Acak 24:1 - THUR BIBLE PORTIONS

¹ Abraam onwongo dong otii ëka mwaka mërë më tio onwongo pol. Rwoth onwongo ömïö ën gum ï gin na kïbëc.

Acak 24:1 Iomraidhean Croise

Acak 12:2

“An abino mïöni ibedo rok na dit, ëka abino mïöni gum; An abino mïö nyingi bedo na dit, ëka in ibino bedo dhanö më gum both jö nökënë.

Acak 13:2

Ï karë nön, Abram onwongo ölöny kï leeni më pacö, kï ryal ëka kï gol.

Acak 18:11

Ï karë nön Abraam gïn kï Cara onwongo dong otii gïnï ökö ëka mwakagï onwongo thon thwönë, mwaka ka Cara thon më nywölö athïn onwongo dong opoth ökö.

Acak 21:5

Abraam onwongo dong tye kï mwaka mia acël ï karë n'ënywölö wode Icaka.

Acak 24:35

Rwoth ömïö gum na thwönë rwök both adwongna, ëka ën ödökö alönyö. Rwoth ömïö ën rom ëka dhok, ryal ëka gol, etic n'obedo cwö ëka etic na mon, kïnaga ëka kene.

Acak 25:20

Icaka onwongo dong tye kï mwaka pyer angwën ï karë na ën nyömö Rebeka nyaka Betuel n'obedo dhanö më Aram na tye ï Paddan Aram, ëka amïn Laban dhanö më Aram.

Acak 26:12

Ï karë na Icaka opuro ï mwaka nön, ën ökaö kac na thwönë na kadhö wang mia acël na ën öcwö ökö, pïën Rwoth ömïö gum bothe.

Acak 49:25

pïën pï Obanga k'apapni na konyi, pïën pï gum na Won Twër ënë mii, kï gum na yaa kï malö ï polo, gum na yaa kï kanya thut na tye pïny, gum më thuno ëka ïc.

Matayo 6:33

Ëntö cak unu kono më rangö ker mërë ëka kite atïr mërë, cë ën bino mïöwu jami kïbëc na un ïmïtö.

Jö Galatia 3:9

Pï manön, jö na tye kï yee bino nwongo gïnï gum k'Abraam n'obedo kï yee.

Jö Epeco 1:3

Eru ëmïï pak both Obanga ëka Apap ka Rwoth onu Yecu Kiricito, n'ömïö onu gum kïbëc më tipo na tye ï polo ï Kiricito.

1 Timoteo 4:8

Pïën pwony më ryëö ler kom tye kï köny mökö, ëntö lworo Obanga tye kï köny ï yodhi kïbëc, pïën twërö kelo kwö më karë ni ëka kï karë na tye ka bino anyim.