Acak 32:5 - THUR BIBLE PORTIONS

⁵ An atye kï dhok, kene, rom ëka dyegi, etic n'obedo cwö ëka etic n'obedo mon. Kobedini an aoro köp ni yo bothi adwongna, ëk ibed kï cwiny na bër ï koma.’”

Acak 32:5 Iomraidhean Croise

Acak 30:43

Manön ömïö Jakob ödökö thwön alönyö na tye kï rom na pol ëka dyegi, etic na mon ëka etic na cwö, kïnaga ëka kene.

Acak 31:16

Adyer lïm kïbëc na dong Obanga ökwanyö ökö kï both apapwa obedo mëwa ëka ëthïnöwa. Dong ïtïm gin na kïbëc n'Obanga okobo nini.”

Acak 31:3

Cë Rwoth okobo both Jakob nï, “Dök ökö cen ï lobo ka kwereni ëka wedeni, cë an abino woth kodi.”

Acak 33:11

Öma gam mïc ni na an akelo bothi, pïën Obanga onyutho kïca mërë ï koma ëka an atye kï mëga na röma.” Jakob ömëdërë kï dïö Ecau naka oye më gamö mïc.

Acak 33:15

Cë Ecau okobo nï, “Ëk awëk jö na mëga mökö bothi.” Ëntö Jakob ögamö nï, “In kür ïtïm nï kömanön. Adwongna bed kï cwiny na bër ï koma, ïwëk dong obed nï kömanön.”

Acak 33:8

Ecau openyo Jakob nï, “Gurup na an aromo ködgï thërë nïngö?” Jakob ögamö nï, “Ëk ibed kï cwiny na bër ï koma, adwongna.”

Acak 47:25

Gïn okobo nï, “In ïlarö kwöwa, adwong ëk ebed kï cwiny na bër ï nyimi. Wan ebino bedo opii ka Parao.”