Jems 4:9 - Tifal

⁹ Iltipni kukup mafak kaami kalan uyo aket uluum tabeyulula ama-bamdiwa yo, kala-somla kemin, ipni dakmin-bamdip aban-diibip uyo kambolalip fal-siki-lom, iltipni kukup mafak kebip kaami kalan uyo ama-bam ale, fiyaap duumin uyo kela-lomdip, fal-siki-lom aket uluum kemin o.

Jems 4:9 Iomraidhean Croise

Matyu 21:41

kulaa kamok kamok iyo Yesus ami weng uyo maan telip ko: Kamokim ayo taba tunum mafak yam iyo yebi angtiil yol daka-bam saaknipla kawu, tiin saanin tunum kusnum iyo ulelnala ita tiltam ami wain lang kaa tiin mo-biliwa bii suunkup wain ayo abuulu kalale, wain lap wok ayo laabi aptum kusal imi kuyip ita molipla, kulaa wain lang kayaak ata imi sisol anung ayo suunkup tambal kukaalokomip o, kala kamok kamok iyo kanum bokolip ko.

Matyu 5:4

Kuno unang tunum malo ma yakal utamiwa yi, Ap-tunum kusal iyo ban kemip kalbip-kup, imi aket tem uyo mafak ilula amamip. Katale, God akal dong dokoyila asuk tiltam aket bilili kalokomip, ale fiyaap duu-bam ke-mokomip.

Luk ata Yesus ami sang dolsa kaata ko 16:25

Abraham ayo bokola-lomda: Nalmi man kabi ti aket fuku-daatam. Siin kaa, kabi tiin kawang bom ilsap kaali, kabi mafek mafek tambal tambal kiita-kup kaa-balaple, Lasarus alile, saak mafek mafek mafak kiita-kup fakan-umba. Kemin, Lasarus ali abip tambal kuluu bomda fiyaap dukum duuba. Kemin ale, kuno kapta angtiil yol awak uyo kuluubap te!

Luk ata Yesus ami sang dolsa kaata ko 6:21

Ol-tinap ilin unang tunum kipyaa! Ibi kamala kalawaali ima tinap tiinip. Katale, God alalta ima kaa kukaayim-balala inbi-lomdip, ti inamnup kala, kalbip-kup, fiyaap duumalip ko! Aket uluum-kup tabeya-bulula ilin ipkal, ibi kamala kalaali amabip. Katale, God akal tambal-kup talalu-yokoma kawu, aban dii-bamdiple, fiyaap dukum duu-bam kemalip ko!

Luk ata Yesus ami sang dolsa kaata ko 6:25

Aa, kuno kamala kulu unang tunum ima imbi-lomdip, tiknup o, kala fiyaap sakbaalim dukum duubip kipyo, ilom am ma daanokomu kaali, ibi ima tinap dukum uyo uta-mokomip kayi! Tunum unang aban dii-bamdip fiyaap duumin dukum kebip kipyo! Ilom am ma daanokomu kaa, ibi aket uluum tabe-bam ama-bam ke-bamdiwa, yol dukum uyo kuluulokomip te!