Bìoball air-loidhne

Duilleag-dhachaigh
Bìoball air-loidhne
Thì-mô-thai Chhièn-sû 2:8

Thì-mô-thai Chhièn-sû 2:8 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

⁸ Chhai kok só-chhai ke chhi-fi, ngài hî-mong nàm-ngìn khià-tén sṳn-kiet ke sú lòi khì-tó, chhiòn mò fat-khién, ya mò phien-lun.

Faic an caibideil Dèan lethbhreac

dol air ais ⬆

Thì-mô-thai Chhièn-sû 2:8
48 Iomraidhean Croise

Lie̍t-vòng Ki-song 3:11

chhiu tui kì kóng: “Yîn-vi ngì mò vi chhṳ-kâ khiù chhòng-su, khiù chhòi-fu, ya-he khiù sêu-me̍t thi̍t-ngìn, fán-chón khiù ton sṳ-fî ke chṳ-fi, voi yung kûng-ngi chhṳ-lî ngìn-mìn,

Faic an caibideil

Yok-pak Ki 16:17

Chúng-he ngài pin-mò fam má-ke thai chhui; ngài ke khì-tó ya he sṳ̀n-sîm sṳ̍t-yi.

Faic an caibideil

Sṳ̂-phiên 134:2

Ngì-têu oi hiong sṳn-só khià-sú khì-tó; ngì-têu oi siung-chan Song-chú!

Faic an caibideil

Sṳ̂-phiên 141:2

Ngien ngài ke khì-tó chhiong sêu-hiông ke yên chhung-to Ngì mien-chhièn; ngien ngài khià-sú khì-tó, chhiong-he lìm-am-é hien ke chi.

Faic an caibideil

Sṳ̂-phiên 24:4

Chhiu-he sûng-sú chhîn-kiet, sîm-kôn chhiang-li, mò pai ngiéu-siong, fat-sṳ mò cho-ká ke ngìn.

Faic an caibideil

Sṳ̂-phiên 26:6

Song-chú â, ngài sé-sú lòi péu-mìn chhîn-pha̍k, yèn-heu chang tîn-tén Ngì ke chi-thàn lòi-hàng;

Faic an caibideil

Sṳ̂-phiên 28:2

Khiù Ngì thâng ngài ke khiù-ham lòi pông-chhu ngài! Ngài hiong Ngì ke chṳ-sṳn-só khià-sú khì-tó, ke-sṳ̀, khiù Ngì lìn-mén ngài, thâng ngài khién-khiù!

Faic an caibideil

Sṳ̂-phiên 35:13

Siên-chhièn, kì-têu pot-phiang ke sṳ̀, ngài chok mà-sâm péu-sṳ ôi-sông, ngài kim-sṳ̍t lòi khiet-khú chhṳ-kâ; ngài vi kì-têu khì-tó ke sṳ̀, thèu-nà lài-lài,

Faic an caibideil

Sṳ̂-phiên 63:4

Ngài yit-sên-ngìn lûng-chúng oi kám-chhia Ngì; ngài oi khià-hí sûng-sú tui Ngì khì-tó.

Faic an caibideil

Sṳ̂-phiên 66:18

Ngài na-he sîm fài chhui-ok, Chú yit-thin m̀ thâng ngài khiù.

Faic an caibideil

Chṳ̂m-ngièn 15:8

Song-chú chhin-nâu sià-ok ngìn ke hien-chi; Kì tông fôn-hí chṳn-chhṳ̍t ngìn ke khì-tó;

Faic an caibideil

Chṳ̂m-ngièn 21:27

Song-chú chhin-hen fái-ngìn ke hien-chi; hò-khóng kì chhùn fái-yi lòi-hien nè!

Faic an caibideil

Yî-soi-â Sû 1:15

“Ngì-têu khià-sú khì-tó, Ngài mò-oi khon; mò-lun ngì-têu khì-tó kí-tô, Ngài chhiòn-phu mò-oi thâng; yîn-vi ngì-têu sûng-sú hiet chit-chit.

Faic an caibideil

Mâ-thai 21:21

Yâ-sû en-kóng: “Ngài sṳ̍t-chhai lâu ngì-têu kóng, ngì-têu na-he yû sin-sîm, mò ngì-fù, ngài tui liá-thèu vù-fâ-kó-su só cho ke, ngì-têu ya cho-tet-tó. M̀ tân-chhiang án-ngiòng, ngì-têu chhiu-he tui liá-chho sân kóng: ‘Sái-khôi, lo̍k hói-tú hi!’ ya yit-thin voi sṳ̍t-hien.

Faic an caibideil

Mâ-thai 5:44

Chúng-he ngài lâu ngì-têu kóng, oi siak ngì-têu ke sù-thi̍t, vi pet-hoi ngì-têu ke ngìn khì-tó.

Faic an caibideil

Mâ-thai 6:12

Ngièu-sa ngài-têu ke khûi-khiam, chhiu-chhiong ngài-têu ngièu-sa khûi-khiam ngài-têu ke ngìn.

Faic an caibideil

Lu-kâ 23:34

Yâ-sû kóng: “Â-pâ â, sa-miên kì-têu, yîn-vi kì-têu m̀-tî chhṳ-kâ cho má-ke.” Kì-têu chhû-chhiâm-é lòi pûn Yâ-sû ke sâm.

Faic an caibideil

Lu-kâ 24:50

Chiap-tén, Yâ-sû tai kì-têu chhut-sàng, hi-to Pak-thai-nì. Chhai ke-vi, kì khià-sú vi kì-têu chuk-fuk.

Faic an caibideil

Yok-hon 4:21

Yâ-sû lâu kì kóng: “Fu-ngìn-kâ, oi sin ngài! Sṳ̀-kiên voi to lé, ngì-têu m̀-voi chai lòi liá sân-táng ya-he hi Yâ-lu-sat-lâng kin-pai Thiên-fu.

Faic an caibideil

Sṳ́-thù Hàng-chhon 10:2

Kì he yit-ke khièn-sṳ̀n-ngìn; kì lâu kì chhiòn kâ-ngìn tû kin-vi Song-ti; kì chhin thai-fông kiu-chi khiùng-khú ke Yù-thai-ngìn, sòng-sòng ngie̍t-sîm tui Song-ti khì-tó.

Faic an caibideil

Sṳ́-thù Hàng-chhon 10:31

kóng: ‘Kô-nì-liù! Song-ti yí-kîn thâng ngì ke khì-tó, ya ki-ngiam ngì só cho kiu-chi ngìn ke hó-sṳ.

Faic an caibideil

Sṳ́-thù Hàng-chhon 10:4

Kì chu-muk khon-tén thiên-sṳ́, fî-sòng chho̍k-kiâng, kóng: “Chú â, má-ke sṳ?” Thiên-sṳ́ kóng: “Song-ti yí-kîn thâng ngì ke khì-tó, ya ki-ngiam ngì só-cho kiu-chi ngìn ke hó-sṳ.

Faic an caibideil

Sṳ́-thù Hàng-chhon 21:5

Chúng-he, thìn-thò kí-ngit heu, ngài-têu hàn-he ki-siu̍k ngièn-lòi ke lî-chhàng. Ke-têu sin-thù lâu kì-têu ke pû-ngiòng chṳ́-ńg chhiòn-phu sung ngài-têu to sàng-ngoi. Thai-kâ chhai sâ-thân khúi hâ-lòi khì-tó.

Faic an caibideil

Sṳ́-thù Hàng-chhon 7:60

Kì yu khúi hâ-lòi, thai-sâng hêm-kóng: “Chú â, m̀-hó chiông liá-ke chhui kûi-pûn kì-têu!” Kì kóng-so̍t, chhiu sí-thet.

Faic an caibideil

Kô-lìm-tô Chhièn-sû 1:2

siá sin-é pûn chhai Kô-lìm-tô-sàng Song-ti ke kau-fi. Ngì-têu lâu chhai tak só-chhai khiù-ham ngài-têu Chú Yâ-sû Kî-tuk ke miàng ke ngìn, khiung-yong he chhai Kî-tuk Yâ-sû tî-poi sṳ̀n-sṳn, mùng-seu cho sṳn-thù lòi kûi-su̍k Song-ti ke. Kî-tuk he kì-têu ke Chú, ya he ngài-têu ke Chú.

Faic an caibideil

Kô-lìm-tô Chhièn-sû 7:7

Sṳ-sṳ̍t-song, ngài ngien-yi thai-kâ chhiong ngài án-ngiòng mo̍k kiet-fûn; chúng-he, tak-sà tui Song-ti só liâng-su ke ên-su mò khiung-yong, yû-ngìn ke ên-su he liá-yong, yû-ngìn he ke-yong.

Faic an caibideil

Kô-lìm-tô Heu-sû 2:14

Chúng-he, kám-chhia Song-ti! Kì sṳ̀-sòng tai-liâng ngài-têu, ham ngài liá-têu pûn Kî-tuk chok-tó ke ngìn yû-hó chhâm-kâ Kî-tuk sṳn-li ke hòng-lie̍t. Kì thûng-ko ngài-têu chiông ngin-sṳt Kî-tuk chang yû ke hiông-mi chhòn-to tak só-chhai hi.

Faic an caibideil

Fî-li̍p-pí Sû 1:12

Hiûng-thi chí-moi â, ngài oi ngì-têu tî, ngài só tù-tó ke sṳ fán-chón chhiuk-sṳ̀n fuk-yîm ke khok-chán.

Faic an caibideil

Thiap-sat-lò-nì-kâ Chhièn-sû 1:8

Chú ke chṳ̂n-tho m̀ tân-chhiang tui ngì-têu ke-vi chhòn-to Mâ-khì-tun lâu Â-kâi-â, ngì-têu tui Song-ti yû sin-sîm ke sêu-sit ya chhòn-to yén-khiûn tak só-chhai; m̀-sṳ́ ngài-têu kâ-kóng má-ke.

Faic an caibideil

Thì-mô-thai Chhièn-sû 5:14

Só-yî, ngài hî-mong heu-sâng ke koá-fu chai ka-ngìn, sên-yông chṳ́-ńg, cheu-ku kâ-thìn, mo̍k pûn tui-thi̍t yû kûng-kit ke pá-piang.

Faic an caibideil

Thì-tô Sû 3:8

Liá-ke fa he khok-sṳ̍t yû-yáng ke. Ngài hî-mong ngì thi̍t-phe̍t khiòng-thiau liá-têu sṳ-chhìn, hó pûn ke-têu sin Song-ti ke ngìn ngie̍t-sîm hàng-san; hàng-san he chhin chiâng yu tui ngìn yû li-yit ke sṳ.

Faic an caibideil

Hî-pak-lòi Sû 10:22

án-ngiòng, ngài-têu yin-kôi yung sṳ̀n-sṳ̍t ke sîm, kiên-thin ke sin-sîm, yung yí-kîn kiet-chhiang, mò sià-ok ke liòng-sîm, lâu chhiang-súi sé-ko ke sṳ̂n-thí, lòi chhîn-khiun Song-ti.

Faic an caibideil

Ngâ-kok Sû 4:8

Ngì-têu chhîn-khiun Song-ti, Song-ti chhiu voi chhîn-khiun ngì-têu. Yû-chhui ke ngìn â, oi kiet-chhiang ngì-têu ke sú! Sâm-sîm lióng-yi ke ngìn â, oi kiet-chhiang ngì-têu ke sîm!

Faic an caibideil

Pí-tet Chhièn-sû 3:7

Khiung-yong, cho ló-kûng ke, ngì-têu thùng pû-ngiòng khiung-ha sên-fa̍t, oi thí-thiap kì-têu he kha ngiôn-ngio̍k ke thùng-phân. Oi chûn-chhung kì-têu, yîn-vi kì-têu he thùng ngì-têu khiung-ha sṳ̀n-chiap Song-ti só su ke sîn sâng-miang. Án-ngiòng, ngì-têu ke khì-tó chhiu m̀-voi su chú-ngoi.

Faic an caibideil

Lean sinn:

Ceanglaichean taic

Sanasan

Sanasan