तीतस 3:8 - थुलुङ राई

⁸ ओराम आच्‍छाङा र्‍वाक्‍मा सो़, ओर्मिम सीसि छो़म सीडामी, मेम्‍साका माम्‍चु़नीडा थो़रलु़पा खोत्‍लेका जो़पा खारी छो़म बोमु माल्‍पा दु़म्‍मिनु़। ओर्मिम सीसि खोत्‍लेकाम लागि जो़पा नुङ ख्‍लो़पा बु।

तीतस 3:8 Iomraidhean Croise

मत्ती 20:4

मेकोतिमा गुका मेर्मिमलाई र्‍वाक्‍ता, ‘गानी वो आमा अङ्‍गूर येडा खारी बेप्‍डा लक्‍नी। गानी ल्‍वामु बासिट्‌पा खउलुङ गो ग्‍वानिनी।’

यूहन्‍ना 12:44

मेकोतिमा येशूका डोक्‍पु लो़लामका र्‍वाम्‍डी, “गोडला थो़रलु़पा मु़चु़का गोडला कोङङा मेएँ गोलाई थु़र्पाडला वो थो़र बु़।

यूहन्‍ना 5:24

“आच्‍छाङा गो गानीलाई र्‍वाङु, उहेमका आमा सिजेम थो़सु़, मा गोलाई थु़र्पा पापडला थो़र बु़, मेरामनुङ मेसिपा त्‍वारो़म दु़म। मेम्‍मा मेराम मुमा बेन्‍ला मेसो़सी। गु सिमुलामका त्‍वारो़मडा हुमुदु़म्‍स्‍तु़म बु।

थु़र्मा 12:15

मेर्मिमका रोदालाई र्‍वाम्‍डी, “गाना न मान्‍थिम दु़म्‍नाम बु!” लावो गुका ओराम आच्‍छाङा र्‍वाक्‍साका घ्‍ल्‍वाम फिस्‍ता। मेकोतिमा मेर्मिमका र्‍वाम्‍डी, “मेम माला मेराम पत्रुसलाई रेपा पाह्रीचो़ रो ओ!”

रोमी 4:5

कोङनिम मु़चु़का बु़डु़म डु़म्‍ला रु़दु़मका मेएँ, लावो मुमाचो़लाई मुमा मान्‍थिम बनेबेपा माम्‍चु़नीडा थो़र बु़ माला गुलाई माम्‍चु़नीका उनीमा त्‍वाकु ङादोडा मुमा मान्‍थिम दु़म्‍बेन्‍मी। आरेसाका माम्‍चु़नीका मु़चु़मिमलाई थो़रलामका मुमा मान्‍थिम नुङ जो़पा न-गोकाम दु़म्‍बेन्‍मी।

२ कोरिन्‍थी 4:13

“गो थो़र बेउ, मेम्‍मिमका गो जेङु” र्‍वाक्‍साका माम्‍चु़नीकु सिजेमडा र्‍याक्‍मा बु, गुकुनुङ वो मेरामङा थो़र बु मा गुकु वो जेकु।

एफिसी 4:28

खुपाका आथाडा आनो खुमु डिट्‌नु़ मा त्‍वाकाङा ब्राम्‍दु़ल्‍वा बु़नु़। मेम्‍मा खेरेला दु़म्‍पामिमलाई ग्‍वामु चाप्‍सु़नु़।

१ तिमोथी 1:15

छु़लचो़मिम सेल्‍ला ख्रीष्‍ट येशू सु़म्‍दिसेरडा योम्‍डी र्‍वाक्‍पा ल्‍वा आच्‍छाङा र्‍वाक्‍साका रमु बासी सो़, मा छु़लचो़मिमगोडाम गो छो़म डोक्‍पु छु़लचो़।

१ तिमोथी 2:8

थो़रलु़पामिमकु घ्रो़म्‍दीडा वोस्‍चो़मिमका छोक्‍चो मेबेसाका नुङ रिबुसी मेकिसाका मा सेपा उनी ल्‍वा कोक्‍साका सो़म्‍दी बोमिनु़ र्‍वाक्‍पा आमा न बु।

१ तिमोथी 5:10

मेकोतिमा गुका जो़पा खारी बेसीडा उमा नङ दोस्‍ताम दु़म्‍मु बासी। चो़मिम बर्बेड्‌डु़मिम, वाङथो़लाम रोक्‍पामिमकाम चापे-डुपे बु़साड्‌डु़मिम, माम्‍चु़नीकु चो़मिमकाम खेल सो़ल्‍साड्‌डु़मिम, दु़खा ल्‍वापामिमलाई ख्‍लो़यु़डु़मिम, मा आरेप्‍मामङा जो़पा खारी बोमु छो़म द्‌वाक्‍पा दु़म्‍मु बासी।

२ तिमोथी 1:12

मेम्‍मिमका गो ओर्मिम ल्‍वाकु दुथाम दु़खा इम्‍तोङा लेट्‌पु, लावो ओरामडाम आमा क्रो़म मेलु़। हेङालोने सु़डला थो़र लु़ङडोम बु गो छेपु गुमी येशू। मेम्‍मा गुमीका गोलाई ग्‍वाङ्‌डिमिम खारीडा सु़म्‍दिसेर हुक्‍पा थारीसम्‍म बोङिमी-थार्ङिमी र्‍वाक्‍पा लु़ङ्‌डोम बु।

तीतस 1:9

गुलाई सीट्‌मा थो़रलु़इमिम सिजेमडा गु छो़म थो़र लु़मुम बुमु बासी। मेम बेसाका गुका आच्‍छाङाकु सीसिका वाङमिमकाम उनी सो हन्‍बेन्‍सामु मा आच्‍चाङाकाम सीसिकु कोर्थो़लाम बक्‍पा मु़चु़मिम लिमा बुमी र्‍वाक्‍साका रेम्‍बोमु चापा दु़म्‍बेट्‌नु़।

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

तीतस 2:7

खोत्‍ले जो़पा खारी बेत्तो मेर्मिमकु ङादोडा रेम्‍बेपा मु़चु़ गाना दु़म्‍सा। गाना मेर्मिमलाई सीनामिलो इमा न-गो जो़पा नुङ डोक्‍पु र्‍वाला सो़सिक्‍पा,

तीतस 3:1

आरे बोमु थो़रलु़पामिमलाई मिम्‍बेडामी: साखामचो़ नुङ सरकारी डोक्‍पु मु़चु़मिमकु ल्‍वाडा बुमु, मेर्मिमका र्‍वामिमिम थो़मु, मा हाम लोवो जो़पा खारी बोमु लागि झो़म्‍जो़ल्‍सिमु।

तीतस 3:14

गुइ थो़रलु़पामिम खोत्‍लेका जो़पा खारी बोमु माल्‍पा दु़म्‍मु बासी। मेम्‍साका खेरेला दु़म्‍पा मु़चु़मिमलाई ख्‍लो़मुमि बासी। मेम्‍मा गुइ हाम ना हामकाम मेदु़म्‍सी।

फिलेमोन 1:11

ङादो गु इमा लागि पारिमिम होप्‍माम बाइडा, लावो ओम्‍लो ने इमा नुङ आमा निफिकाम लागिङा ख्‍लो़मु चापा दु़स्‍ताम बु।

हिब्रू 10:24

मेम्‍मा रिखाम नुङ जो़पा खारी बोमुथो़ गुइ हेसाका सो हन्‍बेबेपा मिम्‍डी।

१ पत्रुस 1:21

ख्रीष्‍टलामका माम्‍चु़नीलाई थो़र लु़न्‍निम बु, गुमीका ख्रीष्‍टलाई सिमुलाम फक्‍मिडिमा खोत्‍लेडाम डोक्‍पु दु़म्‍बेट्‌मिडी। मेम्‍मिमका इनी थो़र नुङ हाम-हुम ल्‍वापा इनीमा न माम्‍चु़नीडला बु।