और पबित्‍तर आत्‍मा को संग मेल-मिलाब और एक दूसरौं के ताँई दया और तरस है,

फिलिप्‍पीऔ 3:10

और मैं मसी कै जान्‍नो चाँहौ हौं और बा सकति कै बी जिस्सै बौ फिर सै जिन्‍दो भओ हो; मैं बाके दुखौं को हिस्सेदार होनो चाँहौ हौं, और बाकी मौत के बारे मै बाके हाँई बनौ।

कुलुसिऔं 1:13

परमेसर हमकै इन्धेरे के राज सै लिकारकै अपने पियारे लौंड़ा के राज मै लेकै आओ है।

1 थिसलुनीकियौ 1:10

और बे कैबै हैं कै तुम बाके लौंड़ा को सुरग सै आनै को पैंड़ो देखौ हौ, जिसकै परमेसर नै मरे भएऔं मै सै जिन्‍दो करो यानी ईसु, जो हमकै परमेसर की आनै बारी घुस्सा सै बचागो।

1 तीमुथियुस 6:2

और जिनके मालिक बिसवासी हैं तौ बे अपने मालिक की बेजती ना करैं, कैसेकै बे तुमरे भईया हाँई हैं, पर तुम उनकी और जादा अच्‍छी सेवा करिओ, कैसेकै जिसकै तुमरे काम कन्‍नै की बजै सै फाएदा पौंच रओ है। बे बिसवासी और तुमसै पियार कन्‍नै बारे हैं। इन बातौं कै सिकाए करौ और परचार करते रौह।

इबरानिओ 2:12

और बौ कैबै है कै, “मैं अपने लोगौ के सामने तेरे नाम कै उठांगो, और बिसवासिऔ की मंडली मै मैं तेरे गीत गांगो।”

इबरानिओ 3:1

इसताँई हे मेरे बिसवासी भईयौ और बहनौ, तुम बी सुरग की बुलाहट मै हिस्सेदार हौ, इसताँई तुमरो सिगरो धियान ईसु की ओर होए जो परमेसर को भेजो भओ आदमी और बड़ो पुजारी है जिसकै हम मानै हैं।

इबरानिओ 3:14

जो बिसवास हमनै सुरू सैई रखर खाओ है बामै अगर हम आखरी बखत तक पक्‍के रैहबै हैं तौ हम मसी के साजेदार बनंगे।

1 पतरस 5:1

मैं बी एक बिसवासिऔ की मंडली को मुखिया हौं और मसी के दुखौ को गभा हौं; बाकी आनै बारी महिमा मै साजेदार हौं और तुमरे मुखियौं कै हिम्मत देते भए जौ बिनती करौ हौं कै।

2 पतरस 1:16

जब हमनै तुमकै हमरे परभु ईसु मसी की सकति और आनै की अच्‍छी खबर सुनाई ही, तौ हमनै चालाँकी सै बनाई भई कस्ता को साहारो ना लओ हो, पर हम खुद बाकी बड़ी सकतिऔं कै देक्‍कै बाकी गभाई देवै हैं।

1 यहून्‍ना 1:1

बा जिन्‍दगी के बचन के बारे मै हम तुमकै लिख रए हैं। जो सुरू सै हो, जो हमनै सुनो, अपनी आँखौ सै देखो, और गौर सै देखो, और अपने हातौ सै छुँओ।

1 यहून्‍ना 1:5

जो खबर हमनै ईसु मसी सै सुनी और जो हम तुमकै सुनावै हैं, बौ जौ है, कै परमेसर जोती है और बामै कोई इन्धेरो ना है।

1 यहून्‍ना 1:7

पर अगर जैसे बौ खुद जोती मै है, बैसेई हम बी जोती मै चलैं, तौ एक दूसरे के संग हमरो अच्‍छो मेल-जोल होगो और परमेसर को लौंड़ा ईसु को खून हमकै सबई पापौं सै सुद्‍द कर देवै है।