Acak 48:10 - THUR BIBLE PORTIONS

¹⁰ Ï karë nön Jakob onwongo ba dökï nënö pïny na bër pïën onwongo dong otii. Cë Yocepu okelo awope mërë na cwök bothe cë önödhö lemgï ëka öthünögï.

Acak 48:10 Iomraidhean Croise

Acak 27:1

Ï karë na dong Icaka otii ëka wangë ödökö na görü, na ba dökï römö nënö pïny, ën ocwodo wode na dit Ecau ëka okobo nïnë nï, “Woda.” Ecau ögamö nï, “An enene apap.”

Acak 27:27

Cë ën öcïdhö, ëka önödhö lem apap mërë. Ï karë na Icaka ongweo ngwec böng mërë, ömïö ën gum nakun kobo nï, “Eyo, ngwece ka woda cal kï ngwece pwodho na Rwoth dong ömïö gum.

Acak 31:55

Kodiko cön na pïny dong oru, Laban omotho ëkwaë mërë ëka anyira mërë kï nödhö lemgï, ëka ölamö nïgï gum. Cë opokere ködgï ëka ödök yo pacö mërë.

Acak 45:15

Cë Yocepu önödhö lem utmego mërë kïbëc nakun kok. Kinge manön utmego mërë ötwak ködë.

Acak 48:11

Jakob okobo both Yocepu nï, “Onwongo athamö nï ba dök abino nënö wangi, ëka kobedini Obanga ömïa anënö ëthïnöni thon.”

Acak 48:8

Ï karë na Icarael önënö awope ka Yocepu, ën openyo nï, “Man jö mënë?”

Nwönö Cïk 34:7

Muca onwongo tye kï mwaka 120 ï karë na ën thöö, wangë onwongo pod neno na bër ëka kome thon onwongo pod tëk.