Acak 41:51 - THUR BIBLE PORTIONS

⁵¹ Yocepu öcakö nyïng kaö mërë Manace nakun kobo nï, “Pïën Obanga ömïö wia owil ökö kï ï can-na ëka kï ï öt k'apapna kïbëc.”

Acak 41:51 Iomraidhean Croise

Acak 41:30

Ëntö kinge manön, mwaka abïrö nökënë bino lübö na kec bino bedo na tye ïë, wi jïï bino wil ökö ï kom cem na yam öcëk nïgï ï Ejip. Ëka kec nön bino balö lobo rwök.

Acak 41:50

Na mwaka më kec bara othuno, Yocepu onwongo dong tye k'ëthïnö awope arïö n'Acenat nyaka Potipera, alamdhök më On, önywölö.

Acak 41:52

Athïn më arïö ën öcakö nyïngë Epraim, nakun kobo nï, “Pïën Obanga ömïa anywöl ï lobo na an anënö can ïë.”

Acak 48:1

Kinge karë mörö ekobo both Yocepu nï, “Apapni two.” Cë ën otero awope mërë arïö, Manace ëka Epraim.

Acak 48:5

“Ëka kobedini, awopeni arïö na in ïnywölögï ï lobo Ejip n'onwongo bara abino bothi kany, ebino cwodogï nï mëga. Epraim ëka Manace bino bedo mëga kite na Reuben ëka Cimeon obedo gïnï mëga.

Nwönö Cïk 33:17

Ï dit mërë kï dheo mërë ën obedo calö wod thwön n'obedo kaö; tunge cal gïnï kï tung thwön na ger. Kï tunge gïnï ën bino twomo kï rok gïnï, naka jö na tye ï thwok lobo kïbëc. Man ënë gumna pï jö Epraim na pol, ëka kï jö ka Manace na römö elip kï elip.”