Jems 3:2 - Tifal

² Alik numi kukup uyo maaklo kuyak-tini kutalak-tini-kemin kanola tunum ma weng kuyak-tini kutalak-tini-kemin weng uyo bakamin dinim kema namti, ali tituun-kup tabin tunum kemin, almi angtiil uyo tambal-kup tiin mo-bomda kanuba.

Jems 3:2 Iomraidhean Croise

Matyu 12:34

Ultap, kemin ale, Nuli tunum kii itamupla, dok nolin dok nolin kukup kiita kanun-yaabip kalup kulaa nokol utamupla, imi aket fukunin uyo kanolin kaata utamdula kemin, kaa kanun-umbip kalokomup. Tunum tambal ili aket fukunin tambal so ili ti kukup tambal-kup nuu-bam ale, weng tambal-kup baka-bam ken-umbip. Ale, tunum mafak itale, aket fukunin mafak-kup nuu-bam, weng mafak baka-bam, kukup mafak-kup kem-yaabip. Kemin, Falosi ibi ti aket mafak-kup fukun-umbip. Kemin, ibi taang-kala nami ok sang uyo tambal ma bokolokomip dinim o. Ibi inap mafak ta kiil daang tup tunum unang imi yam-mafak-dakan-umba ultap ke, iltipni weng mafak kaata baka-bamdiwa, unang tunum iyo yam-mafak-dakan-tabasip ko.

Matyu 12:37

Kanola God ali kipni weng, weng sanokoma uyo, malo ma ipni bokoya-lomda: Ibi ti kukup tambal nuumsip kayi! kala-lomda im-tama tam almi abip daalokoma. Ale, malo ma kipta bokoya-lomda: Yi, ibi kukup mafak num-tabasip te! yak-alomda im-baala yang abip mafak unip keyokoma no, kala Yesus ayo Falosi imi kanum bakayila ko.

Pol ata Rom kaptam-ami sukon dola kuyinsa kaata ko 3:10

Kemin, God ami Sukon Tem kaami sang kaa boko-lomda: Tunum God ami tiin diim kaali ma atin tituun-kup tabasa kaa, ma bombe disa; le

Pol ata Rom kaptam-ami sukon dola kuyinsa kaata ko 7:21

Nali utamila, Kalanolin kukup kalawuuli nami diim kawu bombuu kemin, nali kukup tangbal uyo kutal-fukulami no, kalbi. Lale, kukup mafak kuuta taba-lomdu nami liip kaayo, kutii-bom laabu no, ken-umbi.

1Korin 9:27

Kemin, misii nali God ami weng tambal kaali, tunum kusnum imi-kup kukaayinsile, ilom nalmi daak abokomi kaali mafak o, kalaliya kanun-umbi. Kemin, ti nalmi aket fukunbi kaali ti, yaan sikil uyo atin nalmi aket fukun-bamdi kaata kanolak o, kalbi kaata-kup kemuk o, kal-bomdila nalmi titil kaata-kup kanum tabasi no.

Galesia 3:22

Kemin, God ami Sukon Tem kabak-ali boko-lomdu: Ban kemin uta taba-lomdu unang tunum iyo alik sok de-yumulin tap kesu no, kalsu. Kemin, God ami aket fukunin uyo, Ban kemin kuuta kuno kewiya uta taba-lomdu, kiili sok de-yumulin tap keluya, imi aket awak dukum uyo fukun-ilomdiwa kawu, nami man Yesus Kraist ami lak uyo duu-lomdiwa yo! Sawaayak kawu nami lak duulin unang tunum imi weng uyo kuya-lomdi, Kanolokomi no, kalasii uyo kuluulin o, kala-ilomdaya, ban kemin uyo kuno kambowaya uta taba-lomdu sok de-yim-tiilin tap kesu ko.

Galesia 5:17

Kemin, nulmi siin kaami aket fukunin ali akal almi boko-lomda: Yak kaata kanuman o, tildak kaata kanuman o ke-balale, aa God ami Sinik ali akal almi ma boko-lomda: E, e, yak kaata kanuman o, tildak kalaata kanuman o ke-bala, ken-umbip. Kemin, alep kiita taba-lom waasi kela una-tala-ke-biliwa kemin, kabi yak kukup tambal kaata-kup kutal-fukulon o kebap kaa, taang-kala yak fukulamap dinim ken-umbap.

Kolosi 1:28

Numi aket fukunin kaali, Unang tunum iyo tal aba tam Kraist ami unang tunum ke-silip imi dong dakaayin-bulupla, alik tiltam Kraist ami aket kola-laamin kaali, dukum-alom tiiknu keliwa kawu, yim-tama tiltam God ami tiin diim kawu daaluwa yo, kalalupla, unang tunum alik iyo Kraist ami sang uyo kukaayin-bamdupla, yak kaal-ke-laamin yakal ilmi miit ma ma iyo kukuyin-bam ale, bokoya-lomdup: Ibi yak ma kuuta kanumin ale, yak ma kuuta kanumin disa kayi! yakan-kaa-bam ken-unbup. Kemin,

Kolosi 4:12

Kemin, Epafras akal kuno weng uyo umuuya kela kemin, akal ti, iltipni tunum. Akal Yesus Kraist ami ok fukulin tunum ibi suunkup dong dakaayin-bam ale, God ayo dukum-kup beten-kamaalin-kup ke-bamdaya, Aatumen God kabi mep unang tunum kiili dong dakaayilapla, kiimi kapni lak duu-yaamin uyo dukum-alomdu man tiltam fusuu-yaabip tap ke, titil-foko-lomdip imi aket tem aye, uyo titil-foko-lomdipla, God kapta, Kaata kanumin o, kalbap uyo utam kuluu-lomdiwa yo, kal-bomda beten kamayila-tabasa ko.

Jems 1:26

Kanola tunum ali ma aket fukun-ilomda: Nali Kristen tambal aa, nali ti fan, God ami lotu kamaala-yaabi no kalokoma. Lale, ami weng uyo talalu aket fukun-bamda bokolokoma disa; ap-tunum kusal imi itafiimin weng baka-bamdala, nali yaap kepnula, tambal-kup kanubi no, kalokoma. Yale, ami aket fukunin kaa mafak kemin kaami God ami lak dakaamin ami lotu kemin so kula disa yo.

Jems 1:4

Ibi suunkup titil-fak-daa-lomdip balili-kalin kukup uyo fuku-bom um-kukun-una-bilip umbutoop iltipni kukup alik disa keyuluya, God ami kukup tambal uyo uktiiwa-yaamin dinim, atin ti tiknu keyilaya, ibi tambal-kup kelin o, kala-somla ko.

Jems 2:10

Tunum ma ayo weng awem kutiimin Lo yo, kalbip uyo, alik titil-foko-lom kutal-fuku-unokoma. Lale, Lo maakup ma uta lola namti, kulaali ti Lo alik duulmin kaami uluum namti kulu kuluula no.

1Pita 3:10

God ami Sukon Tem kabak-ali kanola boko-lomdu: Kanola, unang tunum ili imi aket uyo tiltam tangbal ma ke-lom abiin tangbal-kup tiin-bom fiyaap duumum o kalip namti, kii ap-tunum kusal iyo weng mafak bakayin-bam ale, disa kasen-fakamin weng bakayin-bam kemin disa yo.

1Pita 5:10

God ali suunkup nuli kukup tambal-kup kukaayin-bam laaba kemin, ali taba-lomda ibi Kraist ami diim kawu fep-nip kala, kala-lom, naan-daaya, tildang nami miit tem suunkup ilin o, kalalaya, ibi naan-daayase. Kemin, ipni angtiil yol kulu laap dakan yak aba toop iip kulu uniwa kawu, God alta kipni kukup so, aket fukunin so, kiiyo atin dotu kutiiya-lomda, kipni fanang-saanin so, Kraist ami lak dakamin so, iyo yam-titil-dii kelala, titil-fokolokomip.