Bìoball air-loidhne

Duilleag-dhachaigh
Bìoball air-loidhne
Thì-mô-thai Chhièn-sû 1:17

Thì-mô-thai Chhièn-sû 1:17 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹⁷ Ngien chûn-kui lâu yùng-kông yún-yén kûi-pûn ke van-sṳ ke kiûn-vòng, chhiu-he m̀-voi hiú-lan, ngìn khon-m̀-tó, thu̍k-yit vù-ngi ke Song-ti! Â-mén.

Faic an caibideil Dèan lethbhreac

dol air ais ⬆

Thì-mô-thai Chhièn-sû 1:17
48 Iomraidhean Croise

Li̍t-thoi-chṳ Song 29:11

Song-chú â, Ngì chhin ví-thai; Ngì yû thai-nèn thai-li̍t, yùng-kông, vî-ngiàm. Thiên-táng thi-hâ só-yû ke chhiòn-phu he Ngì ke; Ngì he kiûn-vòng, Ngì he chṳ-kô, he van-vu̍t ke chú-chái.

Faic an caibideil

Nì-hî-mí Ki 9:5

Yèn-heu Li-vi-ngìn Yâ-sû-â, Kap-me̍t, Pâ-nì, Ha̍p-sâ-nì, Sṳ-li-pí, Hò-thi-ngâ, Sṳ-pâ-nì lâu Pí-thâ-hî-ngâ vi khôi-sṳ́ kin-pai siên-ko kóng: Oi khî hí-lòi, chan-mî Song-chú — ngì-têu ke Song-ti; oi yún-yún yén-yén siung-chan Kì! Kì ke miàng yin-tông su chûn-chhung, chhêu-ko só-yû ke siung-chan lâu chan-mî; ngì-têu oi chan-mî Kì yùng-kông ke miàng.

Faic an caibideil

Sṳ̂-phiên 10:16

Song-chú yún-yún yén-yén cho Vòng chóng-khièn; ngoi-pâng voi tui Kì ke thú-thi sêu-me̍t.

Faic an caibideil

Sṳ̂-phiên 106:48

Ngien Song-chú — Yî-set-lie̍t ke Song-ti su chhṳ̂n-siung, tui yún-yén to yún-yén! Ngien van-mìn thùng-sâng lòi-kóng: “Â-mén!” Hâ-li-lu-yá!

Faic an caibideil

Sṳ̂-phiên 145:13

Ngì ke koet-thu yún-yén chhòng-chhùn; Ngì ke vòng-khièn chhṳ̍t-to van-thoi. Song-chú ke yin-hí chhiòn-phu sin-sṳ̍t khó-kho; Kì só-cho ke yit-chhiet hién-chhut Kì ke chhṳ̀-oi.

Faic an caibideil

Sṳ̂-phiên 41:13

Ngien Song-chú — Yî-set-lie̍t ke Song-ti su chhṳ̂n-siung, tui kú-chó chhṳ̍t-to yún-yén! Â-mén! Â-mén!

Faic an caibideil

Sṳ̂-phiên 45:1

Ngài ke sîm yû chhin-chiâng ke fa chhung-tén chhut-lòi, vi-tó vòng ngìm-chhong mî-meu ke sṳ̂-kô; ngài ke sa̍t-mà chhiu-chhiong chok-kâ liù-li ke pit.

Faic an caibideil

Sṳ̂-phiên 45:6

Song-ti su ngì ke pó-chho yún-yén chhòng-chhùn; chṳn-chhṳ̍t he ngì chhṳ-lî koet-kâ ke kîn-kí.

Faic an caibideil

Sṳ̂-phiên 57:11

Song-ti â, ngien Ngì ke chûn-yùng chhêu-ko chû-thiên! Ngien Ngì ke yùng-kông chhûng-mân chhiòn-thi!

Faic an caibideil

Sṳ̂-phiên 90:2

Khiùn-sân màng-yû su chhóng-chho, Ngì hàn-màng sṳ́ thai-thi lâu sṳ-kie sàng-hìn, tui song-kú chhṳ̍t-to yún-yén, Ngì he Song-ti.

Faic an caibideil

Yâ-li-mí Sû 10:10

Song-chú â, chṳ́-yû Ngì he chṳ̂n-sṳ̀n, he yún-sên ke Song-ti, yún-yén ke kiûn-vòng. Ngì yit fat-khién, thai-thi chhiu kín-chûn; Ngì yit su-hi, van-koet chhiu khî m̀-he̍t.

Faic an caibideil

Tan-yî-lî Sû 2:44

Tông ke-têu vòng chhai-vi khì-kiên, thiên-táng ke Song-ti oi kien-li̍p yit-ke yún-yén ke koet. Liá-koet chhie̍t-tui m̀-voi pûn-ngìn cham-liâng, fán-chón oi chha̍t-tái fí-me̍t só-yû ke ti-koet lòi yún-yén chhòng-chhùn.

Faic an caibideil

Tan-yî-lî Sû 4:34

Vòng kóng: “Chhit-ngièn ko-hi lé, ngài — Nì-pu-kap-nì-sat chu-muk mong-thiên; ngài ke chhûng-mìn fî-fu̍k lé. Ngài siung-chan Chṳ-kô ke Song-ti, chiông yùng-kông chûn-kui kûi-pûn yún-sên ke Song-ti. Kì ke thúng-chhṳ yún-yún yén-yén; Kì ke chú-khièn chhṳ̍t-to van-thoi.

Faic an caibideil

Tan-yî-lî Sû 4:37

“Liá-ha, ngài — Nì-pu-kap-nì-sat chhṳ̂n-siung, chûn-chhùng, kin-pai thiên-táng ke kiûn-vòng. Kì ke só-cho chṳn-chhṳ̍t kûng-phìn; Kì nèn kong-tâi kiêu-ngau ke ngìn.”

Faic an caibideil

Tan-yî-lî Sû 7:14

chiap-su khièn-piang, yùng-kông lâu vòng-khièn, sṳ́ tak-koet, tak-chhu̍k, kóng tak-chúng fa ke ngìn chhiòn-phu fu̍k-sṳ Kì. Kì ke thúng-chhṳ voi yún-yén chhòng-chhùn; Kì ke chú-khièn yún-yén mò khiùng-chhin.

Faic an caibideil

Mì-kâ Sû 5:2

Song-chú kóng: “Yî-fap-thâ thi-khî ke Pak-li-hèn â, chhai Yù-thai liá-têu sàng-chûng, ngì he yit-ke se-sàng. Chúng-he Ngài oi tui ngì ke-vi, vi Yî-set-lie̍t sién-li̍p yit-ke liâng-chhiu; kì ke kâ-ne tui thai-chhû chhiu-yû.”

Faic an caibideil

Mâ-lâ-kî Sû 1:14

Ngìn hí-ngien oi chiông yòng-khiùn chûng ke hó kûng-yòng hien-pûn Ngài, fán-chón hien pot-phiang mò chṳn-sòng ke, án-ngiòng khî-phien ke ngìn yin-tông su chu-chú. Yîn-vi Ngài he thai kiûn-vòng! Sṳ-song van-koet lûng-chúng kin-vi Ngài. Ngài — Song-chú, Van-kiûn ke Ngièn-soi án-ngiòng siên-pu lé.”

Faic an caibideil

Mâ-thai 25:34

Yèn-heu, vòng voi tui chhai kì yu-phién ke ngìn kóng: ‘Tet-tó ngâ Pâ su-fuk ke ngìn â, ngì-têu lòi! Lòi sṳ̀n-su tui chhóng-chho sṳ-kie yî-lòi chhiu vi ngì-têu chún-phi ke koet.

Faic an caibideil

Mâ-thai 28:20

kâu kì-têu chûn-sú yit-chhiet ngài só min-lin ngì-têu ke. Oi ki-tet! Ngài voi sòng-sòng lâu ngì-têu thùng-chhai, chhṳ̍t-to sṳ-kie ke ma̍t-ngit.”

Faic an caibideil

Mâ-thai 6:13

M̀-hó pûn ngài-têu tù-tó thet-chhûng ke kháu-ngiam; kiu ngài-têu thot-lì ke sià-ok-chá ke sú.

Faic an caibideil

Yok-hon 1:18

Chhiùng-lòi m̀-sṳt yû-ngìn khon-tó Song-ti, chṳ́-yû Thu̍k-yit ke Lai-é Song-ti chhiu-he chhai Â-pâ fài-chûng ke, chiông Kì khí-sṳ chhut-lòi.

Faic an caibideil

Yok-hon 5:44

Ngì-têu chhin-oi pí-chhṳ́ chiap-su chan-mî, chúng-he m̀ khiù tui thu̍k-yit vù-ngi ke Song-ti ke-vi lòi ke chhṳ̂n-chan; án-ngiòng, ngì-têu ngióng-voi sin ngài nè?

Faic an caibideil

Lò-mâ Sû 1:20

Yû-koân Song-ti ke yit-chhiet, pún-lòi m̀-he ngìn khon-tet-tó ke, chúng-he thûng-ko sṳ-kie ke chhóng-chho, ngìn khon-tó Kì só chho ke van-vu̍t, chhiu ngin-chhut Kì yún-yén ke thai-nèn lâu sṳ̀n-sin. Só-yî, ngìn mò má-ke chia-khiéu hó thôi-chhṳ̀.

Faic an caibideil

Lò-mâ Sû 1:23

Kì-têu m̀ pai yún-sên ke Song-ti, fán-chón hi pai ngiéu-siong, chhiu-he ke-têu cheu voi sí ke ngìn, fî-khìm, chéu-chhu, khûn-chhùng tén hìn-siong chho-chhut-lòi ke.

Faic an caibideil

Lò-mâ Sû 11:36

Yîn-vi van-vu̍t he tui Kì lòi ke, thûng-ko Kì, ya he vi-tó Kì lòi chhùn-chhai ke. Ngien yùng-kông kûi-pûn Song-ti, chhṳ̍t-to yún-yén! Â-mén.

Faic an caibideil

Lò-mâ Sû 16:27

Ngien yùng-kông thûng-ko Yâ-sû Kî-tuk kûi-pûn thu̍k-yit chhiòn-chṳ ke Song-ti, chhṳ̍t-to yún-yén! Â-mén.

Faic an caibideil

Lò-mâ Sû 2:10

Chúng-he, só-yû hàng-san ke ngìn, Kì voi su kì-têu chûn-kui, yùng-kông lâu phìn-ôn, siên he Yù-thai-ngìn, yèn-heu he Ngoi-pâng-ngìn.

Faic an caibideil

Lò-mâ Sû 2:7

Yû-têu ngìn kiên-chhṳ̀ hàng-san, chûi-khiù tui Song-ti lòi ke chûn-kui, yùng-kông, lâu m̀-voi phai-fai ke sâng-miang; liá-chúng ngìn, Song-ti voi yung yún-yén ke sâng-miang su pûn kì-têu.

Faic an caibideil

Kô-lò-sî Sû 1:15

Kî-tuk he ke khon-m̀-tó ke Song-ti ke hìn-siong, he chhêu-ko van-yû ke chóng-chṳ́.

Faic an caibideil

Hî-pak-lòi Sû 11:27

Yîn-vi sin-sîm, Mô-sî lì-khôi Âi-khi̍p, m̀ kiâng Âi-khi̍p-vòng fat-khién; kì kiên-chhṳ̀ to-tái, yit-chhṳ̍t hiong-chhièn, chhiu-chhiong khon-tó muk-chû só khon-m̀-tó ke Song-ti.

Faic an caibideil

Hî-pak-lòi Sû 2:7

Ngì sṳ́ kì chhiam-sṳ̀ pí thiên-sṳ́ kha se; Ngì yung yùng-kông chûn-kui cho kì ke miên-liù;

Faic an caibideil

Pí-tet Chhièn-sû 5:11

Ngien khièn-nèn kûi-pûn Kì, chhṳ̍t-to yún-yún yén-yén! Â-mén.

Faic an caibideil

Pí-tet Heu-sû 3:18

Ngì-têu oi chhai ngài-têu ke Chú — Kiu-chú Yâ-sû Kî-tuk ke ên-tién chûng, pin tui kì ke ngin-sṳt song, ki-siu̍k chóng-chin. Ngien yùng-kông kûi-pûn kì, tui liá-ha yit-chhṳ̍t to yún-yén! Â-mén.

Faic an caibideil

Yok-hon Yit-sû 4:12

Mò ngìn kien-ko Song-ti, chúng-he ngài-têu na pí-chhṳ́ siông-siak, Song-ti chhiu chhai ngài-têu ke sâng-miang tî-poi, Kì ke thung-siak chhai ngài-têu ke tông-chûng chhiu vàn-chhiòn sṳ̍t-hien lé.

Faic an caibideil

Yù-thai Sû 1:25

ngài-têu ke Kiu-chú, thu̍k-yit vù-ngi ke Song-ti, thûng-ko ngài-têu ke Chú Yâ-sû Kî-tuk, tet-tó yùng-kông, vî-ngiàm, nèn-li̍t, lâu khièn-piang, tui van-sṳ yî-chhièn, to liá-ha, chhṳ̍t-to yún-yún yén-yén! Â-mén.

Faic an caibideil

Khí-sṳ-liu̍k 15:3

chhong-tén Song-ti ke phu̍k-ngìn Mô-sî ke sṳ̂-kô lâu Kâu-yòng ke sṳ̂-kô, kóng: Chú — chhiòn-nèn ke Song-ti â, Ngì ke só-cho ví-thai yu khì-meu! Van-koet ke Vòng â, Ngì ke tho-lu kûng-ngi yu chṳ̂n-sṳ̍t!

Faic an caibideil

Khí-sṳ-liu̍k 17:14

Kì-têu voi thùng Kâu-yòng siông-chhṳ̀; chúng-he Kâu-yòng yit-thin voi tá-yàng kì-têu, yîn-vi kì he van-chú ke Chú, van-vòng ke Vòng. Kì só sién-seu, chûng-sîm thèn kì ke ngìn, ya yit-thin voi tet-sṳn.”

Faic an caibideil

Khí-sṳ-liu̍k 19:1

Liá-têu sṳ-chhìn yî-heu, ngài thâng-tó yû thai sâng-yîm, chhiong-he thiên-táng yû yit thai-khiùn ngìn, hêm-kóng: Hâ-li-lu-yá, chan-mî Song-chú! Kiu-ên, yùng-yeu, khièn-nèn chhiòn-phu su̍k ngài-têu ke Song-ti!

Faic an caibideil

Khí-sṳ-liu̍k 19:16

Kì ke chhòng-phàu lâu kiok-pí táng-kô siá-tén yit-ke miàng-ho, chhiu-he: “Van-vòng ke Vòng, van-chú ke Chú.”

Faic an caibideil

Khí-sṳ-liu̍k 19:6

Ngài yu thâng-tó chhiong yû yit thai-khiùn ngìn ke sâng, chhiong-he thai-súi lâu hióng-lùi-kûng ke thai-sâng, kóng: Hâ-li-lu-yá, chan-mî Song-chú! Yîn-vi ngài-têu ke Chú — chhiòn-nèn ke Song-ti cho vòng lé!

Faic an caibideil

Khí-sṳ-liu̍k 7:12

kóng: Â-mén! Ngien siung-chan, yùng-kông, chṳ-fi, kám-chhia, chûn-kui, khièn-nèn, li̍t-liong, chhiòn-phu kûi-pûn ngài-têu ke Song-ti, chhṳ̍t-to yún-yún yén-yén! Â-mén.

Faic an caibideil

Lean sinn:

Ceanglaichean taic

Sanasan

Sanasan