Jems 5:8 - Tifal

⁸ Kemin, kipkal kanola bilili-kala bomdipla, fen-biliwa yi! Dukum ami talokoma kaali, mepso kelu kemin, titil-foko-bomdip fen-bilipla, talak o.

Jems 5:8 Iomraidhean Croise

Jon ayo taba Yesus ami sang dolsa kaata ko 21:22

Yesus ayo Pita ami bokola: Kulaa ye? nami aket kalaali tunum ayo, keli bomdala, bom bii asuk talokomi kaali, kano bom-sala talomi. Yale, kaa kaltapni san ema? Kabi daang bakaalin-kup tala-balawa yo! akale,

Pol ata Rom kaptam-ami sukon dola kuyinsa kaata ko 8:25

La, God ali kukup numi kuyokoma kaali, kuluulin disa bom-bulup kemin, kaali ti fan kuyokoma no, kalalupla, numi aket fukunin ayo kukup kaa kuyokoma kaami aket uyo yan-buluya, niyo bilili-kup-kala-bomdup fenbup o.

Galesia 5:22

Lale, God ami Sinik Tambal ami kukup ali kalanolin kaata kanumin o kala kutaltam dakan-umba ali kala bombuu ko. Kaptum kusal iyo olen-dakaayin, fiyaap duumin kukup, aket tem balili-kup kala ilin, akola fanang dik-daa bom weng dinim ilin kukup, aptum kusal dong dakaayin-bam kukup tambal tambal kamayin aye, kukup tambal uyo kewa-laamin daa ti suunkup kutal-fukulin-kup ilin,

Filipai 4:5

Am kulanun tulu kulaata, Dukum ayo mepso kawu talokoma kayi kemin, unang tunum alik imi olen-daaya-lom aket bilili-kalin kuya ke-biliwa, iyo utamiwa yi.

1Tesalonaika 1:10

fenupla, abiil tikiin kaptamu God ami Man ayo talak o, kalbip kayi! kala unang tunum alik iyo bakabip. God ami Man Yesus kulaata taa! kemin, taanala God alalta dafolala tam tiinse. Tunum unang imi ban kemin kaata no, kala-lomdala, God ayo aket atul tabela-laabu. Ilom am ma daanuya, angtiil yol kuyikin. Lale, Yesus ata taba-lom almi unang tunum numi iliim kaata bose. Kemin, God ami angtiil yol kuyokoma kaali, nuli uktayokomu ko.

1Tesalonaika 2:19

Numi suun ti din itamum o, kem-tabasup kaami miit kaali, siin sawaayak nuli Tesalonaika ipni iipyak tem kawu okok ke-bam fiit-bulupla, Yesus ami lak duuliwa yo, kala-lom fen-bulupla, tifan ibi Yesus ami lak duu-silip kemin, nuli fiyaap dukum duubup. Ale, tunum ma ayo ata ata ke-lomdala, mafek mafek tangbal ma kuluulokoma ultap kaali, iltipta kemin, ibi numi mafek mafek tangbal kemin ale, Yesus ami talokoma kawu ipso, nuso, nikil alik nuyo almi tiin diim kawu tol-nokomup kuyaku, Pol nikil nuyo ipni win uyo kufoyokomup.

1Tesalonaika 3:13

Kipni kanu-mokomip uyo, Kamokim Yesus ayo dong dokoyilaya, kipni Yesus ami lak dakaamin uyo titil-fak-daalula, kaptoop kaptoop kawu numi Kamokim Yesus aso, almi unang tunum tituun-kup alik iso, iyo talokomip uyo, tal kipni imbii tam nulmi Aatumen God ami tiin diim tiiliwa, ibi ti almi unang tunum tituun-kup tabin kelipla, Setaan ali taang-kala-lomda yim-bak-saanin weng uyo maso ma bokoyama disa yo, kalalupla, kaami sang kaata God kaa naala-yaabup ko.

2Tesalonaika 3:5

Nikil nuli Kamokim ami naan-buluwa, alalta ibi dong dakaayin-bala, ibi utam-ilom bam-daaliwa yi, Awu, God ali numi dukum-kup olen-yila-laaba kala kalbip-kup, Kraist ayo suunkup nuli dong dakaayin-balala, numi aket fukunin uyo titil-fokobu kaa kalin o. Kukup mafak mafak tiltam tabokomu uyo ipkal Kraist ami titil-fokosa tap ke, kipkal titil-fokolokomip ko.

Jems 5:3

Kipni gol so, silva so, kiiyo, ol fukubip kemin, ol fukusa kulaata taba-lomda, iltipni ban wakan-umbip uyo yam-fatap-daalaya, ipni angtiil ayo wing ta fuulin tap ke-lokomu. Am mafiing diim uyo dikiwa-tala-buluya, ibi mafek mafek yaapkan so, tuumon so, iyo afet-bam sikip fik-tin-tabasip kawi!

Jems 5:9

Nalmi nak-tunum kusal kipyo! Ti ipkal utamin, God ali tunum kiili yam-kuku-mokoma kaali, kukup mafak kanun-unbup kaami maan kaata tiiya-laa-mokoma. Kemin, ipni kaptum kusal imi itafiimin weng bakayin uyo kambolin o. Weng san-kaa-bam yim-bak-saanin tunum kaa mep tam saaklo amitom kaa tiinba kala daatamin aa!

1Pita 4:7

God ami tawaal diim kaldaak-ami mafek mafek alik disa kelu ke-wokoma kaali, umbital mepso tulu kemin, kaltipni aket fukunin uyo, talalu tiin mo, utafii-bamdiwa yo, kala-somla ko. Ibi kanu-mokomip kaata, kipni beten ke-mokomip uyo tiltam tambal-nokomu.

Revelesin 22:20

Mep weng alik kula dolbi kuluuli, Kamokim Yesus almi weng alta kup-nala, ibi bokoyi kemin, ali boko-lom: Ti fan tituun weng kemin, fan nali mepso talokomi no, kalalaya, Kamokim Yesus ayo kanum bokola. Numi Kamok Yesus kapyo, baan abil talawa, titamum i! takan-kaabup. Baan tal o!