Jems 3:9 - Tifal

⁹ Kemin, numi bon tem uyo ti Aatumen God ami win kaata kufubup. La, kamasi God ami tunum talalu-yimusa kiili, alaltap dotusa. Yale, nak-tunum kusal iyo weng mafak bakayin-bam ken-yaabup.

Jems 3:9 Iomraidhean Croise

Matyu 26:74

Pita asiik weng dukum-kup bokoya-lomda: Ee, nali atin ti tunum kaa ma atamsi disa! Nali kasen-fakamin weng ma bokoyi namti, God ata taba-lom angtiil yol kup-nak o, yakan-kaam-salale, kulu awon kakaruk aalap namti naan-tabamnale,

Matyu 5:44

Lale, nata weng kusnum ma kaata bokoyokomi. Kemin, weng san iliwa! Kibi waasi imi aket kaata kukaayim-bamdiple, dok kanolin tunum kaata ma ibi kukup mafak kaa kukaayimba kalip namti, ibi beten kaa kamaan-biliwa, God akal dong dakaalak o.

Aposel 2:26

Kemin, nami aket tem uyo tambal ma kep-nula, fiyaap duu-bamdi, bii kaali, nali utamiya, Nali taanokomi. Lale, asuk tam tiinokomi kala kalalila, aket balili-kup kalbi kemin,

Pol ata Rom kaptam-ami sukon dola kuyinsa kaata ko 3:14

suunkup wiis-saanin weng so, weng mafak atul-kup tabin so, kiiyo, aptum kusal imi weng bakayim-bamdiple,

1Korin 11:7

God ali tunum ami dabom kemin, tunum kaa ilim kaal kaa kuluu dabom kaa katiila lotu kaa ke-mokoma disa. Kemin, kaami miit kaali, God alalta taba-lom tunum kaa dap-talalulaya, ata tiltam God alaltap kelale, Kraist ata nami dabom o, kala-lom kukuyalala kawu unang tunum iyo atam-ilomdip God ami win uyo kufolum o, kalokomip. Lale, unang uyo imak ata nami dabom o, kala kukuyulala kawu unang tunum iyo utam-ilomdip, imakim ami win uyo kufolum o, kalokomip. Kemin, unang uyo ilim kaal kaa kuluu ulmi dabom kaa katiimin o.

Efesis 1:3

God ali numi Kamokim Yesus Kraist ami God ale, almi aalap kemin, God ali Kraist ami sikil diim kawu mafek mafek tambal alik iyo kuyila, numi aket fukunin uyo dong dakaaya-laaba no, kalaluwa kemin, God ami win ayo kufon-bam ami tong-kup bakamum o, kala-somya ko.

Jems 1:27

Aatumen God ayo kalok nolin tunum kaata atama yi, Kaali atin fan Kristen kesa kala kalokoma ni? Kulaa ye? Man bon aye, unang kaluun aa, iyo fiit-bam tal-unebip iyo dong dakaya-tal-une-bamda, kukup mafak taba-lomdu dap-mafak-daalon o, kalbu uyo akal titil-foko tituun-kup ke-bam ilin tunum ata te!

Jems 3:10

God ami win kufumin so, nak-tunum kusal imi weng mafak bakayin so, iyo bon tem maakup kawu liip tiltam talen-umbip. Kemin, nimi nak-tunum kusal kipyo, kanumin kukup kaa kanumin daa yo.

1Pita 1:3

God ali numi Kamokim Yesus Kraist ami God ale, ali almi Aalap kemin, ami tong kaata-kup baka-bam ami win kaata-kup kufolum o. Umi miit kabak-ali dok kata naa kalolip: Yesus Kraist ami taanala God ata dafola tam tiinse umi tem kabangu God ali numi olenin dukum uyo kuya-lomda dotu-yimula tiltam alokso tunum unang ke-sulup. Kemin, nuli kabak-ata utamupla yi, Suunkup ilin tunum unang ke-sulup kala kalalupla, Kamokim ami liip kaali, fen-tabasup te!