Bìoball air-loidhne

Duilleag-dhachaigh
Bìoball air-loidhne
Thiap-sat-lò-nì-kâ Chhièn-sû 2:9

Thiap-sat-lò-nì-kâ Chhièn-sû 2:9 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

⁹ Hiûng-thi chí-moi â, ngì-têu yin-tông ki-tet, ngài-têu he ngióng-pân sat-mâng lò-luk lòi cho-se; ngài-têu ngit-ya kûng-chok, yîn-vi chhòn Song-ti ke fuk-yîm pûn ngì-têu ke sṳ̀-chiet, mò-oi kâ-thiâm ngì-têu ke fu-tâm.

Faic an caibideil Dèan lethbhreac

dol air ais ⬆

Thiap-sat-lò-nì-kâ Chhièn-sû 2:9
35 Iomraidhean Croise

Lie̍t-vòng Ki-ha 6:2

Chhiáng chún ngài-têu to Yok-tan-hò sùn-thèu, tak-sà chhí yit-kî su-liau chón-lòi, nang-ngoi hí yit-kiên vuk-è.” Yî-li-sâ kóng: “Hó, ngì-têu hi!”

Faic an caibideil

Nì-hî-mí Ki 5:15

Chhai ngài yî-chhièn ke-têu sén-chóng chhiòn-phu he ngìn-mìn ke chhûng-tâm; kì-têu yêu-khiù ngìn-mìn tak-ngit vi-tó liòng-sṳ̍t, chiú kiéu si-sṳ̍p chak ngiùn-pi. Lièn kì-têu ke phu̍k-ngìn ya khî-ap ngìn-mìn. Chúng-he ngài m̀ án-ngiòng cho, yîn-vi ngài kin-vi Song-ti.

Faic an caibideil

Nì-hî-mí Ki 5:18

Tak-ngit, ngài oi chún-phi yit-chak ngiù-kú, liuk-chak phì-yòng, lâu chhin-tô kiê-é. Mî sṳ̍p-ngit, ngài oi kiûng-kip yit-phî sîn-chiú. Sûi-yèn án-ngiòng, ngài pin-mò yêu-khiù sén-chóng yin-kôi tet-tó ke liòng-sṳ̍t, yîn-vi ngài tî ngìn-mìn ke fu-tâm yí-kîn tông-chhûng lé.

Faic an caibideil

Sṳ̂-phiên 32:4

Song-chú â, Ngì ngit-ya chit-fa̍t ngài; ngài ke hi-li̍t sêu-san, chhiong súi-hi chhai thai ngie̍t-thiên châu-thet yit-yong.

Faic an caibideil

Sṳ̂-phiên 88:1

Song-chú — chṳ́n-kiu ngài ke Song-ti â, ngài ngit-ya chhai Ngì mien-chhièn khiù-ham.

Faic an caibideil

Chṳ̂m-ngièn 31:18

Kì tî chhṳ-kâ só kîn-yìn ke yû-chhièn chhon, vuk-hâ ke tên-fó tiám kông-kông cho-to pan-ya.

Faic an caibideil

Yâ-li-mí Sû 9:1

Ngien ngài ke thèu-nà he súi-chiáng, muk-chû he muk-chṳp ke chhièn-ngièn! Ngài cho-tet ngit-ya vi pûn-ngìn chhṳ̀-sí ke thùng-pâu lòi-kieu.

Faic an caibideil

Lu-kâ 18:7

Song-ti ke sién-mìn ngit-ya tui Kì khì-khiù, Kì kám voi m̀ thoi kì-têu sṳ̂n-yên mâ? Kì kám voi ngiûn-tén m̀-tap kì-têu mâ?

Faic an caibideil

Lu-kâ 2:37

heu-lòi chhiu sú-koá, liá-ha he pat-sṳ̍p-si se. Kì m̀-hén lì-khôi sṳn-thien, ngit-ya kin-pai Song-ti, kim-sṳ̍t khì-tó.

Faic an caibideil

Sṳ́-thù Hàng-chhon 18:3

Kì liù-hâ-lòi thùng kì-têu khiung-ha cho-se, yîn-vi Pó-lò he kho chṳ-chho chong-phùng sên-fa̍t ke, lâu kì-têu he thùng-ngia̍p.

Faic an caibideil

Sṳ́-thù Hàng-chhon 20:24

Chúng-he, ngài só koân-sîm ke, pin m̀-he chhṳ-kâ ke sâng-miang, chṳ́-yû chhiòn-sîm vàn-sṳ̀n ngài ke sṳ́-min, sṳ̀n-chhiu Chú Yâ-sû só kâu-pûn ngài ke kûng-chok, chhiu-he vi Song-ti ên-tién ke fuk-yîm cho kien-chṳn.

Faic an caibideil

Sṳ́-thù Hàng-chhon 20:31

Só-yî, ngì-têu oi kín-siáng! Oi ki-tet chhai ko-hi ke sâm-ngièn chûng, ngài ngióng-pân ngit-ya yung muk-chṳp khien-va, kau-thô ngì-têu mî-yit-ke ngìn.

Faic an caibideil

Lò-mâ Sû 1:1

Ngài he Kî-tuk Yâ-sû ke phu̍k-ngìn Pó-lò; Song-ti fû-seu ngài cho sṳ́-thù, thi̍t-phe̍t phai ngài chhòn Kì ke fuk-yîm.

Faic an caibideil

Lò-mâ Sû 15:16

sṳ́ ngài cho Kî-tuk Yâ-sû ke phu̍k-ngìn, chhai Ngoi-pâng-ngìn ke chûng-kiên kûng-chok. Ngài chhiong chi-sṳ̂ yit-yong kóng-lun Song-ti ke fuk-yîm, he oi pûn Ngoi-pâng-ngìn thûng-ko Sṳn-Lìn ke sṳn-fa, sàng-cho Song-ti fôn-hí chiap-na̍p ke chi-vu̍t.

Faic an caibideil

Lò-mâ Sû 15:19

yung sṳ̀n-chiak khì-sṳ lâu Song-ti ke Lìn ke nèn-li̍t lòi vàn-sṳ̀n ke. Án-ngiòng, ngài tui Yâ-lu-sat-lâng to Yî-li-lî-kú yit-tai, ngài tak só-chhai hi chhòn Kî-tuk ke fuk-yîm.

Faic an caibideil

Kô-lìm-tô Chhièn-sû 4:12

hàn-oi sîn-sîn khú-khú chhîn-sú cho-se lòi set tú-sṳ́. Pûn-ngìn ma, ngài-têu chhiu chuk-fuk; pûn-ngìn ap-pet, ngài-têu chhiu ngiûn-nai;

Faic an caibideil

Kô-lìm-tô Chhièn-sû 9:15

Chúng-he, ngài màng-sṳt yung-ko liá-têu khièn-li; liá-ha, ngài siá liá-têu fa ya m̀-he oi chên-chhí liá-chúng ke khièn-li. Ngài sí me m̀ kâm-ngien pûn ngài só khoâ-khiéu ke lo̍k-khûng!

Faic an caibideil

Kô-lìm-tô Chhièn-sû 9:18

Án-ngiòng, ngài ke po-sóng he má-ke nè? Chhòn fuk-yîm pûn ngìn, pûn ngìn m̀-sṳ́ yung chhièn chhiu tet-tó fuk-yîm, mò yung ngài chhòn fuk-yîm yin-tet ke khièn-li, liá chhiu-he ngài ke kông-yùng.

Faic an caibideil

Kô-lìm-tô Chhièn-sû 9:4

Kám-kóng ngài-têu mò khièn-li hó kho fuk-yîm sṳ̍t-fan mâ?

Faic an caibideil

Kô-lìm-tô Heu-sû 11:27

Ngài ke kûng-chok lò-luk yu kân-khú, sòng-sòng soi-m̀-tet, yu kî yu hot, mò hó sṳ̍t, mò hó he̍t, mò hó chok.

Faic an caibideil

Kô-lìm-tô Heu-sû 11:9

Thùng ngì-têu khiung-ha ke sṳ̀, mò-lun yû má-ke sî-yeu, ngài chhiùng-lòi m̀-sṳt khiù ngì-têu ke pông-chhu. Ngài só sî-yeu ke yit-chhiet, chhiòn-phu he tui Mâ-khì-tun lòi ke chung hiûng-thi kiûng-kip ngài. Yî-chhièn he án-ngiòng, chiông-lòi ya khiung-yong; ngài chhie̍t-tui m̀-voi sàng-cho ngì-têu ke chhûng-tâm!

Faic an caibideil

Kô-lìm-tô Heu-sû 6:5

Ngài-têu sṳt pûn-ngìn piên-tá, chhô-kâm, pûn phau-mìn yéu-lon; ngài-têu sîn-khú, soi-m̀-tet, yu tú-kî.

Faic an caibideil

Fî-li̍p-pí Sû 4:16

Lièn chhai Thiap-sat-lò-nì-kâ ke sṳ̀, ngì-têu yit-chai phai-ngìn lòi kiûng-kip ngài ke sî-yeu.

Faic an caibideil

Thiap-sat-lò-nì-kâ Chhièn-sû 1:3

chhai ngài-têu Â-pâ Song-ti ke mien-chhièn, yit-chhṳ̍t ki-ngiam ngì-têu ngióng-pân chiông só sin ke sṳ̍t-hàng chhut-lòi, ngióng-pân yung oi-sîm sîn-khú kûng-chok, yu ngióng-pân kiên-chhṳ̀ tui ngài-têu Chú Yâ-sû Kî-tuk ke phan-mong.

Faic an caibideil

Thiap-sat-lò-nì-kâ Chhièn-sû 2:2

Ngì-têu tî, ngài-têu hi ngì-têu ke-vi yî-chhièn, chhai Fî-li̍p-pí yí-kîn su pet-hoi, pûn-ngìn vú-yu̍k. Chúng-he, ngài-têu ke Song-ti su ngài-têu yúng-kám, sûi-yèn chhai tông-tô ke chú-tóng chûng, hàn-he chiông Kì ke fuk-yîm chhòn-pûn ngì-têu.

Faic an caibideil

Thiap-sat-lò-nì-kâ Chhièn-sû 2:6

Ngài-têu mò khiù ngìn ke chhṳ̂n-chan, mò-lun he ngì-têu ke, ya-he phe̍t-ngìn ke.

Faic an caibideil

Thiap-sat-lò-nì-kâ Chhièn-sû 3:10

Ngài-têu ngit-ya tui Kì pet-chhiet khì-khiù, pûn ngài-têu voi yû-hó chhîn-sṳ̂n hi khon ngì-têu, lòi pú-mân ngì-têu sin-sîm ke sî-yeu.

Faic an caibideil

Thì-mô-thai Chhièn-sû 1:11

Liá khien-chhiòn ke kau-ngi he kîn-kí fuk-yîm, chhiu-he yùng-kông, khâm-tet chhṳ̂n-siung ke Song-ti kâu-thok ngài siên-pu ke.

Faic an caibideil

Thì-mô-thai Chhièn-sû 4:10

Ngài-têu sîn-khú tá-piang, yîn-vi ngài-têu só phan-mong ke he yún-sên ke Song-ti; Kì he ngìn-lui ke Kiu-chú, thi̍t-phe̍t he sin-thù ke Kiu-chú.

Faic an caibideil

Thì-mô-thai Chhièn-sû 5:5

Chṳn-kîn sú-koá yu mò-ngìn hó yí-kho ke fu-ńg, só ngióng-mong ke chṳ́-yû Song-ti, ngit-ya khì-tó só-khiù ke chhiu-he Song-ti ke pông-chhu.

Faic an caibideil

Thì-mô-thai Heu-sû 1:3

Ngài ngit-ya khì-tó ke sṳ̀, mò yit-pái mò sióng-ngiam ngì; sióng-tó ngì, ngài chhiu kám-chhia Song-ti, chhiu-he ngài thùng chú-siên khiung-yong yung chhîn-pha̍k ke liòng-sîm só kin-pai ke Song-ti.

Faic an caibideil

Lean sinn:

Ceanglaichean taic

Sanasan

Sanasan