Acak 9:4 - THUR BIBLE PORTIONS

⁴ “Ëntö kür ïcam unu ringo na remo pod tye ïë, pïën remo obedo kwö mërë.

Acak 9:4 Iomraidhean Croise

Tic k'Ëkwëna 15:20

Nakaka manön, onu myero ëcöö waraga bothgï ëka ekob nïgï nï myero kür öcam gïnï cem mörö n'ëtyërö both cal jwogi, kür obed gïnï jö ölyang, kür öcam gïnï ringo leeni n'ëdëö adëa, ëka kür öcam gïnï remo.

Tic k'Ëkwëna 15:25

Manön ömïö wan emoko kï cwinywa acël më yërö cwö mörö ëk eorgï bothwu nakun wotho gïnï kanya acël kï nyikoneiwa më amara Baranaba ëka Paulo,

Tic k'Ëkwëna 15:29

Kür ïcam unu cem n'ëtyërö both cal jwogi, kür ïcam unu remo, kür ïcam unu ringo leeni n'ëdëögï adëa ëka kür ïtïm unu tïm më ölyang. Ka ïgwökërë unu kï kom jami ni, cë ibino unu tïmö na bër. Bed unu dong na bër.

Nwönö Cïk 12:16

Ëntö kür myero ïcam unu remo; öny unu ökö pïny calö pii.

Nwönö Cïk 12:23

Ëntö myero kür ïcam unu remo, pïën kwö tye ï remo ëka kür myero ïcam unu kwö kanya acël kï ringo.

Nwönö Cïk 14:21

Kür ïcam unu gin mörö na in inwongo öthöö kënë. Un ïtwërö mïö both arok mörö na bedo ï pacöwu ëk ën öcam; onyo ïtwërö unu cadhö both welo mörö. Un ibedo jö na leng both Rwoth Obangawu. Kür ited unu ringo athïn dyël kï cak k'aya mërë.

Nwönö Cïk 15:23

Ëntö kür myero ïcam unu remo; öny unu ökö pïny calö pii.

1 Timoteo 4:4

Jami kïbëc n'Obanga oketho bëcö, ëka ba tye mörö na myero ëkwër ökö ka ëgamö kï pwöc,