Jems 5:5 - Tifal

⁵ Suunkup tawaal diim kala ilip uyo ibi mafek mafek yaapkan suunkup faka-bam in-bomdipla fiyaap duu-bam ken-umbip. Kemin, ibi kang ifa-bilip faskaaba tap kesip kemin, kipni anula taanokomip kaami am uyo mep dikiwa tulu no.

Jems 5:5 Iomraidhean Croise

Luk ata Yesus ami sang dolsa kaata ko 16:19

Yesus ayo faldak-tiimin weng ma bokola-lomda: Sawaalak kawu tunum bung kayaakim ma ti tambal-kup tiin bom ale, okok kemin disa; ti disa kulu tiin-bomdala, suunkup ilim tambal tambal akal alik akal alik kiita-kup miki-bam ale, ima tambal tambal kiita-kup in-bom ken-umba.

Luk ata Yesus ami sang dolsa kaata ko 16:25

Abraham ayo bokola-lomda: Nalmi man kabi ti aket fuku-daatam. Siin kaa, kabi tiin kawang bom ilsap kaali, kabi mafek mafek tambal tambal kiita-kup kaa-balaple, Lasarus alile, saak mafek mafek mafak kiita-kup fakan-umba. Kemin, Lasarus ali abip tambal kuluu bomda fiyaap dukum duuba. Kemin ale, kuno kapta angtiil yol awak uyo kuluubap te!

Pol ata Rom kaptam-ami sukon dola kuyinsa kaata ko 13:13

Nulumi tal-unemin, tiin-yaamin kaali, ti tunum ami kaa fatap diim kulu tal-uneba ulultap kanu-bamdupya, nuli fuut-taben tal-une-bam ok mafak in-bomdup babon-babon kemin disa; aa sadikimin uyo kanu-bam ale, yak kukup mafak mafak fatom tabasu uyo kanumin disa; aa nuli aket atul-kup tabe-bam ale, tunum kusnum imi mafek mafek uyo disa kawu mok in-bom tiin-nenin disa;

1Timoti 5:6

Yale, unang kaluun ma ulmi aket fukunin kaata-kup ulmi angtiil lak kaata-kup duu-bomdu yak kanumin kanumin kukup mafak kiita, kutal-fuku tal-unemu namti, kuumi sinik ayo taansa kemin, disa kawu bomduya, kanum tal-une-mokomu. Kemin,

2Timoti 3:4

aptum kusal iyo yim-baalip yak waasi imi sikil diim abamnip ye-bam ale, dok kanumin dok kanumin kaata ma molum o, kalip kaa, aket tambal kaata ma fukunduwa yo, kala-yaamin dinim uyo abiltap nuu-bam ale, ilmi titil kaata-kup baka-bamdiple, Ti nuta-kup o, kal-bom ale, disa iip kulu ilmi angtiil mok-kup inan-tal-une-bamdip, God ami aket kaa, kola-yaamin dinim ke-bamdip,

2Pita 2:13

Mep kiita aket uluum uyo ipni kukaayila-tabasip. Kemin ti, kanola God asiik mep iyo aket uluum so, angtiil yol so, iyo kuyokoma. Kemin, kiili fen-bilip, am malang tinilula kawu, ima uyo in-bom, ok mafak yaapkan iyo in-bom, aa sadiki-bam ken-umbip disa. Kemin, ale, am taap so, kutamiip so, kanumin-kup ken-umbip. Kemin, imi aket fukunin kaali, kanumin kukup kuu numi aket tem kabak-ami fiyaap duumin kukaayin namti kabuu te, kalaliwa, kanun-umbip. Fatom dinim tap, disa iip kawu kasen-foko fal-tii-yim-biliple, Ipyo kamboyum e, tam ipso tiin-bom kominion uyo inan-umbip. Katale, kanolin kukup kanun-umbip kuuli ti, atin kukup mafak fatom tabasu kaata kukup kanun-umbip.

Sukon kalawaali Jut ata dolsa kaata ko 1:12

Kemin ti, ipkal aket maakup kaata-kup ke-bamdip kaptum kusal Kristen unang tunum iyo aket kola-una-tala-ken-umbip, ibi dok kanumin diim kawu tala-tala-ke-bam kaami fiyaap-kup duu-bam ima ina fakamin kaali, tunum kukup mafak tabuulin kiili, din kipso ima ina fakan-umbip. Yale, ili itam-suunin dinim; ili ti ilmi inin kaami aket kaata-kup kanu-bamdiwa, ipni fiyaap duumin aa, inin-inin aa, iyo ku-mafak-dakayilipla, ibi fatom duk-duubip te! Kiili, abiil kawu ibin de-lom wom talon o, kemala, inim ata ata ke-lom, an-bak-mola un-ilom disa ke-laaba tap ke-bam disa kawu, weng tambal tambal kaata-kup baka-bam ale, ili as lap abuumin am daanala, as lap uyo abuulamu disa kelula, tunum iyo tal atam-ilomdip miit so dola kulaalip yang saak aba data-yaabu tap kanu-bam ken-umbip.

Revelesin 18:7

Abip aalap Babilon uyo unang kamokan ultap uta tiin-bom aket fukun-bamdula: Nali Kamokan Kwiin kemin, abiin tangbal-kup tiin-ilom kaptoop-ali nali unang kaluun kaami aket uluum kuluu-lomdu aket uluum awak fukunbu tap kaa kanolokomi disa yo, kal-bomdula, mafek mafek tangbal tangbal yaapkan iyo afetbi fak-tii kela, kiit kon tambal-kup tiibi kenbu-kup, kulaa atin ti akal akal ma tambal-kup tiinu. La, ulmi angtiil yol dukum kuwokomip uyo, ulmi kukup mafak kanun-yaabu kulaata, kuwipla tik-nokomu no.