Jems 5:7 - Tifal

⁷ Kanolin kemin, nami nak-tunum kusal kipyo! Duluma-lom bilili-kala bom fen-bilipla, Dukum ayo talak o. Nokol utamsup, langabip kayaak ayo tawaal talaluba-kup, inin-inin san iyo dikibi kutii kela bomda al diki-bamda fanang bom-balaya, atan so, om so, ita tale-bamdip muuk den-bilip bii yakaanuya tambal-kup dabuu-bam inan-umba.

Jems 5:7 Iomraidhean Croise

Matyu 16:27

Kano am ma daanokomu kaali, Dukum Ami Man Nayo, nalami Aatumen God almi falala-kalin diim kawu, ensel iso, talokomup kawu, tal-ilomdi unang tunum alik maakup maakup imi dok nolin kukup kanum unsip uta tiiyokomi kayi!

Matyu 16:28

Kemin, tituun weng kala bokoyokomi uyo, dotu weng san iliwa! Iip maakup maakup kula tola-bilip, ibi saaknin disa, bom ilom utamiwa yi, Dukum Ami Man Ayo titil tabin kuluu-lom Kamokim King kelaya, unang tunum tiin mola kala kalokomip kayi! kal-bomda Yesus ayo almi daang bakaalin tunum imi kanum bakayila ko.

Matyu 24:27

Kamokim Sakbaalim Dukum Ami Man Nami asuk talokomi kaali, baabaa falala-kup kala abiil so, tawaal so, alik falala-kup kala-yaaba alaltap keli tildang fatap-nila, tawaal diim kayaak unang tunum alik iyo nita-mokomip o.

Matyu 24:44

Ultap kemin o. Ipkal utamiwa yi! Dukum Sakbaalim Ami Man Nali dok kanolin diim kawu ma talokoma no, nakan-kaabip disa. Maaklo tem o. Kano ti suunkup fen-bamdiwa kayi! kal-bomda, Yesus ali alami daang bakaalin imi kanum bakaya ko.

Luk ata Yesus ami sang dolsa kaata ko 21:27

Kemin, kanolin kii kanumsi tal banipla, kulaata Dukum Ami Man Nayo ibin tem kabaku tilila, nami titil uyo kuluu-lomdila, atan alaltap ke tiin buluusi-kup sikin-bulula, kawu alik iyo nita-mokomip.

Luk ata Yesus ami sang dolsa kaata ko 8:15

Kemin ale, san malo ma kiita sekela daak tawaal tambal diim aba tambal-kup taba abuulip. Kemin, kaali ultap o. Tunum malo ma iyo God ami weng kaali, weng sanbip-kup, lukuuyokomu disa; ti kano dukum-kup kuyak aket tem daalokomip kaa, God ami okok kemin kaali, suunkup titil-foko kutal-fuku-bom nuu-mokomip. Kemin, kanolin kaali, wiit lap yaapkan abuulokomu kaa, 100 kup abuu-laamin alaltap o, kalala kanum bakayila ko.

Jon ayo taba Yesus ami sang dolsa kaata ko 21:22

Yesus ayo Pita ami bokola: Kulaa ye? nami aket kalaali tunum ayo, keli bomdala, bom bii asuk talokomi kaali, kano bom-sala talomi. Yale, kaa kaltapni san ema? Kabi daang bakaalin-kup tala-balawa yo! akale,

Jon ayo taba Yesus ami sang dolsa kaata ko 21:23

kulu Yesus ami weng Pita ami kanum bokola kaali, yen yakaba din aptum kusal imi diim unule, Yesus ami lak duulin iyo bokolip ko: Daang bakaalin tunum kalawaali ma taanokoma disa yo, kalsip. Katale, Yesus ali weng ma boko-lomda: Kaa taanokoma disa yo, kalsa disa kemin, boko-lomda: Kaa nami aket kaali, tunum ayo kamboli bom-balaya, bombii talokomi uyo kano bom-salaya, talomi. Yale, kaa kaltapni san o? ansa ko.

Pol ata Rom kaptam-ami sukon dola kuyinsa kaata ko 15:4

Kemin, sawaayak weng kala God ami Sukon Tem kabak dolsip uta taba-lomdu alik numi kukuyuk o kalaliwa dolsip. Kemin ale, weng kuuli numi aket tem uyo yam-titil-diilu tiltam titil-fak-daa balili-kup kala-bomdupya, God ami kanu-mokoma kaata, fen-buluwa yo kala-somya ko.

Pol ata Rom kaptam-ami sukon dola kuyinsa kaata ko 2:7

Kemin, tunum malo ma iyo imi aket fukunin kaali, Kukup tangbal ata-kup titil-biki bom-bulupla, God ayo numi yim-tama tam almi falala-kalin abip kawu daa-lomda, ayo numi win tangbal kaata bokoyimba-kup ale, ayo talalu-yimulala, nokol taan-laamin uyo uktaayuk o, kalalipla kaami liip kaata fen-yaabip. Kemin, kaata God ali tunum imi talalu-yimulaya, God aso suunkup ilokomip.

1Korin 1:7

Kemin, God alalta taba-lom yak aket fukunin tambal tambal alik kiili, kukaayimba kemin, ibi kaa maakup so ma iipnin disa ke-bamdip nulmi Kamokim Yesus Kraist ami tala ata-mokomup kaata, fenbip kala kalaliya, God ami yaap ke yo, akan-kan-unbi.

Galesia 5:5

Katale, numi aket kaa ma kanubup disa; God ami Sinik ata yam-titil-diilaya, nuli utamuwa yi, God ayo, Ibi tituun-kup tabin unang tunum o, yokokoma kala kalsup. Kemin, uyo utamupla, God ami weng kuu atin fan u kalaluwa, weng kabak-ata fen-bulupya, tiltam dukup-dakat kaluk o kalaluwa, kabak-ali fenbup.

Galesia 6:9

Fan, ilom am ma daanokomu kabaku, God ali numi kukup kaami maan kaali, tiiyokoma. Kemin, nokol kukup tambal fuku ilin uyo daal-daal-kemin disa; nuli am lang uyo daal-daal-kemin disa kemup namti, ilom ima waan tiil-nokoma uyo inin-inin tambal-kup faka-mokomup.

Kolosi 1:11

nokol dik-dakaan-bulupya, God ami titil dukum uyo kuya-som yam-titil-dii kelaya, ibi titil-fak-daa-lomdip dok kanolin mafek mafek uluum tabin tiltam ipni diim kawu talokomu uyo kewa-yaamin disa; kipkal titil-fak-daa-bom balili-kup kala fiyaap kaali duu-bamdiple,

1Tesalonaika 1:3

Ibi utamiwa, Numi Kamokim Yesus Kraist ami weng kuka-daaya-lomda kabak kanolokomi te! kalase, uyo lolokoma dinim. Nuyo dong dokoyokoma no, kalaliwa, ipkal Kraist ami weng uyo weng san kutal-fuku-som ale, ami aket uyo kola-som, ami ok uyo dukum-kup titil-foko kutal-fuku ke fenupla talak o, kal-bomdip, kanu-bilipla kaata, kipni aket fukunin kaali ti titil-fak-daa tola-bom iliwa yo, kala-lom numi yaap ke yo, kalin uyo Aatumen God ami kukaala-yaabup.

1Tesalonaika 2:19

Numi suun ti din itamum o, kem-tabasup kaami miit kaali, siin sawaayak nuli Tesalonaika ipni iipyak tem kawu okok ke-bam fiit-bulupla, Yesus ami lak duuliwa yo, kala-lom fen-bulupla, tifan ibi Yesus ami lak duu-silip kemin, nuli fiyaap dukum duubup. Ale, tunum ma ayo ata ata ke-lomdala, mafek mafek tangbal ma kuluulokoma ultap kaali, iltipta kemin, ibi numi mafek mafek tangbal kemin ale, Yesus ami talokoma kawu ipso, nuso, nikil alik nuyo almi tiin diim kawu tol-nokomup kuyaku, Pol nikil nuyo ipni win uyo kufoyokomup.

1Tesalonaika 3:13

Kipni kanu-mokomip uyo, Kamokim Yesus ayo dong dokoyilaya, kipni Yesus ami lak dakaamin uyo titil-fak-daalula, kaptoop kaptoop kawu numi Kamokim Yesus aso, almi unang tunum tituun-kup alik iso, iyo talokomip uyo, tal kipni imbii tam nulmi Aatumen God ami tiin diim tiiliwa, ibi ti almi unang tunum tituun-kup tabin kelipla, Setaan ali taang-kala-lomda yim-bak-saanin weng uyo maso ma bokoyama disa yo, kalalupla, kaami sang kaata God kaa naala-yaabup ko.

Hibru 6:15

God ayo weng kuka-daa-lomda kanum bokolaya, Abraham ayo abiltap daal taboma dinim; ali fen-bam biilaya, mulo kawu God ami man kup-tokomi no, kalsa uyo kolaya duusa ko.

Jems 4:11

Nak-tunum kusal kipyo! Ibi kap-tunum kusal kiili, ita-fiimin weng uyo bakaya una-tala-kemin daa yo. Kawanta ap-tunum ami atafiimin weng uyo bakaan-bamda dap-kuku-bam atafiima namti, kaali God ami weng o, kala Lo kuka-daasa umi um-kuku-bam atafiimin weng uyo binala yak Lo umi diim abebu no. Kabi atafiimin weng uyo Lo umi bakawap namti, kabi weng uyo weng san-kaamin kaami kukup uyo kela akaawa-lomdap kapta kapta kelapla, Lo uyo kabaak banokomu.

Jems 5:10

Nak-tunum kusal kipyo, sawaayak kawu God ami profet imi kanu-bisip kaata fanang daalum. God Dukum ami weng, uyo weng san-ilomdip, unang tunum imi bakayin-bilipya, waasi ita kukup mafak kamayin-bilipya, um-tal-daa-lomdipla, Dukum ami lak kaata duu-lom titil-fak-daa-bom biisip. Kemin, nikil nokol kiimi titil kanumsip kaami tong kaata bakan-unbup. Ipkal imi yaan tem kanumsip kaata kanu-bilipla yo. Aa, nokol sawaayak kawu Job ami angtiil yol awak kuluu-bomda biisa kaami sang kaa nokol kaal-kesup. Ali titil-fak-daa-bom suunkup fen-balala, Dukum ayo tal dotulala, yaapsa. Kemin, Dukum ali suunkup numi aket bilili-kalin kuya-lom olen-yila-yaaba kaa kaal-kelip o?

Jems 5:3

Kipni gol so, silva so, kiiyo, ol fukubip kemin, ol fukusa kulaata taba-lomda, iltipni ban wakan-umbip uyo yam-fatap-daalaya, ipni angtiil ayo wing ta fuulin tap ke-lokomu. Am mafiing diim uyo dikiwa-tala-buluya, ibi mafek mafek yaapkan so, tuumon so, iyo afet-bam sikip fik-tin-tabasip kawi!

2Pita 3:4

sawaayak kaali, Yesus ali boko-lomda: Nali asuk tal unang tunum imi yim-fo-lomdi yim-bak-molokomi kayi! kala kanum bokosa kaa, atamum o. Ali kaloku bombe ni? Kaali asuk talokoma disa; sawaalak kaa numi awil-fakal saaka yakyak kulii bital kala diilu kaali, God ami sawaayak mafek mafek alik talalu kutiisa uyo ti kanosa kaata-kup kano tiinsu. Kemin, yak kipni boko-lomdip: Mafek mafek kalawuuli tiltam ukol alik ma ke-lokomu no, ken-umbip uyo fan, tiltam kusnum kelamu disa yo, ke-mokomip.