2Korin 4:1 - Tifal

¹ Nikil nuli utamupla, Nuli God ami waasi unang tunum la, God ata aket balili-kalin uyo kuya-lomda, nuli ulela yim-tii dong dokoyila bom-balaya, ami aket balili-kalin diim kawu, okok kebup o, kalbup. Kemin, mafek mafek mafak tiltam numi diim abebu kaali, nuli titil-foko talabup.

2Korin 4:1 Iomraidhean Croise

Luk ata Yesus ami sang dolsa kaata ko 18:1

Ayo almi daang bakaalin tunum imi bokoyilala, daal tabe-bam God ami beten kemin uyo kuno kela-som kemin disa; suunkup ti kanu-biliwa, God ayo imi beten weng kaali, akal maan tiiyilama no, kala-lomda ayo faldak-tiimin weng ma bakayila ko.

1Korin 3:5

Kemin, ipyo aket kabak talalu fanang daalin! Kipni aket fukunbip kaa, Apolos kaa kawanta ni? kal-bom ale, Pol ni kanta no? kal-bomdipla, malo iyo bak-daa kulii yak ma ami tem una, malo ma iyo bak-daa kulii tildak nami tem kaldak ba tala kebip i? Alep nuli dakat tam banin tunum disa. Alep nuli God ami okok kemin tunum nuta kemin, Kamokim ata alep numi ok kaa kuya-kuya-kelaya, ok kalawaali fuku-bomla ipni dong dakaayin-bulupla, Yesus ami lak kaa duu-silip.

1Korin 7:25

Ibi unang sii tunum ket imi sang kaata dik-daap-na-lomdip, sukon kala dola kup-nambip. Kemin, Kamokim Yesus ali kanolin kaami sang kaali, ma bokosa dinim, kalalila, nalmi aket fukunbi kaata kuluu bokoyon o, kali kemin, Kamokim Dukum ata olen-daap-na-lomdala, talalu-nam-tiilaya tiltam bomdi iyo weng bakayim-biliya, Kristen unang tunum ili nami weng bakabi kaami fiyaap uyo duu-bam iyo kutal-fukusip. Kemin, ibi weng san iliwa.

2Korin 3:12

Kemin, nikil nuli fan utamuwa yi, God ami alokso weng kutiiyase kaali, suun amiit weng uu, kalaluwa kuwakan-umbup disa; God ami alokso weng uyo unang tunum kii fatap-kup bakayila-tabasup.

2Korin 3:6

Nuli God almi kalaan tunum kemin, God alalta numi dong dokoya-lom ami titil kaata kuya-lomda yim-baala tal-sulup. Kemin, nuli ami kama weng kuka-daasa kaata, unang tunum imi kukaayin o, kala-lomda yim-baala tal-sulup. Kemin, siin sawaayak kawu, God ami weng kutiiyinsa uyo, Moses ami kola, akal kulii-tal Israel unang tunum imi kuyinsa. Lale, ili talalu kutal-fukulin disa ke, taan-ilom maaklo kesip. Katale, God ami alokso weng akal almi kusnum ma asuk kutiiyase kaata, kulii-tal kuya-sulup kaali, boko-lomda: God ami Sinik dabaala tal unang tunum imi diim abamnaya, ata dong dakaayin-balaya, kama unang tunum ke-lom, God ayo kaata kanolin o, keba kaata-kup, kutal-fuku-bomdipla suunkup ilokomip o, kala God ami alokso weng uyo kanum bokosa no.

2Korin 4:16

Fan, God ata nuli yim-fola asuk tam tiinokomup kala, kalaluwa kemin, nikil nuli aket fuku-daaluwa, kaa fan angtiil yol kaa kuluu umtal-daa-laabup. Yale, God ami lak duu-sulup uyo kulaa-som aa, ami weng bakayinbup uyo kewa kelum o, kalbup disa; nuli ti suunkup unang sawol tunum sawol iltap ke-bomduwa, numi angtiil kun tem uyo titil dinim daklis-kup kalsip. Yale, God ali numi aket tem kaayo, talalu kutiiya, numi sinik ayo dong dakaayin-balaya, nuyo suunkup titil-foko-tabasup.

2Korin 5:18

Kamosinim kaa nuli God ami waasi kamaan-bam ilsup. Lale, God ali mafek mafek alik kiimi miit kayaakim kemin, almi aket fukunin kaata-kup, Kraist ayo dabaala taldaya, numi iliim boyalala, waasi ayo kambola-lomdup tiltam God aso, aket maakup keluple, God ayo almi waasi imi dong dokoya tiltam God aso, aket maakup kemin, kaami ok uyo numi kuyilaya, nuta ok kala tabuusup.

Galesia 6:9

Fan, ilom am ma daanokomu kabaku, God ali numi kukup kaami maan kaali, tiiyokoma. Kemin, nokol kukup tambal fuku ilin uyo daal-daal-kemin disa; nuli am lang uyo daal-daal-kemin disa kemup namti, ilom ima waan tiil-nokoma uyo inin-inin tambal-kup faka-mokomup.

Efesis 3:13

Kanolin kemin, aket uluum fakamin daa. Waasi iyo taba-lomdip nali kipni dong dakaaya-tabasi kaami kalan o, kala-lomdip, angtiil yol awak dukum uyo kukaap-ninbip. Lale, nimi angtiil yol kala kaabi kaami aket uyo ibi fukun-bam aket uluum fakamin daa; ti nimi kala dong dakaayin-bili, ipni titil-fak-dakabip kaami aket kaata-kup fukun-bamdip, fiyaap duu-bamdiwa yo, kala-somla ko.

Filipai 4:13

Kraist ata titil kup-na-lom dong dokop-nam-balaya kemin, ami titil diim kawu mafek mafek alik tangbal iyo kanu-mami no.

2Tesalonaika 3:13

Nulmi nak-tunum kusal alik kipyo. Ibi kukup tambal kutal-fukumin kabak-ali daal tabeyu kela-laamin daa; kaali ti kano suunkup fuku-biliwa yo.

Hibru 12:3

Ti ipkal, kabak talalu utamin. Sawaayak kaali, ban kemin tunum ita Yesus ayo atam suun-bamdip, saak weng mafak mafak so, angtiil yol so, uyo kukaan-biliwa, bom-bii-lomda atin yol dukum utamse. Yale, ali titil-foko sining-kala bom ilsa. Kemin, ipkal kaami aket uyo fukun-bamdiwa yi. Kipni aket tem kabak-ali mafak-yulula, daal tabemin daa;

1Pita 2:10

Kaali fan o. Siin kaali, ibi God ami unang tunum kelin disa; ibi ti disa kulu bom-bisip. La, kamala kulu tildang God ami unang tunum ke-silip. Sawaayak kawu, God ali ibi olen-yim-bisa disa. Yale, kamala kuluwaata, God ayo olen-yin-bam dong dakaayin-bam keba ko.

Revelesin 2:3

Kemin, mep tunum iyo ipni itamiwa yi, Kiili ti fan Yesus ami lak kaata duusip o, kala-lomdipla, iyo kukup mafak kaa kukaayimbip. Kata, ibi nami kukup tangbal uyo ma kuno kewinsip dinim; ibi duluma-bomdip titil-foko nami kukup uyo tabuu-bom kanun-umbip kala, kalali itamsi.