Nwönö Cïk 7:9 - THUR BIBLE PORTIONS

⁹ Myero dong inge unu nï Rwoth Obangawu ënë Obanga; ën obedo Obanga na genere, na gwökö cïkërë mërë më mar both wang rok elip kï elip na marö ën ëka gwökö gïnï cïk mërë.

Nwönö Cïk 7:9 Iomraidhean Croise

Acak 17:7

An abino moko cïkërëna kodi ëka ëkwaëni na bino lüböni, ëka ëkwaëgï kïbëc obed cïkërë na bino bedo na twal pï run kïbëc. An abino bedo Obangani ëka Obanga k'ëkwaëni na bino lüböni.

Acak 28:15

An atye kanya acël kodi ëka abino gwököni kanya in ibino cïdhö ïë kïbëc, ëka an abino dwongoni cen ï lobo ni. An ba abino wëköni ata naka ka acobo gin n'onwongo akobo bothi.”

Acak 9:15

an abino po ï kom cïkërëna na tye ï kin an kodwu ëka kï gin na kwö kïbëc kï kothgï. Abwal pii ba dökï bino bedo na tye më tyeko gin na kwö kïbëc.

1 Jö Korinti 1:9

Obanga, n'ocwodowu më rïbërë kanya acël kï Wode Yecu Kiricito Rwoth onu, obedo Obanga na genere.

1 Jö Korinti 10:3

Gïn kïbëc yam öcamö cem acël nön më tipo,

1 Jö Korinti 8:3

Ëntö ka ngat mörö marö Obanga, Obanga thon ngeo ën.

2 Jö Korinti 1:18

Ëntö kite n'Obanga obedo ngat na genere, köp n'onwongo wan ekobo bothwu ba obedo “Eyo” ëka “Pe.”

Nwönö Cïk 32:39

Rwoth okobo nï, “Nën dong kobedini an ëka an këna ënë abedo Obanga; obanga nökënë ope ï ngeta. An ënë aneko ëka an ënë amïö kwö, An ënë awanö ëka an ënë acangö, ëka ngat mörö ope na twërö larö kï ï cïnga.

Nwönö Cïk 32:4

Ën obedo Lëla, na bal mörö ope ï tic mërë, ëka ï yodhi mërë kïbëc ën ngölö köp n'atïr. Ën obedo Obanga na genere na ba tïmö gin mörö na rac, kite tye atïr ëka ba lengere.

Nwönö Cïk 4:35

Enyutho jami ni bothwu ëk inge unu nï Rwoth ënë Obanga; ba dök tye Obanga mörö nökënë.

Nwönö Cïk 4:39

Tin dong myero inge unu ëka iketh unu ï cwinywu nï Rwoth ënë Obanga na tye ï wi polo ëka pïny ï wi lobo. Ba dök tye obanga mörö nökënë.

Nwönö Cïk 5:10

Ëntö an abino nyutho mar na ba lökërë both jö elip kï elip na mara ëka gwökö cïkna gïnï.

1 Jö Tecalonika 5:24

Ngat n'ocwodowu obedo ngat na genere ëka bino cobo.

2 Jö Tecalonika 3:3

Rwoth genere, ën bino mïöwu tëkö ëka bino gwököwu kï both ngat na rac.

2 Timoteo 2:13

ka onu ba egenere, ën gire genere naka naka, pïën ën ba twërö kwërë kënë.

Yakobo 1:12

Ngat na cung na tëk ï atëmatëma tye kï gum, pïën ka ën ölöö atëmatëma, ën bino nwongo tok më kwö n'Obanga öcïkërë më mïö both jö na marö ën.