Acak 16:16 - THUR BIBLE PORTIONS

¹⁶ Abram onwongo dong tye kï mwaka 86 ï karë na Agar önywölö nïnë Icimael.

Acak 16:16 Iomraidhean Croise

Acak 12:4

Cë Abram öya, kite na Rwoth okobo nïnë ködë, ëka Lot thon owotho ködë. Abram onwongo tye mwaka 75 ï karë na ën yaa kï ï lobo Aran.

Acak 16:15

Agar önywölö n'Abram athïn n'ëcwö ëka Abram öcakö nyïngë Icimael.

Acak 16:3

Cë kinge na dong Abram obedo ï Kanaan pï mwaka apar, Carai ökwanyö atic mërë Agar n'obedo nya jö Ejip ëka ömïö both Abram më bedo dhakö mërë.

Acak 17:1

Ï karë n'Abram dong othuno mwaka 99, Rwoth onen bothe ëka okobo nï, “An Obanga Won Twër kïbëc, kwö ï nyima ï yoo n'opore abonge bal mörö.

Acak 17:25

ëka wode Icimael onwongo dong tye kï mwaka apar adek ï karë n'ëlïrö ën.

Acak 21:5

Abraam onwongo dong tye kï mwaka mia acël ï karë n'ënywölö wode Icaka.

Acak 25:17

Icimael obino obedo ï wi lobo pï mwaka 137 cë dong öthöö, ëka eiko ën kanya acël kï kwere mërë.