Acak 49:1 - THUR BIBLE PORTIONS

¹ Cë Jakob ocwodo awope mërë ëka okobo nï, “Cökërë unu kanya acël, ëk akob niwu ngö na bino tïmërë ï komwu ï karë më anyim.

Acak 49:1 Iomraidhean Croise

Tic k'Ëkwëna 2:17

“‘Obanga okobo nï, ï karë më ajiki, abino önyö Tipona ï kom jö kïbëc. Ëthïnö awopewu ëka anyirawu bino dwaro adwar, awopewu na thïnö bino nënö gïnï gin anyutha, jöwu n'otii bino gïnï leko lek.

Nwönö Cïk 31:12

Gür unu lwak kanya acël—cwö, mon ëka ëthïnö, ëka erok na bedo gïnï ï peciwu—ëk owiny gïnï ëka opwonyere gïnï kite më lworo Rwoth Obangawu ëka ögwökërë gïnï më lübö köp më cïk ni kïbëc.

Nwönö Cïk 4:30

Ka itye unu ï pëkö na jami ni kïbëc ötïmërë ï komwu, cë kinge, ibino unu dwogo both Rwoth Obangawu ëka ibino bedo unu kï winy ï kome.

1 Timoteo 4:1

Tipo Naleng kobo atïr nï karë mörö ï anyim jö mökö bino lökërë gïnï ökö kï kom yeegï, cë cakö gïnï lübö tipo na reco më bwöl ëka kï pwony na yaa kï both cene.

2 Timoteo 3:1

Myero ïnïang unu nï ï karë më ajiki, pïny bino bedo na rac.