Bìoball air-loidhne

Duilleag-dhachaigh
Bìoball air-loidhne
Thì-mô-thai Chhièn-sû 1:4

Thì-mô-thai Chhièn-sû 1:4 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

⁴ Ngì ya oi min-lin kì-têu, oi piong-thet ke-têu mò-yáng mò-chiak ke chhòn-sot lâu vù-khiùng vù-chhin ke chhu̍k-phú; yîn-vi liá-têu tûng-sî voi ngiâ-hí phien-lun thin-thin, tui liáu-kié Song-ti ke kie-va̍k chhiòn mò pông-chhu. Song-ti ke kie-va̍k oi thûng-ko sin-sîm chang voi liáu-kié.

Faic an caibideil Dèan lethbhreac

dol air ais ⬆

Thì-mô-thai Chhièn-sû 1:4
19 Iomraidhean Croise

Kô-lìm-tô Heu-sû 1:12

Ngài-têu só khoâ-khiéu ke, ngài-têu ke liòng-sîm só chṳn-mìn ke chhiu-he: Chhai liá sṳ-kiên, thi̍t-phe̍t he tui ngì-têu, ngài-têu he yung Song-ti só-su ke tân-sùn lâu sṳ̀n-khién lòi cho-ngìn; ngài-têu án-ngiòng hàng he kho Song-ti ke ên-tién, m̀-he kho sṳ-kiên-ngìn ke chṳ-fi.

Faic an caibideil

Yî-fut-só Sû 3:2

Ngì-têu yit-thin yû thâng-ko, vi-tó ngì-têu ke hó-chhu, Song-ti sṳ̂-ên chiông yit-hong chṳt-vu kâu-thok pûn ngài.

Faic an caibideil

Thì-mô-thai Chhièn-sû 3:16

Thai-kâ kûng-ngin, ngài-têu sin-ngióng ke o-pi he ngióng-pân kô-chhṳ̂m: Kì yung ngìn ke ngiuk-sṳ̂n hién-hien, pûn Sṳn-Lìn chṳn-mìn vì ngi, pûn chung thiên-sṳ́ khon-kien, pûn ngìn chhòn to van-pâng, pûn sṳ-kiên-ngìn siông-sin, su-chiap ngi̍p yùng-yeu.

Faic an caibideil

Thì-mô-thai Chhièn-sû 4:7

Ngì oi hi-chhie̍t ke-têu mò-tap mò-toi ke ngièn-ngî lâu mò-yáng mò-chiak ke chhòn-sot; oi vi-tó kin-khièn ke sên-fa̍t chhâu-lien chhṳ-kâ.

Faic an caibideil

Thì-mô-thai Chhièn-sû 6:11

Lun-tó ngì liá su̍k Song-ti ke ngìn, ngì oi sám-phit liá-têu sṳ. Oi chûi-khiù chṳn-ngi, kin-khièn, sin-sîm, oi-sîm, ngiûn-nai, lâu vûn-yù.

Faic an caibideil

Thì-mô-thai Chhièn-sû 6:20

Thì-mô-thai â, ngì oi hó-hó pó-sú só thok-fu ngì ke. Oi phit-miên ke-têu mò kin-khièn ke khûng-thàm, lâu só-vi “chṳ-sṳt” ke chên-lun.

Faic an caibideil

Thì-mô-thai Heu-sû 2:14

Ngì oi thì-siáng thai-kâ, chhai Song-ti mien-chhièn ngiàm-ngiàm kín-kie kì-têu: M̀-hó khang sṳ-ngién; liá he mò li-yit ke sṳ, chṳ́ voi phai-fai thâng-tó ke ngìn.

Faic an caibideil

Thì-mô-thai Heu-sû 2:22

Ngì m̀-hó chhiong heu-sâng-ngìn án-ngiòng phìn chhìn-yu̍k hàng-sṳ; oi thùng ke-têu sîm sùn-kiet, khiù Chú pông-chhu ke ngìn siông-khiung chûi-khiù chṳn-ngi, sin-sîm, oi-sîm, pin fò-phìn.

Faic an caibideil

Thì-mô-thai Heu-sû 2:23

Oi hi-chhie̍t ke-têu ngong-ngong vù-tî ke phien-lun; ngì tî, liá-chúng phien-lun sòng-sòng voi ngiâ-hí yên-kâ.

Faic an caibideil

Thì-mô-thai Heu-sû 4:4

Kì-têu voi êm-tén ngí-kûng m̀-thâng chṳ̂n-lî, fán-chón phiên-hiong mò-yáng mò-chiak ke chhòn-sot.

Faic an caibideil

Thì-tô Sû 1:1

Ngài he Pó-lò, Song-ti ke phu̍k-ngìn, Yâ-sû Kî-tuk ke sṳ́-thù. Ngài mùng-seu lâu fung chhâi-phai lòi pông-chhu Song-ti ke sién-mìn kien-li̍p sin-ngióng, tai-liâng kì-têu ngin-sṳt ngài-têu ke sin-ngióng só kâu ke chṳ̂n-lî;

Faic an caibideil

Thì-tô Sû 1:14

m̀-oi chai thâng Yù-thai-ngìn ke-têu mò-yáng mò-chiak ke chhòn-sot, lâu ke-têu khî-chhie̍t chṳ̂n-lî ke ngìn só kiên-chhṳ̀ ke kûi-kí.

Faic an caibideil

Thì-tô Sû 3:9

Oi phit-miên ngong-tong ke phien-lun, mo̍k vi chhu̍k-phú chên-lun, mo̍k yên-kâ ya-he vi fap-li̍t ke mun-thì siông-châng; yîn-vi liá-têu chhiòn he mò ka-chhṳ̍t, mò li-yit ke.

Faic an caibideil

Hî-pak-lòi Sû 13:9

M̀-hó pûn kok-yong khì-koai ke ho̍k-sot chiông ngì-têu tai chéu-chán-hi. Ngì-têu ke sîm oi yí-kho Song-ti ke ên-tién lòi tet-tó kiên-ku, m̀-hó yí-kho sṳ̍t-vu̍t ke li-kûi; cheu ke-têu li-kûi hi-hàng ke ngìn pin mò tet-tó má-ke hó-chhu.

Faic an caibideil

Pí-tet Heu-sû 1:16

Ngài-têu yî-chhièn chiông yû-koân ngài-têu ke Chú Yâ-sû Kî-tuk ke thai-nèn lâu chai-lìm ke sṳ lâu ngì-têu kóng, pin m̀-he kîn-kí ke-têu ngiap-chho chhut-lòi mò-yáng mò-chiak ke chhòn-sot. Ngài-têu yû chhîn-ngién khon-ko kì ke ví-thai.

Faic an caibideil

Lean sinn:

Ceanglaichean taic

Sanasan

Sanasan