Acak 41:8 - THUR BIBLE PORTIONS

⁸ Kodiko na pïny dong oru, cwinye onwongo ba yom, cë ömïö ën ooro köp më cwodo ajwogi ëka ëryëkö kïbëc më Ejip. Parao öcakö kobo nïgï lek mërë, ëntö ngat mörö ope n'onwongo twërö gönyö nïnë lek nön.

Acak 41:8 Iomraidhean Croise

Acak 40:6

Ï karë na Yocepu obino bothgï kodiko mërë, ën önënögï na cwinygï ba yom.

Acak 40:8

Gïn ögamö nï, “Wan kïbëc tin eleko lek, ëntö ngat mörö ope na römö gönyö nïwa thërë.” Yocepu okobo nïgï nï, “Pathï Obanga ënë gönyö kör lek? Kob nïna unu lekwu.”

Acak 41:15

Parao okobo both Yocepu nï, “An aleko lek ëka ngat mörö ope na twërö gönyö tyën köp mërë. Ëntö an awinyo köp ï komi nï in ka iwinyo lek ïtwërö gönyö tyën köp mërë.”

Acak 41:24

Wi kal n'önwëng ömwönyö wi kal abïrö na bëcö ökö. Akobo lek ni both ajwogi, ëntö ngat mörö onwongo ope na twërö gönyö tyën köp mërë nïna.”

Acak 41:7

Cë wi kal abïrö na rarac öcakö mwönyö wi kal na bëcö ökö. Parao ocoo kï ï wang nïnö cë onwongo nï eleko lek dökï.

Matayo 2:1

Kinge na dong ënywölö Yecu ï Bethelem na tye ï Yudea, ï karë n'Erode obedo rwoth, ëryëkö öya kï kukïdë obino gïnï yo Jerucalem

Tic k'Ëkwëna 17:18

Ëryëkö mökö më dul k'Epikurea ëka Citoik öcakö gïnï larö köp ködë. Jö nökënë openyo gïnï nï, “Ngö na ngat ni na twak atata mïtö kobo kany?” Jö nökënë ögamö nï, “Nen calö ën mïtö twakö köp ï kom obanga mörö na path.” Gïn okobo kömanön pïën Paulo onwongo tye ka tïtö Emuth na Bër ï kom Yecu ëka cer ka jö n'öthöö.

Tic k'Ëkwëna 7:22

Epwonyo Muca kï ryëkö ka jö më Ejip kïbëc ëka ën onwongo tëk ï twak ëka ï tic mërë.

1 Jö Korinti 1:19

Ëcöö yam nï, “Abino balö ryëkö ka jö na ryëk, ëka abino këthö ngec ka jö na ngeo pïny ökö.”