Jems 3:10 - Tifal

¹⁰ God ami win kufumin so, nak-tunum kusal imi weng mafak bakayin so, iyo bon tem maakup kawu liip tiltam talen-umbip. Kemin, nimi nak-tunum kusal kipyo, kanumin kukup kaa kanumin daa yo.

Jems 3:10 Iomraidhean Croise

Pol ata Rom kaptam-ami sukon dola kuyinsa kaata ko 12:14

Kemin, tunum kiili taba-lomdip ibi yam-mafak-dakamip namti, ibi God ami aman-dakaan-bamdip mep kiimi yam-mafak-daalan o kemin disa; kiili ti tambal-kup dong dokoyan o kal-bomdipla, beten kaata-kup kamaayokomip.

1Korin 3:3

Kabak-ami miit kaayo, ibi siin kaami kukup mafak kaata kutal-fuku-bomdip aptum kusal aket mafak kukuyin kukup aye, weng aal dikimin aye, kaa kipni diim kawu bombuu. Kemin, kanolin kukup kaa kanubip kaali, siin kaami kukup namti kabuule, tawaal diim kalawaami kukup namti kaa bombuu.

1Timoti 5:13

Kemin, kukup ma kalaakal kanu-bam ke-mokomu kaa, daal tabemin kaami kukup kaata, kulii yak ma imi am am kawu tal-une-bamdu ma imi yam kaata-kup fen yakyak ke-bam daal tabin unang ke-lokomip disa ma ma imi weng bakan-tilip kaata, itam-ilomdu weng de kulii-unemin, ma imi weng yukut kulii-din weng falala kuyak-tini-kutal-tini-ke-bam ale, weng mafak disa ukol ulmi miit ma ma kaata kuka-daa, baka-bam ke-mokomu.

Jems 1:16

Atin nalmi nak-tunum kusal kipyo! God ali kukup mafak aye, mafek mafek mafak aa, kii ma kukaayila-yaaba nema? Disa! Ti ipkal fanang daatamin!

Jems 1:19

Nalami nak-tunum kusal kipyo! Ibi dotu weng selin! Ibi abiltap weng bakamin daa; duluum-alom kap-tunum kusal imi weng uyo alik weng san-somdiwa yo. Tunum kaami aket atul ke-lokoma kaa dong dokolala, God ami kukup tambal kaa kuluu-lom titil-fokolokoma dinim; kemin, ibi abiltap-siik aket atul tabemin daa yo.

Jems 3:1

Nimi duuk afin kipyo, utamsup kemin, am ma daanokomu uyo God ayo Kristen imi kukuyin tunum nuta dukum-kup yam-kuku-bam yim-bak-saanokoma. Kristen kusnum ita akolkup yam-kuku-bam yim-bak-saanokoma. Kemin, tunum yaapkan ibi kukuyin tunum kemin disa yo, kala-somla ko.

Jems 3:11

Ok ami kukup ayo ok afun kabaak-ali ok tambal so, yol ok so, iyo kuyaku-lom tiltam taba-yaabip disa.

Jems 3:9

Kemin, numi bon tem uyo ti Aatumen God ami win kaata kufubup. La, kamasi God ami tunum talalu-yimusa kiili, alaltap dotusa. Yale, nak-tunum kusal iyo weng mafak bakayin-bam ken-yaabup.

1Pita 3:9

Kanola tunum iyo ma kipni kukup mafak kukaayin-bam aa, weng mafak bakayim-bam kemip namti, ibi imi kukup kanubip kaata kuluu-lomdip, weng anung kaa, til-dakamin disa. Kipta taba-lom kalanolin kukup tambal kalawaata kuluu-lomdip, maan tiiyokomip. Ipta God ami beten kamaan-bilipla, ata kukup tambal uyo tunum imi kukaayin-bam, dong dakaayin-balala yo, kala-somla ko. Umi miit kabak-ali God ali, Ibi kanolin beten kaata kemin o, kala, ulelsa. Kanolin kemin, ibi kanumin kukup kaali, kutal-fuku bom-biliwa, kukup tambal kaata ipni kukaayin-bala yo.