Nwönö Cïk 11:2 - THUR BIBLE PORTIONS

² Po unu tin ï kom pwony na Rwoth Obangawu opwonyowu ködë, an ba atye ka twak k'ëthïnöwu ëntö kodwu pïën un ingeo ëka ïnënö unu dit mërë, cïngë na tëk ëka twërö mërë.

Nwönö Cïk 11:2 Iomraidhean Croise

Tic k'Ëkwëna 26:22

Ëntö Obanga ögwöka naka tin, ëka an acung kany më mïö caden cakërë kï both jö na thïnö naka both jö na dito. An ba apwonyo gin mörö na path kï köp n'edwarpïny ëka Muca okobo nï bino tïmërë—

Nwönö Cïk 29:10

Un kïbëc icung unu tin ï nyim Rwoth Obangawu—ëtëlawu ëka rwodhiwu, edongwu ëka editewu, ëka jö nökënë kïbëc më Icarael,

Nwönö Cïk 3:24

“Rwoth Obanga, in ïcakö nyutho both aticni dit na megi ëka kï tëköni. Obanga mënë na tye ï wi polo onyo ï wi lobo na twërö tio tic më aura kite na in itio ködë?

Nwönö Cïk 4:34

Onyo obanga mörö tye n'ötëmö kwanyö rok mörö më bedo mëgë kënë, kï ï kin rok nökënë nakun tëmö cwinygï k'anyuth më tango ëka gin më aura gïnï, kï lwëny, kï tëkö ëka kï twërö, kï thwön lworo na dwong na röm kï gin na Rwoth Obangawu ötïmö niwu ï lobo Ejip nakun un itye ka nënö kï wangwu?

Nwönö Cïk 5:24

Ëka un ikobo nï, “Rwoth Obanga onu onyutho nï onu dheo ëka dit mërë cë onu ewinyo dwönë kï ï mac. Tin onu ënënö nï dhanö twërö bedo na kwö kadï bed nï Obanga twak ködë.

Nwönö Cïk 7:19

Un ïnënö kï wangwu atëmatëma na döngö, anyuth më tango ëka gin më aura gïnï, cïng na tëk ëka kï twërö mërë na Rwoth Obangawu okelowu ködë. Rwoth Obangawu bino tïmö nï kömanön ï kom rok kïbëc na un kobedini ilworo.

Nwönö Cïk 8:19

Ka wiwu bino wil ökö ï kom Rwoth Obangawu, cë ïlübö unu obanga nökënë, ïwörö ëka iryebere unu pïny ï nyimgï, an akobo bothwu tin nï ebino tyekowu ökö.

Nwönö Cïk 9:26

Cë an alëgö both Rwoth ëka akobo nï, “Rwoth Obanga, kür ityek jogi, jö na megi na pïrgï tëk na in ïkökögï kï tëköni ëka ïkwanyögï kï ï Ejip kï tëkö më cingi.