Acak 45:3 - THUR BIBLE PORTIONS

³ Yocepu okobo both utmego mërë nï, “An ënë Yocepu! Apapna pod tye na kwö?” Ëntö utmego mërë onwongo ba twërö gïnï gamö köp mërë, pïën onwongo tye gïnï kï lworo ï nyime.

Acak 45:3 Iomraidhean Croise

Acak 37:20

Bin unu enek ën ökö ëk ebol ï bur mörö acël kany, ëk ekob nï lee mörö na ger ënë omwodo. Cë dong ebino nënö kite na lek mërë gïnï bino cobere ködë.”

Acak 42:21

Gïn öcakö twak ï kin-gï kën-gï nï, “Adyer onu etye ka nwongo pwod pï ömïn onu. Onu ënënö pëkö n'onwongo ën tye ködë ï caa na ën dweko onu pï kwö mërë, ëntö onu ba ewinyo; ënë ömïö pwod ni tye ka bino ï kom onu.”

Acak 42:22

Reuben ögamö nï, “An ba akobo niwu ni kür ïtïm unu bal ï kome? Ëntö un ba iwinyo! Kobedini dong onu myero ëcül remo mërë.”

Acak 43:27

Ën openyogï kite na gïn tye ködë ëka dökï openyogï nï, “Apapwu na un ikobo nï otii tye nïngö? Ën pod tye na kwö?”

Marako 6:50

Gïn kïbëc onwongo komgï öthöö ökö ï caa na gïn önënö Yecu. Ëntö Yecu ötwak ködgï cücüth nakun kobo nïgï nï, “Kür ibed unu kï lworo, bed unu na cwinywu tëk! An ënön!”

Tic k'Ëkwëna 7:13

Ï woth na mëgï më arïö, Yocepu okobo both utmego mërë nga na ën ebedo, ëka Parao ongeo köp ï kom wede ka Yocepu.

Tic k'Ëkwëna 9:5

Caulo openyo nï, “In ïnga Rwoth?” Cë Rwoth ögamö nï, “An Yecu na in itye ka yelo.