Jems 2:7 - Tifal

⁷ God ayo Kraist ami win tambal kaata numi kuyinsa. Yale, mafek mafek soyal itale, ami win kaa ku-mafak-daa atafiimin weng so, balopmin weng so, kiita bakan-tabasip ko.

Jems 2:7 Iomraidhean Croise

Matyu 1:23

Kemin, sawaayak kaali boko-lomda: Ti kaa utamin! Bii am ma daanula unang ma, tunum so ma sin-laamin disa, bom-ilomdula kawu, man kum-alomdu man tunum kemin, man duulokomu kaami win kaa Emanuel o, akokomip o, kalala kanum bokosa. Kemin, win kabak-ami miit kaali, God ayo nuso bombe no, kalsu ko.

Matyu 12:24

Falosi iyo weng san isiik bokolip: Sinik mafak imi kamokim Belsebul o, kala Setaan ayo Yesus ami diim kawu bomdala, dong dakaan-balala, kaami unang tunum sinik mafak ta yim-buusu ata fotabe-bala kemin, yak banebip o, iyo kemip.

Matyu 27:63

Kamokim a! Yesus ibakamin tunum ayo saaknin disa ilomdala kawu boko-lomda: Bii nelip saak-nokomi kaali, bom bii am asuumano keliya, asuk tam tiinokomi no, kalase. Kemin, ami weng kaa bokose kabak-ali ti aket dukum fukunbup. Kemin,

Aposel 11:26

dap-tama tal Antiok tala, alep iyo Yesus aket konsip unang tunum yaapkan imi bakayim-bam bom bii, wasital maakup duk-duuliple, kamosinim kaa Antiok kasel unang tunum isiik weng kufo: Yesus almi daang bakaalin unang tunum Kristen o, kala-silip ko.

Aposel 15:17

Kemin kano-lomdi, Juda kasel kiita-kup disa; tunum kusnum kusnum aye, tunum miit kusnum ma nami no, kala ulelsi ita, Dukum nami fen-bam nitamin o, kalaliya kanolokomi kayi! kala-lomda,

Aposel 26:11

nali suunkup lotu am maakup maakup iyo din tal-une-bamdi, iyo kanuyin-biliya, boko-lomdip: Yesus kaa, God ata dabaala tilin disa; kulaa alta disa kulu talse. Kemin, kelin o! kala-lomdi, nayo imi aket atul-kup kukaayim-bamdi, kukup mafak ayo kukaayila-tal-une-biliya, iyo sak funbi bilin abip dukum samaan samaan unip ayo dikiya-tal-une-bisi no, kala Pol ayo King Agripa ami kanum bakala ko.

Aposel 4:12

Yesus maakup ata-kup taba-lomda numi ban kemin ayo kukan-tii kamboyilala, angtiil yol kaa ma kuluulokomup dinim; yaap-kup ke-lokomup. God ali tunum kusnum ata ma tawaal diim kaldaaku bomdala nuyo dong dokoya yaap-nokomup umi sang kaa, nuli ma bokoyinsa disa yo, kala Pita ayo kamok kamok imi kanum bokoyilaya,

Efesis 3:15

Abiil tikiin kasel alik iso, tawaal diim kasel alik nuso, nuli akal almi tunum miit kusnum e, kela kela ke-sulup. Yale, Aatumen God ayo alik numi miit kayaak kemin, ali kaa bombe. Kemin,

1Pita 4:16

Kapni Kristen ke-salap kaami kalan kaata, angtiil yol kukaap-tip namti, kabi kuuli fatom dakamin disa; ti fiyaap-kup duu-bom, God ami yaap ke yo, akan-kaa-bam ale, kayak kayak iyo titamiwa yi! Ali Kristen kemin, angtiil yol kuluulak o, kebip kala kal-bomdawa, angtiil yol kaa, daka-balapla yo, kala-somla ko.

Revelesin 19:13

Yale, ami win unang tunum imi utamsip kaali ti, God ami Weng o, kala Kraist ali le, waasi imi kiim kaata ami ilim kaa kiim til daalin kaata miki una-balaya,

Revelesin 19:16

Ami ilim diim so, ingkun diim so, uyo dola boko-lom: Kalawaali kamok kamok-miin alik imi kamokim ke-som ale, ali tunum dukum dukum imi kamokim diildiil o, kala-lom dolsip.