Jems 4:12 - Tifal

¹² God maakup ata-kup Lo kaa kutiisa le, ata-kup unang tunum iyo yam-kuku-bam itafii-bamda yam-bak-saanokoma. Kemin, alalta-kup tunum ayo dabuulokoma, aa dap-mafak-daalokoma kemin, kapni kap-tunum atafii-bam dabak-saanokoma kaa kapni mafek mafek disa.

Jems 4:12 Iomraidhean Croise

Matyu 10:28

Tunum malo ma ita bokoya-lomdip: Ibi Yesus ami weng ayo kuluu bakayila uniwa yelokomup o, yaka-lomdipla ili kipni angtiil kulaa welip taanokomu. Lale, kipni sinik suunkup ilin kaali, aalip taan maaklo ke-lokomu disa. Kiimi atul kaa suunin disa; ti God maakup ami atul kaata-kup suunin o. Kaata-kup titil soyim kemin, ata taba-lom kipni tiil uyo wela taanule, ipni sinik ayo an-bina yang wing tiil suunkup kiinin-kup ilin abip kabanokomu. Kemin, God maakup ami atul kaata-kup suunin o.

Luk ata Yesus ami sang dolsa kaata ko 12:5

Kemin, dok nolin ami ma atam suun-daalokomap kaami sang uyo bokop-tokomi. God ali titil soyim kemin, ata taba-lomda tela namti, ali ti tam-baala yang suunkup as kiin-bam ilin abip unokomap ami atul kaata-kup atam suunamap.

Pol ata Rom kaptam-ami sukon dola kuyinsa kaata ko 14:13

Alik numi yam-kuku-bamda yim-bak-saanokoma tunum kaali, God maakup ata-kup kemin, nokol nulmi naktum kusal imi kukup kanubip kaali, aket mafak kukaayin disa; nokol aket fukun-ilom: Nuli dok kanolin kaata no-lomdup nak-tunum kusal iyo kukuyup utam-ilomdip iyo yang ban wakamin daa yo yakan-kaa-bamdupla yo.

Pol ata Rom kaptam-ami sukon dola kuyinsa kaata ko 14:4

Kemin, kabi tunum saak-kup inan-umba ami balaanbap. Lale, kabi dok kanolin tunum kapta taba-lomdap tunum kusnum ami okok kemin tunum ami weng mafak kaali, kukaala-yaabap i? Kapni kaptum ami bokola-lomdap: Kapni okok kebap kaa mafak kebap o kala ma kapta tambal kebap o kala, kaptum ami kanum bakaalin kaa, kapni san disa; alami kamokim almi san kemin, ami kamokim kulaali Yesus ata-kup te! Alalta taba dap-titil-diila, ali Yesus ami lak kaa dukum-kup dakaa-balaya, kabak-ami win diim kabaku dabuulokoma no.

Pol ata Rom kaptam-ami sukon dola kuyinsa kaata ko 2:1

Kanum bokosa la, alik ibi kaptum kusal yim-bak-saanin tunum kemin ale, maakup maakup kipni bokoyokomi. Kabi kalok kano kaltapni ban kemin ayo kuwaalokomap disa kemin, ti weng selan. Kabak-ali dok kata disa kabi kukup mafak kaa kaptum kusal imi kanun-umbip tap ke ti kapkal kanun-yaabap. Kemin, kabi yak kaptum kusal kii yim-bak-saan-umbap kaali, kaptum kusal imi sang kaata-kup bakayila-yaabap disa; kemin, kapkal ti kanun-umbap kemin, kaltapni weng kaata tam-bak-saanbu te!

Pol ata Rom kaptam-ami sukon dola kuyinsa kaata ko 9:20

Kabi tifan tunum kemin ale, dok kano-lomdawa God ami titil tabin weng kaa bokolalap i? Faldak-tiimin weng ma kalawa utamum. Tawaal fuk-duu ima fuumin ket talalmin kaali, tunum almi sikiltup talalmin kemin, ket kaali, asuk tunum dotuba almi bokola-lomda: Kabi kanimin o, kala nali kalanola nam-talalubap yoko? akokoma nema?

Hibru 7:25

Ali suunkup ilin tunum kemin, kaami win diim unang tunum iyo tal God ami mepso tilip kaali, kamala kalawaso, siin kaptoop kaptoop unu kuso, ali ti suunkup ulduu-yim-taldang daa-daa ke-bamdala, God ami beten kamaan-balaya, unang tunum kii dong dakaayin-kup ken-umba no.

Jems 5:9

Nalmi nak-tunum kusal kipyo! Ti ipkal utamin, God ali tunum kiili yam-kuku-mokoma kaali, kukup mafak kanun-unbup kaami maan kaata tiiya-laa-mokoma. Kemin, ipni kaptum kusal imi itafiimin weng bakayin uyo kambolin o. Weng san-kaa-bam yim-bak-saanin tunum kaa mep tam saaklo amitom kaa tiinba kala daatamin aa!