Acak 7:1 - THUR BIBLE PORTIONS

¹ Cë Rwoth okobo both Noa nï, “Cïdh ï öd yeya, in ëka jö më odi kïbëc, pïën an anwongo nï in ënë kiteni atïr kï ï kin rok më karë ni.

Acak 7:1 Iomraidhean Croise

Acak 6:18

Ëntö an abino ketho cïkërëna kodi, ëka in ibino dönyö ï yeya—in ëka awopeni, dhaköni ëka mon k'awopeni.

Acak 6:9

Man ënë ëkwaë ka Noa. Noa onwongo obedo dhanö na kite atïr abonge bal mörö kï ï kin jïï ï karë mërë, ëka obedo kwö ï nyim Obanga ï yoo n'opore.

Acak 7:13

Ï nïnö nön kikokome Noa ëka awope mërë, Cem, Kam ëka Yapec, kanya acël kï dhakö mërë ëka mon k'awope mërë adek, ödönyö gïnï ï yeya.

Acak 7:7

Ëka Noa, awope mërë, dhakö mërë ëka mon k'awope mërë ödönyö gïnï ï yeya më bwöth kï ï abwal pii.

Tic k'Ëkwëna 2:39

Pïën cïkërë ni ëcïkö pïrwu k'ëthïnöwu ëka pï jö kïbëc na tye gïnï kanya bor, na Rwoth Obanga onu bino cwodogï.”