Acak 1:26 - THUR BIBLE PORTIONS

²⁶ Cë Obanga okobo nï, “Eru ecweu dhanö na cal kï onu, ëka ëmïïgï ölöö rëc më ï nam, wïny na ngwëcö kï malö, leeni më pacö, wi lobo thükül, ëka leeni na wotho ï wi ngöm kï korgï.”

Acak 1:26 Iomraidhean Croise

Acak 11:7

Bin unu, ëcïdh pïny erurubo lëbgï ëk kür ngat acëlacël önïang ï lëb awodhe.”

Acak 2:19

Cë Rwoth Obanga onwongo dong ocweo leeni më thim kïbëc kï kom ngöm ëka wïny kïbëc na ngwëcö kï malö. Ën okelogï both dhanö ëk önën kite na myero öcak kï nyïng-gï ködë, ëka nyïng mörö na dhanö öcakö kï gin na kwö acëlacël, manön dökö nyïngë.

Acak 3:22

Ëka Rwoth Obanga okobo nï, “Dhanö dong ödökö ngat na cal kï onu, nakun ngeo poko gin na bër ëka gin na rac. Kür dökï ëmïï öryë cïngë më püdö nyig yath më kwö ëka öcam cë ökwö pï naka naka.”

Acak 5:1

Man ënë cöc na nyutho ëkwaë k'Adam. Ï karë n'Obanga ocweo dhanö, ën ocweo na cal ködë.

Acak 9:6

“Ka ngat mörö öönyö remo ka dhanö, dhanö thon bino önyö remo mërë; pïën Obanga ocweo dhanö ï cal mërë.

Tic k'Ëkwëna 17:20

In itye ka kelo kit pwony mökö na papath ï ithwa, ëka wan ëmïtö nïang ï tyënë.”

Tic k'Ëkwëna 17:26

Ën ocweo rok kïbëc më wi lobo kï kom dhanö acël, ëk obed gïnï ï wi lobo thükül. Ën öyübö karë ëka kabedo na myero gïn ökwö ïë.

1 Jö Korinti 11:7

Ëcwö kür myero oum wie, pïën ën obedo cal k'Obanga ëka dheo k'Obanga. Ëntö dhakö ënë dheo k'ëcwö.

2 Jö Korinti 3:18

Ëka wan kïbëc na dong ëkwanyö gin më um ökö kï ï terinyimwa, dong etye na calö dheo ka Rwoth, na mïö ëlökërë ëdökö calö ën, nakun dheo mërë mëdërë amëda, na bino kï both Rwoth, na ënë Tipo.

2 Jö Korinti 4:4

Gïn jö na ba yee nonu, obanga më lobo ni dong oumo thamagï ökö ëk kür önën gïnï tar më Emuth na Bër ï kom dheo ka Kiricito, na ënë cal k'Obanga kikome.

Jö Epeco 4:24

ëka iruk unu kom na nyen, n'ecweo më bedo calö Obanga ï adyer më kite atïr ëka na leng.

Yakobo 3:7

Dhanö römö gwökö kwa leeni kïbëc, wïny, leeni na wotho ï ngöm kï korgï ëka leeni na kwö ï pii,

Yakobo 3:9

Kï lëb onu ëpakö Rwoth onu ëka Apap, ëka kï lëb onu ëlamö kï jö n'ecweogï ï thë cal k'Obanga.