Jems 5:6 - Tifal

⁶ Iltipta taba-lomdip tunum tituun-kup tabasip iyo miit dinim kawu yam kot baan diim daa-lom anu-silip kaa, ili ilmi angtiil kaa dil mo-silip disa yo!

Jems 5:6 Iomraidhean Croise

Matyu 21:38

Lale, din una wain lang tiin molin tunum iyo atam-ilomdip kulaa nikil iyo ilmi bokola una-tala-ke-lomdip bokolip: Kulawaali ti wain lang kayaak almi man kemin, bom bii-lom aalap ami taanokoma ayo, alalta aalap ami mafek mafek kaali, alik tiin mo-lom almi alik ke-lokoma kemin, aalupla taanala, wain lang kaltam ayo nulmi alik keyuk o, kala-lomdip,

Matyu 27:20

Awem tunum imi kamok kamok sole, Juda-miin imi kamok kamok iso, iyo Pailat ami weng dik-daala uyo, weng san-ilomdip tunum alik kulu tolbip iyo moyin-bam bokolip: Ibi Pailat ami dik-daaliwa, almi soldiya imi bokoyilaya, ita din ilom Barabas sok baa tildaa dabaalip unak. Tabanala, Yesus ata aalin o, kalipla,

Matyu 5:39

Nata weng kusnum ma bokoyokomi. Kemin, weng san iliwa! Kanola tunum ami kukup mafak kup-ta kaa, kapkal ami kukup mafak kup-ta uyo kapsiik maan tiimin daa; le, ayo kukup mafak kup-ton o, kala namti, kabi daa yo, kemin daa; mep kanuba tunum ata taba kapni akalap malii tiingtuplo ayo tangafap ta bina daala namti, kabi falmek akalap malii ayo kolap bina-daa kelama no.

Aposel 22:14

ayo bokop-na ko: Nulmi awal-fakal imi God ata bokop-na-lomda: Pol ata ulduuliya, nami aket fukunin ayo atam-som, Tituun-kup Tabasa Tunum ata atam aa, ami bon tem weng ayo weng san kelak o, kalalila, ulduuli kayi! kala bokop-na. Kemin,

Aposel 7:52

Siin sawaayak kipni kawil-fakal iyo taba-lom, God ami profet alik weng ku-fatap-daa bakayin tunum biisip ili kukup mafak mafak kaa kukaayinsip. Kemin, maakup so ma kensip disa. Kanta awil-fakal iyo bokoya-lomdip: Yi! bom-bii-lom kaali, Tunum Tituun-kup Tabasa ayo talokoma kayi! ke-bisip ili anulip saaksip. La, kulaata Tituun-kup Tabin Tunum Yesus ayo tal bom-balaya, ibi ti kuno dap-fatap-daa dabaalip yak waasi imi sikil diim abamnala, aalip taanse.

Aposel 8:32

Dolsa kaami weng tik-tiin unaba kabak-ali boko-lom: Ali kukup mafak kukaan-biliple, sipsip ayo aalum o, kala kulii-una-bilip, duluma-yaaba tap aye, sipsip man ami kalim bataan-bilip sining kala-yaaba tap kanola ali dulumase.

Hibru 10:38

Katale, unang tunum nami weng tituun-kup kutal-fukulokomip kiita, nali itamila yi, Nami lak kaali duu-bilip u, kalokomi kaata, fan dong dakaayin-bilila, kiita tiin kawong ilokomip; ale, asuk kanola tunum iyo kambop-na yang banokomip kiita, nali aket tambal uyo kuyokomi dinim o, kala God ayo kanum bokosa.

Jems 2:6

Lale, ibi kap-tunum kusal mafek mafek dinimal imi kukup mafak so, fatom tabin kukup so, iyo kukaayin-bam ken-umbip. Nokol kiili utamsup kemin, mafek mafek soyal kiita, nuyo kukup mafak kuya, aket uluum kuya, kebip-kup yim-tama din kot baan diim kawu daka-bam kem-yaabip.

Jems 4:2

Kibi mafek mafek uyo ma kuluulum o, kaliwa, liip dinim o, kalbip-kup, tunum yemin kaami aket uyo fukun-bam, aa mafek mafek sang bokoyip: Daa yo, kalip ilmi mafek mafek kalan tuluya, aket atul uyo tiltam tulule, weng aal diki-bam ale, dinan-kulii-tabe-bam ken-umbip o. Kaali ibi mafek mafek sang kaa God ami dik-dakalin dinim ke-bilipla kemin, God ali kukaayin disa ken-umba.

1Pita 4:18

Uyo ultap kemin, God ami Sukon Tem kabaku uyo boko-lomdu: God ali tunum unang tituun-kup tabin iyo yim-buu-yim-taldang nalmi miit tem daalon o, kalokoma kuyaku, ayo angtiil yol kusiik kuyila utam-laam-siliple kawu, yim-taldang daalokoma. Ale, tunum unang God ami daang ukola-bomdip kukup mafak-kup fukulin unang tunum kiita le, atin ti angtiil yol awak dukum-kup kuluulokomip. Kemin, God ali kanolin unang tunum kiili, yim-taldang almi miit tem kaa daalokoma disa yo, kala kanum bokosu.