2Korin 1:2 - Tifal

² Nuli Aatumen God so, Kamokim Yesus Kraist aso, alim imi dik-dakaayin-bulup ita disa misiim kawu ibi tambal tambal ma kamayin-bilip, kipni aket tem ayo balili-kup kala bomdiwa yo, kebup o.

2Korin 1:2 Iomraidhean Croise

Pol ata Rom kaptam-ami sukon dola kuyinsa kaata ko 1:7

Abip dukum Rom kaptam bom-bilip ibi God ata taba-lom kipni aket kuya-lomda ibi yim-tiilala, tiltam almi unang tunum kesip. Kemin, sukon kalaali alik ipni dola kuyon o, kalalila kayi! Kemin, nali nulmi Atok God aso, Kamokim Yesus aso, alim iyo dik-dakaayin-bilila, ita disa masiim kawu, dong dakaayin-bilipla, kipni aket tem ayo bilili-kup kala bomdiwa yo!

1Korin 1:3

Nali nulmi Aatumen God aso, aa Kamokim Yesus Kraist aso, alim imi beten kamayin-bilila, alim ita taba-lom ibi kukup tambal tambal ma kamayin-biliwa, ipni aket tem uyo dak-diiba-bom bilili-kala bomdiwa yo.

2Korin 1:3

Nulmi Kamokim Yesus Kraist ami aalap God kaali, nuso maakup numi Atok kemin, ali numi olenin aket kaata kukaayila-yaaba kemin, numi aket uluum kuluulup ayo suunkup ata kipni dong dakaayilala, nuyo ami aket bilili-kalin diim kawu laabup kemin, nikil alimal nokol ti ami win kaata-kup kufon-bam yaap ke yo, akan-kaa-mokomup kaata ti tambal ma ke-lokoma no.

Galesia 6:16

Kemin, dok kanolin kipta kanolin aket kaata-kup kutal-fukulip namti, nali beten kamayin-bilila, God ali ibi ulduulala atin ti Israel tituun-kup tabin ke-silip namti kaa-bilip, ipni olen-daaya-lomda dong dakaayin-balaya, tiltam balili-kalin aket uyo kuluulin o kal-bomdiya beten kamayinbi ko.

Efesis 6:23

Aatumen God so, Kamokim Yesus Kraist aso, alim ita taba-lomdip ibi dong dokoyiliwa, atin ti nalami naktum kusal Kristen maakup ibi numi kayaak o, kala una-tala-ke-bamdiple, kap-tunum kusal imi aket-kup yelu kola-una-tala-ke-bamdip, iltipni aket uyo dukum-kup kuyak alim imi diim uyo fewa kelin o!

Filipai 1:2

Nili dik-dakaan-bilila, numi Aatumen God aso, Dukum Yesus Kraist aso, alim ita disa misiim kawu tambal tambal ma kamayiwa, ipyo aket balili-kup kala bom-bilip o.

1Tesalonaika 1:1

Nak-tunum kusal kaa laabip o. Pol nakal, Sailas, Timoti, nikil nuta sukon kala God ami unang tunum Tesalonaika abip kaptam bom-bilip kipni kulaayup din unokomu. Nuyo utamuwa yi, Numi Aatumen God aso, Kamokim Yesus Kraist aso, imi lak kaata dukum-kup duu-silip kala kala-somdupla, nuli naan-bam dik-daka-bulupla, God alalta taba-lomda ibi disa masiim kawu tambal ma kamayim-balaya, kipni aket tem uyo bilili-kup keya buluya bomdiwa yo, kalbup ko.

2Tesalonaika 1:2

nuli Atok God aso, Kamokim Yesus Kraist aso, alim imi dik-dakaayim-bulup, ita taba-bomdip ipni disa misiim kulu tambal tambal ma kamayim-bilip, kipni aket fukunin uyo bilili-kup keya-bulu yo, kem-tabasup ko.

Filemon 1:3

Kemin, numi Aatumen God aso, Kamokim Yesus Kraist aso, alim ita disa masiim ipni kukup tambal kaata-kup kukaayin-bilip, ipni aket tem kaali, balili-kup kala, bom-biliwa kayi!