Acak 2:7 - THUR BIBLE PORTIONS

⁷ cë Rwoth Obanga ocweo dhanö kï ï apua më ngöm, öküdhö yamö më kwö ï ume, ëka dhanö ödökö gin na kwö.

Acak 2:7 Iomraidhean Croise

Acak 1:27

Cë Obanga ocweo dhanö ï cal mërë kikokome, Obanga ocweogï ï cal mërë, ocweo ëcwö ëka dhakö.

Acak 2:6

ëntö pii öcakö cwer kï ï ngöm ï wi lobo ëka obido wi ngöm kïbëc—

Acak 3:19

In ibino camö cem kï kwok na cwer kï ï terinyimi, naka ka ibino dök ï ngöm, kite na yam ekwanyi kï ï apua, pïën in ibedo apua, ëka ibino dök ï apua.”

Acak 3:23

Pï manön Rwoth Obanga öryëmögï ökö kï ï pwodho më Eden më cïdhö puro ngöm na yam ëkwanyö ën kï ïë.

Acak 7:22

Gin na kïbëc na tye ï wi ngöm n'onwongo tye kï yweo më kwö ï kome öthöö ökö.

Tic k'Ëkwëna 17:25

Ëka ën ba mïtö nï etii nïnë gin mörö n'ëyübö ayüba kï cïng dhanö, calö ën onwongo mïtö gin mörö, pïën ën kikome ënë mïö kwö, yweo, ëka gin na kïbëc.

1 Jö Korinti 15:45

Cöc na Leng kobo nï onu nï, “Dhanö më acël obedo Adam n'ödökö dhanö na kwö.” Ëntö Adam më ajiki ödökö tipo na mïö kwö.

1 Jö Korinti 15:47

Dhanö më acël ecweo kï kom apua më lobo, ëntö dhanö më arïö na ënë Kiricito öya kï ï polo.

2 Jö Korinti 4:7

Ëntö wan etye kï lönyö ni na tye ï tabö n'ecweo kï lobo, më nyutho nï tëkö na thwönë yaa kï both Obanga, ëntö ba yaa kï bothwa.

2 Jö Korinti 5:1

Kobedini onu engeo nï ka kom onu më lobo ni n'ebedo ïë ëbalö ökö, etye kï gedo n'öya kï both Obanga na ba ëgërö kï cïng, öt na bedo na twal ï wi polo.

1 Timoteo 2:13

Pïën Adam ënë ëcakö cweo, ëka dong Eba.