Jems 3:6 - Tifal

⁶ Kemin, tunum numi bon tem weng bakamin kaakal wing tukung kiinbu ultap kemin, bon tem kaali tunum numi angtiil anung kemin bomdula, numi kukup mafak mafak kutaltam fatap-daka-buluya, numi angtiil ayo ku-mafak-dakan-umbu. Kanolin kukup uyo Tunum Mafakim Setaan ata tikiin kuyak daalin tap ke-balaya, tiltam taba-lomdu nuso, naktum kusal kiiso, alik maakup as fuulin tap ken-umbu.

Jems 3:6 Iomraidhean Croise

Matyu 12:24

Falosi iyo weng san isiik bokolip: Sinik mafak imi kamokim Belsebul o, kala Setaan ayo Yesus ami diim kawu bomdala, dong dakaan-balala, kaami unang tunum sinik mafak ta yim-buusu ata fotabe-bala kemin, yak banebip o, iyo kemip.

Matyu 5:22

Lale, nata weng kusnum ma bokolokomi kemin, weng san-iliwa! Dok nolin tunum ata ap-tunum ami aket atul kola namti, ali ap-tunum ayo dibii din kamokim ami diim daala kot ke-mokoma kemin, ibi kaa kanumin dinim o. Kano tunum kanta aptum ami weng mafak ma kola namti, almi kukup mafak kanuba uta dibii yang kot dukum diim daaluya, im-bak saanin tunum ata taba-lomda dabak molokoma no. Kemin, ibi kabak kanumin dinim kayi! Kuno tunum kaa kanta aptum ami bokola-lomda: Kabi ti fuut tabin tunum o, aka namti, God ata ali dabaala din as mafak suunkup ti kano kiinin-kup ilin abip unoma. Kemin, kibi kaa kanumin daa yo.

Mak ata Yesus ami sang dolsa kaami sang kaata ko 7:15

God ami tiin diim kawu, tunum ayo ma sikil ninak soyim aye, mafek mafek, Awem o, kala-laabip aye, uyo inamna daak almi mat tem unokomu kaata taba-lom dap-mafak-daalokomu disa; kata, tunum ayo aket mafak fukun-bamda, kukup mafak ke-mokoma kaata ti dap-mafak-daalokomu.

Luk ata Yesus ami sang dolsa kaata ko 16:24

Tiin kawang-bomda bung soyap ke-bomda biisa ayo naan-taba-lomda boko-lom: Nalmi awaalik Abraham kapyo! Nali as dawang tem diin-bomdila, nami angtiil ayo kiin tal faal-faal-balala, angtiil yol dukum ayo kamap-na talababa kemin, olen-daap-na-lomdap, kabi Lasarus kulaa dabaalap tal-ilomda sikil diil diim ok katip ma kulii-tal-ilomda, kuyak nami falang kiin-bokoba kulaa abop-na diis-nak o, ke-bamda naan daalale,

Aposel 20:30

Kemin, kaltipni iipyak tem kulu tunum malo ma kiita taba-lomdip, Kristen iyo foko kutal-dang-daalupya, numi daang bakaaliwa yo, kala-lomdip, kasen-fakamin weng bakayim-bilip, kulaa yang banokomip. Kemin ale,

Aposel 5:3

Pita ayo Ananayas ami bokola ko: Kabi, kanamin o, kala Setaan ami kambolap, ata kapni aket tem ayo ku-mafak-daap-tala, bokon kaami sisol anung kaa ku kaltapni am kawu kuwaalapla, God ami Sinik Tambal kaa kasen-fokolap yoko?

Aposel 6:13

tunum kusnum malo ma iyo foko-kutal-tii keliwa, ita kasen-fokola-lomdip: Tunum kalawaali ti suunkup baka-bamda: Mep kipni lotu am diilim kaasole, sawaalak God ami Lo Moses kola dolsa so, kiili mafak o, kal-bom ale, aa boko-lom:

Taitus 1:11

Kemin, kiili kukuyikin dinim kaata la, iyo kano kukuyim-bamdipla kabaku tuumon kaami aket kaata-kup yelu fukun-bamdipla kaa kukuyin-bam tuumon dakayum o, kala tunum alimal iip maakup maakup God ami lak dakamin kaali, ku-mafak-dakayin-bam ken-umbip. Kemin, kabi imi weng bakabip kaali, weng titil tabin kaata-kup bakayim-balapla, duluuma bomdipla yo, kala-somla ko.

Jems 2:7

God ayo Kraist ami win tambal kaata numi kuyinsa. Yale, mafek mafek soyal itale, ami win kaa ku-mafak-daa atafiimin weng so, balopmin weng so, kiita bakan-tabasip ko.

Jems 3:7

Tunum iyo alik kanumin kanumin saak olti, nuuk, awon, inap, yol ok kumun tem kaami mafek mafek kiiso, alik fakabi kulii-tal tiin molamip. Aa, kamala kulaakal kanu-bamdip tiin saanbip. Lale,

2Pita 3:3

Kemin, nali kamosinim kaa ibi kuu utamdipla yo, kalbi, am ma daanula, Yesus Kraist ami asuk tolon o, kalokoma uyo aban-fakalin tunum isiik tal-ilomdip ilmi aket fukunin mafak kaata-kup weng mafak uyo kanola bakaan-bam ale,

3Jon 1:10

din uni namti, ami kanum tabasa kaali, ku-fatap-daalokomi. Kemin, ali iboko-lomda numi weng mafak bakaya-tal-unen-umba kaata-kup daa; ali Kraist ami unang tunum fatal talemin kii ti, Yaap ke tilip o yakan-kaamin dinim ke-bamdale, tunum unang yaap ke tilip o kala yim-tam am daalum o, kebip iyo daa yo kalale, kuno keyiple boko-lomda: Ibi kap-tunum kusal Kristen unang tunum imi iipyak tem kaa kamboyilalip unin aa! yakan-kaa-bam kem-yaaba ko.

Revelesin 12:9

God ami ensel Maikel nikil iyo taba-lomdip Makalim nikil iyo alik yan-buk-duu yim-baalip tildaak tawaal diim tilip ko. Makalim tunum mafak ali sawaayak God ami waasi kela-bomda, weng mafak bakaan-bam ke-bisa. Kemin, ami win kaa Setaan ata taba-lomdala, tawaal diim kayaak unang tunum iyo kasen-fakayim-balaya, alik iyo ami weng kaata-kup weng san-kaa-bamdip ban wakan-yaabip o.

Revelesin 13:14

God ali kano tiin-kup ata-bom-balaya, tawaal tem kayaak saak wolti ayo kanolin mirakel ayo yol ok kumun kayaak saak wolti ami tiin diim kawu kanu-bamdala, ami tem kabangu tawaal diim kasel imi waka-taka-bam kasen-fakayim-bamda; Yol ok kumun kayaak ayo wan kong tup aalip mepso taanakin. Lale, asuk tam tiinse, kibi as fuk-duu-lom taa kutii-lomdip, yol ok kumun kayaak ami sinik tii-lomdipla, Kulaa numi god o, kala lotu kamaalin aa! kalala,

Revelesin 18:23

Aa, Babilon kaptam ilaam dawang ma iilfo-bulula, uta-mokomip disa. Kaptam kayaak imi tunum unang kuluula, unang tunum dabuulu kelipla, fiyaap duubip kala, kalalip ma itam-ilom weng sanokomip disa. Atin malaneng dinim ke-lokomu te! Kanola Babilon kaptam-ami bisnis kemin tunum ili, moni umi titil diim kawu bomdipla, am bokon dik-daa kulaasu kalaami tunum ili kabaak banip keyinsip. Kemin, Babilon kasel ili kasen-fakamin kukup kaata nuu-bamdiwa, tawaal dik-daa kulaasu kaami unang tunum imi aket uyo dong dokoyula, liip tambal uyo kela yang wiis liip aba Babilon kasel imi kukup mafak kaata kemsip o, kala ensel ayo kanum bakama.

Revelesin 19:20

Kraist ayo hos daang kun diim tiinba kemin, ayo taba yol ok kumun kayaak saak wolti ami dap-tal-fuku sok de-yimula kuno tawaal diim kayaak sinik mafak ami, Nata profet keli kawo! kala kasen-fakaya-yaaba ayo dap-tal-fuku sok deyimula alep iyo saaknin disa bom-ilip yim-baala umbalaak suunkup as kiin-bam laaba kaami tem kabaak banip. Suunkup kiin-bam ilin kuuli, tuum umi mamin manga-lomdu, mamin dukum miyaan falang ke-laabu tap ke-lom, kabaaku suunkup as kiin-bam tang mafak awon win butup kaami ninin tap-kup kuyak dakamu kemin, kaami iipyak tem kabaaku ilokomip o. Ibakamin profet ayo yol ok kumun tem saak wolti ami ok tabuulin tunum ata mirakel o, kala kukup kusnum akal alik akal alik ayo kanu-bam, kasen-fakayin weng ayo bakayim-bam ke-balaya, tunum unang yaapkan ili ami weng kaata weng san-kaa-bam ale, tituun liip ayo kambola yang wiis liip aba ban kemip kemin, yol ok kumun tem kayaak saak wolti ami namba yo, kala win faldak kulu tiisu uyo imi dabal kun diim kawu dola-silip ami sinik talalu kutiisip kaami fiyaap kaata tabe-bam ale, aman dakaansip.