Jems 4:7 - Tifal

⁷ Kemin, ipkal iltipni angtiil so, sinik so, alik iyo God ami koliwa, alta tiin molak o. Ibi Setaan Tunum Mafak ami tal oko-takaya talaba ayo, Daa yo, kala titil-fak-daaliwa, Setaan ayo ukadaa unokoma no.

Jems 4:7 Iomraidhean Croise

Matyu 11:29

Nali nalmi lo uyo kipni kuyili kutal-fukulokomip kaali, nalmi kukup kaata kukuyim-biliya, kipkal dik-daa kuluu kaal ke kutal-fukule, bilili-kup kalokomip ko. Nali balili-kup kala dik-diibin tunum kemin, ipkal kanola nalaltap ke-somdiwa, balili-kup kala bomdiwa yo.

Aposel 26:19

Pol ayo King Agripa ami bokola-lomda: King Agripa kapyo, nali abiil kaptamu weng ma bokop-na weng sansii kaa, kulaa kelasii disa.

Aposel 9:6

Kabi tam tiindawa, toop abip dukum un-ilomdap bom-balapya, tunum ma tal bokop-ta-lomda, kanumin kanumin ayo kanuman aa! tokokoma no, aka ko.

Pol ata Rom kaptam-ami sukon dola kuyinsa kaata ko 10:3

Kanola ti God ayo unang tunum imi bokoya-lomda: Kipni kukup mafak kaami uluum ayo disa keyilula, tituun-kup tabin unang tunum kelip o kalin kaami kukup kaa utamup disa yo, kala-lomdip kaa nulmi kukup kaata ti, tituun-kup o kala-lomdip kaata-kup kutal-fuku-bom biisip. Kemin, ili Yesus ami lak duulip God ata bokoya-lomda: Ibi tituun-kup tabin unang tunum kelin o, kalin kaami kukup kaa kuluulamup disa yo, ke-biisip.

Pol ata Rom kaptam-ami sukon dola kuyinsa kaata ko 14:11

Ultap kemin, God ami Sukon Tem kabak-ali boko-lomdu: Dukum ayo boko-lomda: Atin faneng nali taan-laamin dinim; suunkup ilin tunum kemin, ilom am ma daanokomu kaa, unang tunum alik ili tilik duung fakela daak dabuna-lom, nami beten kamap-nam-bamdiple, alik ibi boko-lomdip: God kaali tifan ti God o, ke-mokomip o kalba no kala Sukon Tem uyo kanum bokosu no.

Efesis 4:27

Suunkup aket atul kaali, falala tam-tiilula, suunkup kutal-fukulin-kup ilap namti, kapni aket tem uyo sinik mafak imi kamokim Setaan ami saal namti, kulu busuulokomap.

Efesis 5:21

Kipyo, aket fukun-ilomdipla, Kraist kaali numi Kamokim u! kala-lomdipla, ami weng uyo weng san-kaan-umbip. Kemin, ibi kap-tunum kusal Kristen kesip imi weng kuukal ti kano weng san-kaa-bamdipla, imi minlo tem kulu bomdipla yo!

Efesis 6:13

Kemin, kanola kabi God ami waasi dinin kaami mafek mafek alik iyo miki-lomdapla, kukup mafak tiltam tolokomu uyo titil-fak-daa tola-lom daang ukuwap une-buluya, titil-kup foko tola-bomdapla yo!

Hibru 12:9

Kemin, ipkal kuumi aket kaata fuku-daa kelin o. Numi tawaal diim kaldaak-ami awil-fakal kalawiili, kanuyin-bulupla, man imi kukup mafak kanubip uyo kulaalin o, kal-bomdiwa nuyo titil weng bakayin-bam ale, ye-bamdip kanu-bam kukuya-lom kanuyin-biliwa kemin, nuli imi weng kaata-kup weng san-kaa-bamale, ilmi win uyo kufoyinsup. Kemin, ultap o. Nulmi Aalap abiil tikiin kayaak ami weng kaata-kup suunkup weng san-kaa-bamale, alami win-kup kufumum o, kala, kala-lomdupla kemin, aso maakup suunkup tambal-kup ilum o, kala-somla ko.

1Pita 2:13

Kibi ti Dukum ami kukup kaata kanumin o, kalba kaami aket kaata fukun-bamdiwa, tawaal diim tunum imi lo kutiisip uyo, ti fuku-bomdiwa yo. Rom kayaak imi king ata taba-lomda dabom kelaya, unang tunum alik yak kiiso, tildak kiiso, ata tiin moba. Kemin, ibi ami weng-kup weng san-kaamalip ko.

1Pita 5:6

Kanolin kemin, ibi God titil soyim ami sikil diim kaami minlo tem unipla, God ami aket fukunin kaali, Am ma daanokomu kawu, yim-buu-yim-folila tambal ma kelik o, kala-lom keyokoma.