Jems 1:9 - Tifal

⁹ Tunum Kristen kesa ayo iip kulu ilin bafinim ila namti, ali utama yi, God ami tiin diim kawu nali win so kesi no, kalalala, fiyaap duumak o.

Jems 1:9 Iomraidhean Croise

Luk ata Yesus ami sang dolsa kaata ko 1:52

Kemin, God ayo taba-lom tawaal diim kaldaak-ami tunum win tibin iyo yam-baak tabiile aa, tawaal diim kaldaak-ami win dinim tunum ita yim-buu yim-fosa no.

Luk ata Yesus ami sang dolsa kaata ko 10:20

Kemin, sinik mafak ili kipni weng kaa, weng san kutal-fukulin kala, kalale, ibi fiyaap duubip. Lale, kuluuli katipkan ale, mafek mafek sakbaalim dukum namti kala bombuu: ibi tal God ami miit tem tiliwale, God alalta kipni win kiili, alami Sukon Tem kabaku dola kuyak daayase. Kemin, kabak-ami fiyaap kaata duumalip te!

Luk ata Yesus ami sang dolsa kaata ko 14:11

Kanolin altap kemin, dok kanolin tunum kaata almi win kaali, kufuuma namti, God ali dabaala kulaak banokoma le, dok kanolin tunum kaata almi win ayo kufuumin disa kema namti, God ata mep tunum kaami win kaa kufolala, win soyap ke-lokoma kayi! kala, Yesus ayo kanum bakaya ko.

Pol ata Rom kaptam-ami sukon dola kuyinsa kaata ko 8:17

Kemin ale, nuli God ami man ke-sulup kemin, kaata kuno am ma daanokoma kaali, Atok ami mafek mafek dotuu kutiiyinsa kaayo, almi sikil diim kuluulokomup kaali, Kraist aso nikil maakup kuyaku-diyaku-ke-lomduwa kuluulokomup. Lale, kamala kala bom-bulup ayo utamum: Nuli Kraist ami siin angtiil yol kuluuse tap ke angtiil yol kaamup namti, kabaku am ma daanokomu kawu, abiil tikiin God ami tiin diim kaali, Kraist alaltap ke nuli win soyal kele, God ami mafek mafek tangbal iyo kuluu kelakin o.

2Korin 6:10

Kanola nikil nuli aket uluum uyo kuluu-yaabup. Yale, nuli kuluu utam-kewa-bomdup, suunkup God ami fiyaap-kup duu-bamdup; tunum iwaan kebup. Katale, nuyo God ami mafek mafek tambal tambal kiili, unang tunum yaapkan imi kukaayin-bamduple; nuli tawaal diim kalawiimi mafek mafek iyo disa kebip. Katale, nuli God ami mafek mafek yaapkan kiili, fuku-bam kem-tabasup o.

Filipai 3:14

Bi-lom kaptoowu God ayo Yesus Kraist ami win diim o, kala naan daap-na tam unokomi kaali, kapsiik e? naasiik e? kelip ata ata ke maan kukaayin ultap ke, nali maak fak-daalin tap bina bilin fan kaamin baan diim abamni le, maan kup-nak o, kalaliya, tituun-kup tola-bomdi abiltap unabi ko.

Filipai 3:3

God ami Sinik ata numi dong dokoyilaya, God ami beten kamaan-bamduple, Yesus Kraist ami fiyaap ayo don-bam ale, ami tong kaata-kup bakaan-bam ale, ami win kufon-bam kem-tabasup. Kemin, nulta-kup God ami lak kaa duu-sulup te; ili disa. Ili ipnaal ukan-tiimin so, kukup ma so ultap uyo aket kuyak ami diim kawu daa-silip.

1Pita 2:9

Weng kaa, sawaayak kawu, God ami Israel unang tunum imi kuyinsa kaata, asuk kamala ipsiik kuyimba. Kemin, God ali ibi ulelnala, tiltam God almi unang tunum keliwale, kuno God almi awem tunum ililtap ke-lomdip, nulmi King Yesus Kraist ami win kaata kufon-bam ale, kibi unang tunum miit maakup tap keliwa, maakup almi lak-kup duulipla, ayo ulelnala tiltam almi unang tunum alik-daap ke-silip. God ami kipni ulelsa kabak-ami miit kaali, alik ibi kukup tambal God ata kipni kukaayinsa ami sang kaata, unang tunum imi bakayila-tal-unemin o, kalalaya, God ayo ibi ulelase te! God ata ipyo naan-daayila, kutamiip tem kabang kelalip tildang tilipla, alta yim-tama tiltam almi falala-kalin tambal diim kaa daase.

Revelesin 2:9

Nali kalok nolin mafek mafek mafak kaali tal kipni diim aben-umbu so, aa kipni tawaal diim mafek mafek dulu iiwa-laabip so, kulaa utamsi. Yale, ibi God ami mafek mafek soyal te! Ale, mep Juda kayaak malo ma baka-bamdip: Juda kayaak nuli God almi tunum alik o, kem-yaabip. Yale, kiili fan God almi tunum disa; Ibi Setaan ami tunum ita te! Kii Kristen ipni ibakayim-bam kipni win kaa ku-mafak-dakaya-tabasip kuluuli, utamsi.