Biblia Todo Logo
Bìoball air-loidhne

- Sanasan -




Thiap-sat-lò-nì-kâ Chhièn-sû 4:6 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

6 Chhai liá-chúng sṳ-song, m̀-hó yû tui-m̀-hí ya-he khî-fu hiûng-thi chí-moi ke hàng-vì. Ngài-têu yí-kîn tui ngì-têu kóng, ya sṳt kín-ko ngì-têu: Chú thin-chho̍k voi chit-fa̍t ke-têu cho liá-chúng sṳ ke ngìn.

Faic an caibideil Dèan lethbhreac




Thiap-sat-lò-nì-kâ Chhièn-sû 4:6
50 Iomraidhean Croise  

Song-chú â, ngài tî Ngì oi vi ngio̍k-séu ke ngìn chú-chhṳ̀ kûng-tho; Ngì thin-chho̍k voi vi khiùng-khú-ngìn sṳ̂n-chông chṳn-ngi.


Song-chú â, Ngì he sṳ̂n-yên ke Song-ti; sṳ̂n-yên ke Song-ti â, Ngì hó fat-fó lé!


“Cho-m̀-tet thâm phe̍t-ngìn ke vuk; ya cho-m̀-tet thâm phe̍t-ngìn ke pû-ngiòng, nù-phu̍k, nù-pî, ngiù, lì, ya-he khì-thâ ke tûng-sî.”


Song-chú chhin-nâu mò-chún ke chhṳn-é; Kì tông fôn-hí kûng-tong ke chhṳn-thò.


Kûng-phìn ke chhṳn lâu pong su̍k-yì Song-chú; thoi-tú ke chhṳn-thò chhiòn-he Kì cho ke.


Mâi-fo hiàm-fo: “M̀-hó! M̀-hó!” Mâi-chón chhiu kóng: “Chhin-hó! Chhin-hó!”


Mò-chún ke chhṳn-thò, Song-chú chhin-nâu; kúi-cha ke chhṳn-é, sṳ̍p-fûn m̀-hó.


Thêu-nâ yà-ôi ke, yu kóng: “Liá m̀-he chhui”, liá-chak ngìn lâu khiòng-tho mò má-ke chhâ-phe̍t.


Ngì khon-tó chṳn-fú khî-fu khiùng-khú ngìn, mò yung kûng-tho khoán-thai kì-têu, m̀ chûn-chhung kì-têu ke khièn-li, ngì m̀-sṳ́ án chho̍k-kiâng. Tak-ke kôn-yèn chhiòn-phu yû pí kì thi-vi kha-kô ke chhai pó-fu kì, kì-têu tak-sà ya oi su hàn-kha kô ke kôn-yèn ke pó-fu.


Yî-set-lie̍t chhiu-he Song-chú — Van-kiûn Ngièn-soi ke phù-thò-yèn; Yù-thai ngìn-mìn chhiu-he Kì fôn-fôn hí-hí chung ke phù-thò-su. Kì phan-mong kì-têu sṳ̍t-hàng chṳn-ngi, chúng-he khon-tó ke he chhṳ̀-ngìn liù-hiet! Kì phan-mong kì-têu hàng-vì kûng-chṳn, fán-chón tak só-chhai yû hêm yên-vóng ke sâng!


M̀-hó chai khî-fu ngoi-chhu̍k-ngìn, kû-yì lâu koá-fu; oi thìn-chṳ́ chhai liá-te thi-song chhṳ̀ mò-chhui ke ngìn; m̀-hó chai pai phe̍t ke sṳ̀n-mìn, hoi-tó chhṳ-kâ.


Tak-ke ngìn chhiòn-phu oi thì-fòng chhîn-yû, chhîn hiûng-thi ya sin-yung m̀-tet; yîn-vi hiûng-thi chhiòn-phu lâu Ngâ-kok khiung-yong án kúi-cha, phèn-yû lòi-vông chhiòn-phu pân-nung sṳ-fî.


“Khon â, yîn-vi ngì thâm put-ngi ke chhièn-chhòi, liù ngìn ke hiet, Ngài oi chhut-sú kûng-kit ngì.


“Cho-m̀-tet cho-chhe̍t; cho-m̀-tet khî-phien; cho-m̀-tet kóng fâ-liâu.


“Cho-m̀-tet pok-siok lìn-sa, ya cho-m̀-tet chhióng kì ke tûng-sî. Oi fu-pûn kûng-ngìn ke kûng-chhièn cho-m̀-tet thô, chhiu-son yit am-pû ya cho-m̀-tet.


Só-yî, ngì-têu lâu Yî-set-lie̍t thùng-pâu mâi-mai thú-thi ke sṳ̀, oi kûng-tong.


Ngì-têu cho-m̀-tet hiêu Yî-set-lie̍t thùng-pâu; oi kin-vi ngì-têu ke Song-ti, yîn-vi Ngài he Song-chú — ngì-têu ke Song-ti.


Kì-têu thâm thièn-thi, chhiu hi chhîm-cham; oi vuk-è, chhiu hi pa-cham. Kì-têu khî-ap ngìn, chhióng-kiap ngìn ke kâ-thìn lâu chhòi-sán.


Liá phoi-ngia̍k, fú-phai, khî-fu ngìn ke sàng chhám lé!


Chúng-he Song-chú hàn-he chhai liá sàng-tú; Kì hàng kûng-ngi, chhie̍t-tui m̀-voi cho put-ngi ke sṳ. Tak chêu-sṳ̀n, Kì hiong Kì ke chṳ́-mìn hién-mìn kûng-ngi, chhiùng-lòi m̀-sṳt thìn-chṳ́; chúng-he put-ngi ke ngìn-mìn ki-siu̍k fam-chhui, m̀-tî kien-seu.


Song-chú — Van-kiûn ke Ngièn-soi kóng: “Ngài oi to ngì-têu ke-vi hi, chṳp-hàng sṳ́m-phan. Ngài oi kiak-kiak cho-chṳn, lòi ko ke-têu hàng sià-su̍t ke, fam kiên-yìm ke, cho ká kien-chṳn ke, pok-siok kûng-chhièn ke, khî-fu kû-yì koá-fu ke, yên-vóng ngoi-chhu̍k-ngìn ke, lâu só-yû mò kin-vi Ngài ke ngìn.”


Ngì tî ke-têu kie-min: ‘Cho-m̀-tet chhṳ̀-ngìn; cho-m̀-tet fam kiên-yìm; cho-m̀-tet thêu-nâ; cho-m̀-tet cho ká kien-chṳn; cho-m̀-tet cha-khî; oi hau-kin yà-ôi.’ ”


Ngài oi chṳ́-sṳ ngì-têu só-oi kiâng ke he má-sà: Ngì-têu só-oi kiâng ke he Song-ti; Kì chhṳ-sí ngìn yî-heu, yu yû khièn hó chiông ngìn fit-lo̍k thi-ngiu̍k hi. Ngài chai kóng, ngì-têu só-oi kiâng ke chhiu-he Kì!


yîn-vi ngài hàn-yû ńg-ke hiûng-thi, kì cho-tet kín-ko kì-têu, miên-tet kì-têu ya lòi-to liá án thung-khú ke só-chhai.’


Ngièn-lòi, Song-ti ke fat-khién tui thiên-táng hién-mìn chhai yit-chhiet mò kin-khièn lâu put-ngi ke ngìn sṳ̂n-song, chhiu-he ke-têu yung put-ngi ap-chṳ chṳ̂n-lî ke ngìn.


Phèn-yû â, m̀-hó vi chhṳ-kâ po yên-sù, tén-to Song-ti fat-khién ke sṳ̀, Kì chang thoi ngì sṳ̂n-yên kha yàng, yîn-vi Sṳn-kîn kóng: “Chú kóng: Sṳ̂n-yên chhai Ngài; Ngài yit-thin voi po-yin.”


yîn-vi kì he Song-ti só-yung ke ngìn, kì ke kûng-chok he oi li-yit ngì. Ngì na-he cho fái-sṳ, ngì chhiu oi kiâng kì, yîn-vi kì yû hìn-fa̍t ke khièn m̀-he cho-káu ke. Kì cho Song-ti só-yung ke ngìn, he oi chṳp-hàng Song-ti tui ke-têu chok-ok ke ngìn ke chit-fa̍t.


Ngì-têu khon, Song-ti ngióng-pân san-yung ngì-têu ke yù-sèu, sṳ́ ngì-têu ngióng-pân sat-mâng, yu vi chhṳ-kâ phien-pok, ya hién-chhut ngi ke fun-nu, kiâng-sîm, chhiet-mong, ngie̍t-sîm, yu hìn-fa̍t put-ngi! Chhai kok fông-mien ngì-têu chṳn-mìn chhṳ-kâ he chhîn-pha̍k ke.


chhit-tu, chiú-chui, tiên-khòng yen-lo̍k, lâu khì-thâ liá-lui ke sṳ. Ngài yî-chhièn sṳt kín-ko ngì-têu, liá-ha chai kín-ko ngì-têu: Cho liá-chúng sṳ ke ngìn, yit-thin m̀-voi sàng-cho Song-ti koet ke chṳ́-mìn!


Ngài liá-ha fung Chú ke miàng khien ngì-têu: M̀-hó chai chhiong Ngoi-pâng-ngìn ko ke-chúng ke sên-fa̍t. Kì-têu só-sióng ke he mò li-yit ke sṳ,


Thèu-pái cho-chhe̍t ke, m̀-hó chai thêu-nâ; oi kho chhṳ-kâ ke sûng-sú ngin-chṳ̂n cho-se, chang voi yû nèn-li̍t pông-chhu khiùng-khú-ngìn.


M̀-hó pûn má-ngìn yung hî-ká ke fa phien-chéu; yîn-vi liá-têu sṳ, Song-ti voi tui ke-têu phoi-ngia̍k ke ngìn thai fat-khién.


“Na-he yû-ngìn póng-ka Yî-set-lie̍t thùng-pâu, khiòng-pet kì cho nù-phu̍k, ya-he chiông kì mai-cho nù-chhòi, ke póng-ka ngìn ke chhiu yit-thin oi chhú-sí. Ngì-têu oi tui ngì-têu tông-chûng chhù-thet liá-chúng fái-sṳ.


Song-chú oi hiong thi̍t-ngìn po-sù; to-sṳ̀ kì-têu chhiu voi phai-fái. Kì-têu me̍t-mòng ke ngit yí-kîn khiûn lé, kì-têu ke chûng-khiu̍k chhin-kiak chhiu voi to.


Ngì-têu tî, ngài-têu tui ngì-têu mî-yit-ke ngìn, chhiu-chhiong â-pâ tui chhṳ-kâ ke chṳ́-ńg yit-yong:


Kì oi chit-fa̍t ke-têu khî-chhie̍t Kì, lâu ke-têu m̀ thâng-chhiùng ngài-têu ke Chú Yâ-sû fuk-yîm ke ngìn.


Mî-yit-ke ngìn lûng-chúng oi chûn-chhung fûn-yîn; fû-chhî oi pí-chhṳ́ chûng-sṳ̍t. Song-ti voi sṳ́m-phan ke-têu fong-thong lâu yìm-lon ke ngìn.


Tiên-to, chhiong Sṳn-kîn mêu só-chhai kóng ke: Song-ti â, ngìn son má-ke, Ngì ku-ngiam kì! Sṳ-kiên-ngìn son má-ke, Ngì khon-ku kì!


Chúng-he, ngì-têu kin-yèn vú-yu̍k khiùng-khú-ngìn! Sṳ-sṳ̍t-song, khî-ap ngì-têu, lâi ngì-têu sông kôn-thâng ke, kám m̀-he ke-têu yû-chhièn-ngìn mâ?


Ngì-têu pok-siok chhai thièn-hong vi ngì-têu kot-vò ke kûng-ngìn, khieu kì-têu ke kûng-chhièn. Thâng â, ke-têu chhièn-ngiùn chhut yen-sâng lô; ke-têu sû-kot ke kûng-ngìn, kì-têu yen-than ke sâng ya ngi̍p-to Chú — Van-kiûn ke Ngièn-soi ke ngí-kûng lô!


Lean sinn:

Sanasan


Sanasan